Mëvaangë Nsunjikulu
Nsunjikulu
Libuuku li Mëvaangë më Mimbunzi like libuuku limwaali lisonikë liikë. Mu libuuku kusonikë ntetë Mpolu Mboti, liikë wun'tubilë mu luziingu lu Yeesu fë moongo butoto. Bunë Yeesu wuzanjikulu ku yilu (1.1-11), Kliistu wukalilë fë meeyi bilaanzi byaandi: kasi baawu kusë bëkum'monooso ko mu n'sunyi. Bwaawu, libuuku li Mëvaangë më Mimbunzi lin'leesi ntatukulu yi Cingangë: Yeesu wukalilë faanë mu Ciluunzi cyaandi, cin'fulë n'viingu bilaanzi.
Manë mësonëmë mu libuuku ali, mëwaalë luziingu. Tulë mu kumonë mëbuundu më bitamaanë kutatikilë fë meeyi Sizwiifë (yimunë m'bunzi Pyeelë), dedë mweekë ku Yelusaleemë, yivaandi ku Antyoosë, li Koleentë kaambofo ku livulë li Filiipë. Baatu bëlëlaandë Poolë mu mweendo fosuku kulëkwendë mu kwe tenduli Mpolu Mboti mu kati ku libuuku ali, libuuku be liili like mu kutubilë mu simpasi ci Cingangë cyo twatatikë vandi i bunë lyaawu lyasiilë mu kululikë makë mooso mu likanë li Ciluunzi ci Fumu.
Mu kumonë fanë n'zisi wutatikilë, wun'tubë: « mwa bisonë Liikë wasonikë ». Munë kati, liikë ke mu kubëzabikini mu mweendo kutoninë ku Towaasë tee ku Filiipë (« Beeso tutoombë kweendë kwaawu... » 16.10-40), i tee ku Yelusaleemë kunë Poolë wuba mu buloko (20.5 – 21.18), i kubotukë livulë li Sezalee tee ku Loomë Fanë Poolë wulë ciingë mivu wali mu kun'fundisi (27-28).
Libuuku ali likabukë mu mikukë ayi (1.8) :
– Ntonunu Cingangë cin'tetë ci Nzaambi ku livulë li Yelusaleemë (1.1 – 8.3),
– kuzabikini Mpolu Mboti mwakë mooso mu si (8.4 – 12.25),
– kutendulë Mpolu Mboti mu mëbweeti mëbelëmë yi m'bu bën'teelë Meditelanee tee ku Loomë, livulë lin'tetë li lwaangu (13.1 – 28.31).
Saangu yizabëkënë mu buloongo n'viipë yisitikë mu mëloonji i mu mizisi mimbunzi. Yeesu wun'leesi Sizwiifë i banë bëkeeli Sizwiifë ko, yaaku tokë wunë wuzingilë ku Palestiinë. Kadë ntaangu Ciluunzi cilë mu kuvutulë bilaanzi byaandi mu manë mëtubë Yeesu i wuvaangë.
Maambu mëke mu libuuku ali mën'zibulë zilë mu simpangulu sinë Cingangë kufwenikini kusalilë: kutendulë Mpolu Mboti yi Yeesu Kliistu kuke mboongu yooso mu buloongo, tee fanë fësitikilë n'toto.
Currently Selected:
Mëvaangë Nsunjikulu: NTVIL
Tõsta esile
Share
Kopeeri
Want to have your highlights saved across all your devices? Sign up or sign in
© 2019, Wycliffe Bible Translators, Inc. and © Alliance Biblique du Congo. All rights reserved.