Popular Bible Verses from યોહાન 19

Share

ઝર વેયો દરાક નો ખાટો રસ ઇસુ ના મોડા મ જ્યો, તે હેંને કેંદું, “પૂરુ થાયુ” અનેં મુંણકું નમાવેંનેં જીવ કાડ દડ્યો.

એંનેં પસી ઇસુવેં ઇયુ જાણેંનેં કે હેંને પુંતાનું બદ્દું કામ પૂરુ કર દેંદું હે, એંતરે હારુ કે ઝી પવિત્ર શાસ્ત્ર મ લખવા મ આયુ વેયુ પૂરુ થાએ કેંદું, “હૂં તર્હ્યો હે.”

ઇસુવેં પુંતાની આઈ, અનેં હેંના સેંલા નેં ઝેંનેં વેયો વદાર પ્રેમ કરતો હેંતો ટીકે ઇબીલં ભાળેંનેં પુંતાની આઈ નેં કેંદું, “હે આઈ, ભાળ, ઇયો તારો સુંરો હે.” ફેંર હેંના સેંલા નેં કેંદું, “ભાળ ઇયે તારી આઈ હે.” અનેં હેંના ટાએંમ થીસ વેયો સેંલો, મરિયમ નેં પુંતાનેં ઘેર લેંજ્યો.

પુંણ ઝર હેંનવેં ઇસુ કન આવેંનેં ભાળ્યુ તે વેયો મરેંજ્યો હેંતો, એંતરે હારુ હેંના પોગ નેં ભાગ્યા. પુંણ સેનિકં મનેં એક જણે ઇસુ ની સાતી ની બાજુ મ ભાલો માર્યો, અનેં હેંનેં મહું તરત લુઈ અનેં પાણેં નકળ્યુ.

ઇયે વાતેં એંતરે થાઈ કે પવિત્ર શાસ્ત્ર મ ઝી લખેંલું હે વેયે વાત પૂરી થાએ, “હેંનું એક યે હટકું ભાગવા મ નેં આવે.” અનેં ફેંર એક બીજી જગ્યા લખ્યુ હે, “ઝેંનેં હેંનવેં કુંર્યો હે, હેંનેં ઇપેર વેય નજર કરહે.”

તર વેય ઇસુ નેં હેંનો ક્રૂસ તુંકાડેંનેં હીની જગ્યા તક બારતં લેં જ્ય, ઝી ખોપડી ની જગ્યા કેંવાએ હે, અનેં ઈબ્રાનિ ભાષા મ ગુલગુત્તા.

સેનિકંવેં કાટં નો મોંગટ ગુંથેંનેં હેંના મુંણકા ઇપેર મિલ્યો, અનેં હેંનેં જાંબુડી રંગ નો ઝભ્ભો પેરાયો.