Uumama 32
32
1Ato Yakobooni karaa deemu malaikooti Waaqaa fuula keesa d'ufte. 2Inni worra arge, Gumiini tunini gumi Waaqaa jed'e, fulla suni Mahanaimu maqa baase.
3Jennaani Yakobooni gara oboleesa isaa Esau, ka lafa Edomu jiru, ufi dura nama erge, 4d'aamate waan jed'e, Waan jettani, Aabbo kiyya, anini, hojattuuni tante, waan siini jed'u, Haga duri isani biraa deeme asi anini Labani woliini tae. 5Looni, harre, ree, hojattule inqaba. Qonqo d'eeta siti ergu jira, aka waan dabre ch'ufa atini biraa na deemtu.
6Jari ergani kaani dachae waan Yakobooni jed'e, Oboleesi kanke Esau ya garre; inninu nama d'ibba afuri fud'ate fuula keesa si d'ufu jira. 7Tana d'ageennaani Yakobooni nahe, lubbuuni d'ufte, nama isaa fulla lamati qoode hori isaa, ree, looni ammalle gaala karra lamati gargari baase, 8herege waan jed'e, Yo Esauuni d'ufe namafi karra qara taani had'e balleese, ta eege baqattefa baati.
9Duuba Yakobooni Waaqa yaamate waan jed'e, Ee Waaqa, Waaqa akhaakhu kiyya Abrahamutiifi abba kiyya Isaaqo, AABBO Waaqa, siti, Lafafi worra keesaniti deebii, nagaya si guuta naani jed'e; 10naasufi jaalala ta atini naa, hojattu tante, garsiifte anini himmalleefi. Anini duri gaafa galaana Yordani taake, ule tiyya male, woma tokole inqabu; amma gumifi hori karra lama kana qaba. 11Amma si kad'ad'a, harka oboleesa kiyya Esau keesaa na baasi. Anini insodaad'a, aka inni d'ufe nu ch'ufa had'e balleesu, nad'eenifi ijoollele. 12#Uum 22.17 Ammo atini qara waan jette, Anini nagaya si guute si daraarse ijoolle heddu ta aka maansa galaana si tolcha jette.
13Inni halkani suni bule jennaani hori oboleesa isaa Esau kennu fed'u hori ufii keesaa fohe: 14laleesa d'ibba lama, d'ad'alafi elemiye diddama, 15gaala aanani sodomafi ogore isaa, looni d'alo afurtamatiifi koromi kud'ani, harre d'ad'altu diddamatiifi mochole kud'ani. 16Hori kana karra karraani gargari baase hojattu isaati kenne waan jed'eeni, Na dura yaa, hori ch'ufa diqo woli hanqisa, oofa. 17Namichi hojattu toko ka hori mata keesa jiruuni waan jed'e, Hojja oboleesi kiyya Esauuni siini bahe, Atini hojattu eenu? Horiini kunini ka eenu? jed'e si gaafate, 18atini waan jettuuni, Horiini kunini ch'ufti ka hojattu tante Yakobooti, ka inni gudda isaa Esauu ergu. Innileeni faanuma teenna d'ufu jira. 19Akasuma ka lameesoleti d'aame, ka sadeesoleti d'aame, ammalle worra ira hafe kaanile, ka hori keesa jiruu d'aame; Waan kana inded'ina, jabeesa Esauti hima, yo inni fuula keesa isani d'ufe; 20waan isani jettani, Hojattuuni tante Yakobooni eege teenna jira. Yakobooni waan ufiini jed'e, Anini hori kana ch'ufa Esauu kenne, aka yo woli arginu inni garaa naa laafe biraa na deemu. 21Akanaani hori Esau erge kaani ufi dura erge, ammo ufi eegeti hafe bule.
Aka Yakobooni Penieliti namaani wolwolaane
22Halkanuma suni Yakobooni kae nad'eeni isaa lamaanifi nad'eeni hojattu lamaanifi ijoolle isaa kud'ani toko fud'ate galaana Yaboki taake. 23Jari kuni taake jennaani horifi hojattu isaale ch'ufa taakisiise, 24#Hos 12.3-4 ufi koba eegeti hafe.
Jennaani nami inni imbeenne d'ufe isaani wolwolaane, haga biiftuuni baatuti. 25Nami suni aka Yakobo indabsanne arge jennaani tafa d'ae miitati buqise. 26Inni waan Yakobooni jed'e, Lafti ya bariite, gadi na lakisi, indeema. Yakobooni, Illakisu, haga atini na eebiftuti jed'eeni. 27Namichi waan jed'eeni, Maqaani ke eenu? Jennaani inni, Yakobo jed'e. 28#Uum 35.10 Namichi waan jed'eeni, Maqaani ke armaa achi Yakoboniti. Atini ya Waaqafi namaani wolmorkitani lachu dabsatte, tanaafi maqaani kanke Israeli taha.
29 #
Jal 13.17-18 Yakobooni waan jed'e, Amma maqa kee nati himi. Ammo namichi, Maafi maqa kiyya beekhu feeta? jed'e, eege Yakobo eebise.
30Yakobooni fulla suni Penieli maqa baase waan jed'e, Ya Waaqaani fuula keesa wolargine iraa hafe. 31Aduuni banaani Yakobooni, ka tafa hokolu, Penieli keesaa bahe. 32Haga arrale gochiti Israeli fooni tafa inyaattu, waan fulla suni Yakobo d'aanifi.
Aka Yakobofi Esauuni wolwoldaani
Currently Selected:
Uumama 32: BOR
Tõsta esile
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.