Popular Bible Verses from યોહાન 16

Share

મેંહ આ વાતેં તમનેં એંતરે હારુ કીદી હે, કે તમનેં મારી લેંદે શાંતિ મળે. દુન્ય મ તમનેં દુઃખ થાએ હે, પુંણ હિમ્મત રાખો, મેંહ ઇની દુન્ય ના અધિકારી એંતરે કે શેતાન નેં હરાવ દેંદો હે.

પુંણ ઝર મદદ કરવા વાળો એંતરે હાસ નો આત્મા આવહે, તે વેયો તમનેં પરમેશ્વર ના બારા મ ઝી બી હાસું હે વેયુ વતાડહે, કેંમકે વેયો પુંતે કઇસ નેં કે પુંણ ઝી પરમેશ્વર ની તરફ થી હામળહે વેયુસ કેંહે, અનેં આવવા વાળી વાતેં તમનેં વતાડહે.

હઝુ તક તમવેં મારા નામ થી બા કન કઇસ નહેં માંગ્યુ, તમનેં ઝી જુગે વેયુ બા કન માંગો અનેં વેયો તમનેં આલહે, તર તમારી ખુશી પૂરી થાએં જાએ.

તે હુંદો હૂં તમનેં હાસું કું હે કે મારું જાવું તમારી હારુ તાજું હે, કેંમકે અગર હૂં નેં જું, તે વેયો મદદ કરવા વાળો તમારી કન નેં આવેં, પુંણ અગર હૂં જએં, તે હેંનેં હૂં તમારી કન મુંકલ દેં. અનેં ઝર વેયો આવહે, તે દુન્ય ન મનખં નેં, પાપ ના બારા મ, અનેં ધાર્મિકતા ના બારા મ અનેં નિયા ના બારા મ સાબિત કરહે.

ઇવીસ રિતી થી તમનેં હુદી હમણં તે પીડા હે, પુંણ હૂં તમનેં ફેંર ભાળવા જડેં, તર તમું ખુશ થાએં જહો, અનેં તમારી કનેં થી તમારી ખુશી કુઇ ઉદાળેં નેં સકે. હેંને ટાએંમેં તમું મનેં કઇ યે નેં પુસો. હૂં તમનેં હાસું-હાસું કું હે, અગર તમું મારા નામ થી બા કન ઝી કઇ માંગહો, તે વેયો તમનેં આલહે.

હૂં તમનેં હાસું-હાસું કું હે કે તમું દુઃખી થહો અનેં ગાંગરહો, પુંણ દુન્ય ન મનખં આનંદ કરહે, તમનેં દુઃખ થાહે, પુંણ તમારું દુઃખ આનંદ મ બદલાએં જાહે.