Genesis 4
4
Kain ar Habel
1Adam do acʼren bạhu Hawa tulucʼe giticʼmitʼen khan Hawa doe bhạrti hoṛmoyena, ar Kain#4.1: Kain: Hebrewte noa ńutum reakʼ mane do “emakawạdińa.” ńutuman mitʼṭen koṛa hopone janamkedea. Unre Hawae menkeda, “Probhu Isor do mitʼṭen koṛa hopone emakawạdińa.” 2Tayomte uniyakʼ kukhire Kainren boeha Habele janamena. Habel do bhiḍi gupikoe ehopʼena ar Kain do jumi cacasicʼe hoyena.
3Mitʼdin Kain do Probhu Isor ṭhen acʼakʼ jumi reakʼ phosol ạgukateye samaṅkeda. 4#Ibr 11.4Ar Habel hõ acʼren bhiḍi palko khon pạhil janam akan bheḍako ạgukate onkoakʼ itil reakʼ hĩskoe samaṅkeda. Probhu Isor do Habelakʼ samaṅokʼakʼe ataṅkeda, 5menkhan Kainakʼ dãṛẽ do bae ataṅleda. Onate Kain do raṅgaote mẽtʼãhãe dhundketʼtaea. 6Noa ńelte Probhu Isor do Kaine kulikedea, “Am do cedakʼem raṅgao akana ar cedakʼ mẽtʼãhã dom dhund akatʼtama? 7Bhageakʼem kạmi akatʼ khan enḍekhan amakʼ mẽtʼãhã do cedakʼ kharsala baṅ ńelokʼkantama? Am do bhageakʼ bam kạmi akatʼte kại doe khudạu baṛamea ar ona do amakʼ duạrre hecʼkate duṛupʼkokʼa; menkhan uni bhagaoe hoyokʼtama.” 8#Mat 23.35; Luk 11.51; 1 Jhn 3.12 Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.
9Unre Probhu Isor do Kaine kulikedea, “Amren boeha Habel do okare menaea?”
Kaine menkeda, “Bạń baḍaea. Ińren boeha ńel todarote reakʼ bhar do cetʼ iń cetanre menakʼa?”
10 #
Ibr 12.24
Unre Probhu Isore menkeda, “Cetʼem ceka akada? Ńelme, ot khon amren boehawakʼ mãyãm do iń ṭhene rakʼeda. 11Ar ot hõ amren boehawakʼ mãyãm ataṅ lạgitʼ moca bae jhicʼetʼte jumi reakʼ sarap do amrege paṛaoena. 12Jumi dom casgea menkhan ḍher phosol do baṅ hoyokʼtama. Ar uḍạcal hoṛ leka dhạrtirem ạcur baṛaea.” 13Unre Kain do Probhu Isore metadea, “Noa sạjại do ohoń sahao daṛelea. 14Teheń am do jumi khonem lagayediń kana, ar amakʼ mẽtʼãhã samaṅ khoniń danaṅokʼa. Ar dhạrtireń ạcur baṛaere jãhãe samaṅregeń paṛaokʼ unige iń doe gojeńa.” 15Unre Probhu Isor do uniye metadea, “Enḍekhan, okoe ame khũnme uni cetanre iń do eae doboṛiń hala ruạṛa.” Noa menkate Probhu Isor do Kain lạgitʼ nonkan mitʼṭecʼ cinhại bondoboskeda jemon jãhãege samaṅre ńamkate hõ aloko goje.
Kainren bõsko reakʼ katha
16Noa tayom Kain do Probhu Isor samaṅ khone calaoente Eden reakʼ purub secʼ Nod ńutumanakʼ mitʼṭecʼ disạmre girobasokʼe ehopʼena. 17Ar Kain do acʼren bạhu tulucʼe giticʼmitʼen khan uni doe bhạrti hoṛmoyena ar Hanoke janamkedea. Ar Kain do mitʼṭecʼ nagrahae benaokeda. Uni do acʼren gidrạwakʼ ńutum lekate Hanok nagrahae dohokeda. 18Hanokren gidrạwakʼ ńutum do Irad tahẽkana; ar Iradren hoponakʼ ńutum do Methusael; ar Methusaelren hoponakʼ ńutum do Lamek tahẽkana.
19Lamekren do barea bạhukin tahẽkantaea. Unkin modre mitʼ hoṛakʼ ńutum do Ada, ar eṭagicʼakʼ ńutum do Silạ tahẽkana. 20Adawakʼ kukhire do Jabale janamena. Nui Jabalge tạmbure tahẽkate okoe do mĩhũ meromko ạsuletʼko tahẽkan onkoren hapṛame tahẽkana. 21Jabalren boehawakʼ ńutum do Jubạl tahẽkana. Uni do banam ar tirioko oroṅetʼ tahẽkan hoṛkoren hapṛame tahẽkana. 22Silạwakʼ kukhire do Tubạle janamena. Uni do tamba ar mẽṛhẽtʼ reakʼ joto lekan laser jinisko benao reakʼe kạmikan tahẽkana. Tubạl-Kainren miseratakʼ ńutum do Nayma tahẽkana.
23Mitʼdin Lamek do acʼren banar bạhui metatʼkinạ,
“Ada ar Silạ, ińakʼ katha ańjom ben;
Lamekren bạhukin, ińakʼ katha luturakʼ ben.
Okoeṭakʼ hoṛ ińe hạnledeń,
metakʼme okoeṭakʼ koṛa do ińe joṭetʼledeń,
uni doń khũn akadea.
24Kạin khũn reakʼ hala ruạṛ eae doboṛ hoyokʼ khan,
Lamek khũn reakʼ hala do eae gel doboṛ hoyokʼa.”
Seth ar Enos
25Tayomte Adam do arhõ acʼren bạhu tulucʼe giticʼmitʼena ar Hawa do ar mitʼṭen koṛa hopone janamkedea. Ar uniyakʼ ńutum do Sethe#4.25: Seth: Hebrewte noa ńutum reakʼ mane do “em hoyena.” dohoketʼtaea. Hawae menkeda, “Kain do Habele khũnkedete Isor do Habel bodolte armitʼṭen hopone emadińa.”
26Ar Sethren do mitʼṭen koṛa hopone janamena. Uniyakʼ ńutum do Enose dohoketʼtaea. Ar unkhon hoṛko do Probhu Isorakʼ ńutum manotko ehopʼkeda.
Currently Selected:
Genesis 4: SBT
Tõsta esile
Share
Copy
Want to have your highlights saved across all your devices? Sign up or sign in
Santali Bible © Bangladesh Bible Society, 2021.