APUNG ANYIM 7
7
Shelei
1 Apaou nou Noa tü ngiom, “Ni naiuso atsamkhaiu apem kheng nai anap; tititenai ngo nung vetao nouko ni asio ta epsaniu. 2Asio thainian in pungkü ainou niko chinyatnyat ibkü lülo, nungso apong si asang, naiuso tsüsiokü nou thainian ainou nimeme, nung apong si asang; 3maou nai tsakeitsün waio nouso ainou lüko chinyatnyat ibkü apong si asang goumchi apem nai alelo aa noi-iao thaiutha lülo. 4Tititenai loto chinyatnyi nouko ngo ajekhaiu aopülenyi naiuso aopüleso goumchi nai ah nou ou-i-e; naiuso aa noitsün apem, tilüsong ngo shan, nungso goumchi ainou mowani-e.” 5Naiuso Apaou nou apa tü thoiluttsünli Noaüh apem chhin.
6Noa achetpon 600 taoko nai goumchi nai shelei nou shin. 7Shelei ainou thakhuau Noa ko apa thsoso, apa tsammongnyiu, naiuso apa thsoso ün tsammongnyiuso, kheng nai nap. 8Asio thainianso si tsüsiokün thainianso ainou, waio nouso ainou, goh chiai chinkeitsünso ainou, 9nimeme, apong si asang, Goa nou Noa tü thoiluttsünli Noa ko kheng nai nap. 10Naiuso ajekhaiu chinyatnyi yanküta goumchi nai shelei shin.
11Noa aakihlaiu pon 600, alei nime nouko, ajekhaiu chekü chinyat nouko nai nung ajekhaiu noukolu haiuchetngan chikü thoksatkü sungh, naiuso aün koukhantso nouso sopsat. 12Naiuso goumchi nai ajekhaiu aopülenyi naiuso aopüleso ah-nou oukü noiküla. 13Nung ajekhaiu noukolu Noa naiuso apa thsoso: Shem, Ham, naiuso Japet, Noa tsammongnyiu, naiuso ngüso ko ngüso thsoso tsammongnyiu süme nouso, kheng nai nap; 14ngüso naiuso liu thainian chikü in pungkü, tsam thainian in pungkü, goh chiai chinkeitsün in pungkü, waio nouso in pungkü, akoi potsün in pungkü, 15naiuso aa ii noitsün chikü ainou ngüso Noa dongai kheng nai nap. 16Naiuso kheng nai naptsün nyih suntsün chikü, Goa nou Noa tü thoiluttsünli, apong si asang nou nap, küta Apaou nou ngüso amongai kiaplo.
17Shelei nou goumchi nai ajekhaiu aopülenyi noiküla, naiuso khiam nou piajikan küta kheng nou tsopkü sungh. 18Shelei nou kongkü, goumchi nai thatü piakü iula; naiuso kheng nou khiam chi nai tsopkü sungh. 19Naiuso khiam nou goumchi nai thatü kongkü iula, naiuso maou nouso khemko king atsok nouso chikü limlowan. 20Meter chinyat koiai khiam nou kongkü meansan; naiuso king nou limjeikü noiküla. 21Goumchi ko alemlemtsün aa thso apem, waio, tsam thainian, liu thainian, naiuso goh chiko chinkeitsün thainian chikü, 22naiuso khaiunia chikü, aa onthso ii lokü noitsün chikü ean. 23Nungli goumchi nai aa noitsün chikü, khaiunia lüko, tsam thainian lüko, achinkeitsün thainian lüko, maou nai kihtsün waio nouso lüko moisemkü mowan, ngüso goumchi ainou mowan, nungko Noa naiuso apa ko kheng nai noitsünsolu poisan. 24Shelei nou goumchi nai ajekhaiu 150 ngoikü loikü noiküla.
Currently Selected:
APUNG ANYIM 7: KHIABSI
Tõsta esile
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.