Mark 16
16
Rezireksyon Zezi
(Mat 28.1-8; Lk 24.1-12; Zn 20.1-10)
1Apre saba, Mari Madlenn, Mari, manman Zak ek Salome, ti aste bann prodwi aromatik pour zot al anbonm lekor Zezi. 2Granmaten, premye zour lasemenn, zis koman soley ti pe leve, zot ti al kot tonbo. 3Zot ti pe dir ant zot, “Lekel ki pou roul sa gro ros ki dan lantre tonbo pour nou?”
4Me kan zot ti gete, zot ti war ki sa gro ros ti'n ganny roul akote. 5Alor, zot ti antre dan tonbo, e la, zot ti war en zennonm abiye dan en rob blan, pe asize lo kote drwat; zot ti per.
6Me i ti dir zot, “Pa bezwen per, mon konnen ki zot pe rod Zezi ki sorti Nazaret, ki'n ganny krisifye. I pa isi, i'n resisite. Gete, la landrwa kot zot ti'n met li. 7Me al dir son bann disip ek Pyer ki i pe al esper zot Galile. Zot pou war li laba, parey i'n dir zot#16.7 War 14.28..”
8Alor, zot ti sorti dan kavo e zot ti taye akoz zot ti pe tranble avek lafreyer. Zot pa ti dir personn nanryen, akoz zot ti per.
Zezi I Aparet avek Mari Madlenn
(Mat 28.9-10; Zn 20.11-18)
9 # 16.9 Dan plizyer ansyen maniskri napa Verse 9-20. Granmaten premye zour lasemenn, kan Zezi ti'n resisite, i ti aparet dabor avek Mari Madlenn, dan ki i ti'n sas set demon. 10Mari Madlenn ti al rakont bann ki ti'n la avek Zezi, ki ti dan dey e ti pe plere. 11Me kan zot ti tande ki Zezi i vivan, e ki Mari Madlenn ti'n war li, zot pa ti oule krwar.
Zezi I Aparet avek De Disip
(Lk 24.13-35)
12Apre sa, Zezi ti aparet dan en lot fason avek de disip lo semen ki al dan lakanpanny. 13Zot ti retournen e rakont lezot disip. Me zot osi, zot pa ti oule krwar.
Zezi I Aparet avek Onz Disip
(Mat 28.16-20; Lk 24.36-49; Zn 20.19-23; Akt 1.6-8)
14Plitar, Zezi ti aparet avek sa onz disip pandan ki zot ti pe manze. I ti repros zot, akoz zot ti mank lafwa. Zot pa ti oule krwar dimoun ki ti'n war li, apre ki i ti'n resisite. 15I ti dir zot, “Al partou dan lemonn antye; anons Bonn Nouvel avek tou dimoun. 16Sa enn ki ava krwar e ki ava ganny batize, pou ganny sove. Me sa enn ki pa krwar, pou ganny kondannen.
17La bann siny ki pou akonpanny bann ki krwar: Zot pou sas demon lo mon non; zot pou koz bann nouvo langaz. 18Si zot atrap serpan; si zot bwar en pwazon, sa pa pou fer zot okenn dimal. Zot pou poz zot lanmen lo bann malad e bann malad pou geri.”
Zezi i Mont Osyel
(Lk 24.50-53; Akt 1.9-11)
19Apre ki Senyer Zezi ti'n fini koz avek zot, i ti mont dan lesyel e asiz lo kote drwat Bondye. 20Bann disip ti al anons Bonn Nouvel partou. Senyer ti ed zot dan sa travay. I ti konfirm son mesaz par bann siny ki ti akonpanny li.
Currently Selected:
Mark 16: BSK
Tõsta esile
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.