Ioane 21
21
Kua Fakailoa ia Iehu ki ona Hoko i Kalilaia
1Kua uma atu te mea iēnei, oi toe fakailoa ai ia Iehu ki ona hoko i te matāfaga o te Vaitūloto ko Tipelia.#21.1 Tipelia: Ko tētahi ona igoa ko Kalilaia. Kikila ki te Ioane 6.1. E vēnei te auala na fakailoa ai ia ki a te ki lātou. 2Nae fakapotopoto i kinā ia Himona Petelu, ko Toma (tē e fakaigoa ko te Māhaga), ko Natanielu mai Kana i Kalilaia, ko nā ataliki o Hepetaio, ma iētahi hoko e toka lua. 3#Luk 5.5Kua lea atu ia Himona Petelu ki tētahi vāega, “Ko au ka fano oi fāgota.”
“Ki mātou e oatu i tau kau,” kua lea mai ki lātou. Oi olo ai i te vaka, kae i te pō kātoa, e hēki maua he lātou ika e fokotahi. 4I te taimi kua oho ake ai te la, ko Iehu e tū ifo i te matāfaga, kae e hē matea atu e ona hoko. 5Oi fehili atu ai ia Iehu, “Nā taumalo, e i ei hautou ika?”
“E hēai!” kua tali mai ki lātou.
6 #
Luk 5.6
Oi vāgana atu ia Iehu, “Togi te koutou kupega ki te itū taumatau o te vaka, oi maua ai ni autou ika.” Oi togi ai e ki lātou te kupega, ma kua hē ki lātou mafaia oi toe toho mai, ona kua tumu i te lahi o nā ika.
7Kua lea atu te hoko, tē e alofa ki ei ia Iehu, ki a Petelu, “Ko te Aliki tēnei!” I te lagona atuga e Himona Petelu ko te Aliki, oi toe fai ai tona kofu pito ki fafo ona na ia tatala kehea, kae oho ki te tai. 8Ka ko iētahi hoko na ōake ki gāuta i te vaka, ma toho ake te kupega e tumu i te ika. Nae hē mamao lahi ki lātou ki gātai, pe tuha ma he helau mita te mamao. 9I te pa akega ki gāuta, na ki lātou kitea ai he afi malala e i luga ai ni ika, ma ni falaoa. 10Oi vāgana atu ai ia Iehu ki a te ki lātou, “Kaumai ake ni ika i nā ika a koutou na fātoā maua.”
11Oi fano ai ia Himona Petelu ki luga o te vaka ma toho ake te kupega ki gāuta e tumu i nā ika fuaefa, e maua te helau lima hefulu tolu te aofaki. E ui i te lahi o nā ika, kae e hēki gahae te kupega. 12Kua vāgana atu ia Iehu ki a te ki lātou, “Ōmamai oi kakai.” E hēai he tino o ki lātou na loto toa ke fehili vē ki ei, “Ko ai ko koe?” auā kua iloa e ki lātou ko te Aliki. 13Oi fano ai ia Iehu kua tago ki te falaoa ma foki ki a te ki lātou; kua vēnā foki ona fai e ia kinā ika.
14Ko te fakatolu tēnei o taimi kua fakailoa ai ia Iehu ki ona hoko, talu tona toetū mai te oti
Ko Iehu ma Petelu
15Kua uma te lātou kakai, oi fehili atu ai ia Iehu ki a Petelu, “Himona te ataliki o Ioane, e hili nei tō alofa mai ki a te au i lo ki lātou iēnei?”
Kua tali mai ia Petelu, “Io, te Aliki, e iloa lava e koe ko au e alofa atu ki a te koe.”
Kua vāgana atu ia Iehu, “Tauhi aku punuamāmoe.” 16Kua fakalua oi fehili atu ia Iehu, “Himona, te ataliki o Ioane, e alofa mai koe ki a te au?”
Kua tali mai ia Petelu, “Io, te Aliki, e kē iloa lava ko au e alofa atu ki a te koe.”
Kua vāgana atu ia Iehu, “Tauhi aku māmoe.” 17Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?”
Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!”
Kua vāgana atu ia Iehu ki ei, “Tauhi aku māmoe. 18E takutino atu e au ki a te koe te meamoni; ka koi tamaiti koe, nae fai lava e koe tō fuhipaku ma fano ki ho he mea e fia fano koe ki ei; kae kāfai koe e matua, ka falōlō atu ō lima, oi ōmamai ai nā tino oi fai tō fuhipaku, ma kave koe ki he mea e hē fia fano koe ki ei.” 19(Na lea vēnei ia Iehu ke fakailoa ai te auala ka oti ai ia Petelu, ma maua ai he vīkiga mo te Atua.) Oi vāgana atu ia Iehu ki a Petelu, “Mulimuli mai ki a te au!”
Ko Iehu ma Tētahi ona Hoko
20 #
Ioa 13.25
Kua fufuli ki tua ia Petelu oi ia kitea ai tētahi hoko, tē e alofa ki ei ia Iehu, e mulimuli ake — ko ia tē na nofo i tafa o Iehu kae fai te lātou katiga ma fehili vē ki ei, “Te Aliki, ko ai te ka ia fakalata koe?” 21I te kitea atuga o ia e Petelu, oi fehili ai ia Petelu ki a Iehu, “Te Aliki, kae fai vēhea te tino tēnei.”
22Kua tali mai ia Iehu ki a te ia, “Kāfai au e fofou ke ola pea ia ke toe hau au, he ā te popole ai koe ki ei? Mulimuli mai ki a te au!”
23Oi piha ai te tala i nā tino kua talitonu ma mulimuli ki a Iehu, ko te hoko tēnei e hē oti lele. Ka ko Iehu e hēki lea ko te hoko tēnei e hē oti lele; na lea, “Kāfai au e fofou ke ola pea ia ke toe hau au, he ā te popole ai koe ki ei?”
24Ko te hoko tēnei na molimau ki nā mea iēnei, ma ko ia te na ia tuhituhiagia ki lalo; ma e iloa e ki tātou ko tana takutinoga e hako.
Fakaikuga
25Kae e lahi iētahi mea na fai e Iehu. Anei e tuhituhi uma ki lalo nā mea iēnei, hōvē ei na hē ofi te lalolagi kātoa i nā tuhi e fakamaumau ai.
Currently Selected:
Ioane 21: TNT
Tõsta esile
Share
Kopeeri
Want to have your highlights saved across all your devices? Sign up or sign in
Tokelauan New Testament © Bible Society New Zealand, 2009.