Yoane 2
2
Erirya lyʼerĩherũkya eKana
1Enyũma wʼebiro bisatu habya erĩherũkya omo mũyĩ wʼeKana yʼeGalĩlaya, kandi nyĩnya wa Yesu abyaho. 2Nĩkwa Yesu nʼabiga buwe mobabirikirwa okwʼĩherũkya eryo. 3Neryo omugulu ebĩnyũ byosĩea byahwa, nyĩnya wa Yesu mwamubwira ati, Sibawite bĩnyũ. 4Neryo Yesu mwabũga naye ati, Mugole, siritolere ukambwira ebyo nangakola, endambĩ yage siriyahĩka. 5Neryo nyĩnya wuwe mwabwira abagombe ati, Ebyosĩ akababwira, mukolebyo.
6Nĩkwa habya malega ndatu bahĩraho omo mitsye yʼAbayũda yʼerĩeryamo. Omo buli rĩrega mwabya lĩtre makũmĩ munani kutse erĩgana nʼamakũmĩ abiri. 7Yesu mwabwira abagombe ati, Mũsũlaye amalega wʼamagetsi. Neryo mobũsũlyago ndeke erĩhĩka oko mũnywa gʼobuli rĩrega. 8Neryo Yesu mwabwira abagombe ati, Lino mutehebyo muhekerebyo omukama wʼerĩherũkya. Nabo mobamutwalirabyo. 9Neryo omukama wʼerĩherũkya abere abigerya amagetsi awabiribya bĩnyũ, ĩsĩasĩ ebĩnyũ nga bĩryalũahi, nĩkwa abagombe abateha amagetsi ĩbanasĩ, omukama wʼerirya oyo mwabirikira ĩba wʼomũherũkĩ. 10Mwabũga naye ati, Abandi bandu bakatsũka erĩhĩra ebĩnyũ byowene; neryo abandu bakabya babĩpũlya ndeke, bakahĩra ebĩnyũ ebĩtowene. Nĩkwa uwe wabiribika ebĩnyũ byowene erĩhũlũkyabyo lino.
11Yesu akola enzũko eyĩ yʼebitikotiko eKana yʼeGalĩlaya. Kandi mwamĩnyĩsya olukengerwa luwe, nʼabiga buwe mobamwĩkĩrĩrya.
12Enyũma wʼaho Yesu, na nyĩnya wuwe, nʼabagala babo, nʼabiga buwe, mobandagalira eKapernaũmũ, kandi mobĩkalayo biro bike.
Yesu akaya omo Hekalũ
(Mt 21.12-13; Mk 11.15-17; Lk 19.45-46)
13Neryo Ekiro kyʼErikiruka kyʼAbayũda kyabya hakũhĩ, kandi Yesu mwahetukira eYerũsalema. 14Omo Hekalũ Yesu mwabana abandu abagũlaya esyonde, nʼesyombũlĩ, nʼehĩrĩkũkũ, nʼabahĩnganĩa bʼesyofranka ĩbanĩkere oko himesa hyabo. 15Neryo Yesu mwakokotya enyambĩ yʼomukoba, neryo mwahigira abosĩ bʼeyĩhya oko Hekalũ, haguma nʼesyombũlĩ nʼesyonde. Kandi mũta esyofranka syʼabahĩnganĩa, nʼerikubula ehimesa hyabo. 16Kandi mwabũga nʼabagũlaya ehĩrĩkũkũ ati, Mũlũsaye hino hyo muno! Muleke eriyira enyũmba ya Tata wage mo nyũmba yʼakatale. 17Abiga ba Yesu mobibuka ngoko kyasakawa kiti, Obũha bwʼenyũmba yawe bũkanyĩta.
18Neryo Abayũda mobamũsũbĩrya bati, Ũkatũkangaya ekitiko-tiko kyahi kusangwa ukakola emyatsi eyĩ kwehĩ? 19Yesu mwasũbĩryabo ati, Mũhĩmbũle eHekalũ eyĩ, nage nasyahanganĩayo omo biro bisatu. 20Neryo Abayũda mobabũga bati, Nawe wasyahanganĩayo omo biro bisatu kwehĩ? Mobahĩmba eHekalũ eyĩ omo mĩaka makũmĩ ani nʼendatu!
21Nĩkwa Yesu ahula ehekalũ yʼomubiri wuwe. 22Neryo omugulu Yesu alũbũkĩbawa oko baholĩ, abiga buwe mobibuka ngoko Yesu abũga ekĩ; neryo mobĩkĩrĩrya Amasako, nʼekĩnywa ekyo Yesu abũga.
Yesu asĩ abundu bosĩ
23Omugulu Yesu abya eYerũsalema okwʼĨkiruka, omo biro bikulu ebyo, abangi mobamwĩkĩrĩrya, ibakalangira emĩbĩrĩ ĩkalĩre eyo akola. 24Nĩkwa Yesu mwatalĩgabo, kusangwa abya asĩ abandu bosĩ. 25Kusangwa siabya nʼobwaga bwʼeribwirwa omwatsi wʼabandu, kusangwa iye abya asĩ ebiri omo mitima yʼabandu.
Currently Selected:
Yoane 2: KB80
Tõsta esile
Share
Copy
Want to have your highlights saved across all your devices? Sign up or sign in
Bible in Kinandi © Bible Society of the Democratic Republic of Congo, and Bible Society of Uganda, 1980.