Popular Bible Verses from मरकुस 10

Share

मि इन इलै बुल्द किलैकि मि मनिख कु नौंनो इलै नि अयुं कि दुसरा मेरी सेवा-टहल कैरा पर इलै अयुं की दूसरों की सेवा टहल कैरू, मि अपड़ी मौत की कीमत द्ये के भौत लुखुं तैं ऊंका पापों बट्टी ऊं तैं छुटकारा दींणु कु अयुं छौं।

यीशु ल ऊंकी तरपां देखि के बोलि, “यु मनिख्युं बट्टी त नि हवे सकदु पर परमेश्वर कु सब कुछ संभव च।”

यीशु ल वेकु बोलि, “जा अपड़ा घौर चलि जा तेरु विश्वास ल जु तेरु मि पर च त्वे तैं बचैयेले अर उ तुरंत दिखण लगि गै अर उ तुरंत वेका पीछेने हवे गै।”

इलै जै तैं परमेश्वर ल जोड़ेलि वे तैं मनिख अलग नि कैरो जूं तैं परमेश्वर कु एक करयूं च।”

यीशु ल वे तैं प्यार से देखि अर वेकु बोलि, “एक काम च जु त्वे तैं अभि भि कन जरूरी च जु कुछ धन सम्पति तेरी च वे तैं बेचि के गरीबों तैं दे-दे अर त्वे तैं स्वर्ग का राज्य मा धन मिललो अर मेरू चेला बण के मेरा पिछनैं हवे जा।”

यीशु ल वे तैं पूछि, “तु क्य चाँदि कि मि त्वे कु कैरु” अंधा ल वेकु बोलि, “गुरु जी यु कि मि दिखण लगि जौं।”

पर तुम मा इन नि च जु कुई तुम्हरा बीच मा बढि के महान हूंण चौ त सबसे नम्र अर कम से कम अर सभियूं कि सेवा टहल कन वलो बणो।

मि तुम मा सच बुल्ण छौं कि जु कुई परमेश्वर का राज्य तैं बच्चों जन अपणालो वेल ही परमेश्वर का राज्य मा जै सकण।”

पर भौत सैरा लोग छिनी जु अभि महान छिन ऊं तैं तब नम्र बणये जालो अर जु नम्र छिन ऊं तैं महान बणये जाला।

पर परमेश्वर का वचन मा लिख्युं च कि धरती कि शुरुवात बट्टी परमेश्वर ल मर्द अर औरत बोलि के ऊं तैं बणै। इलै मनिख अपड़ा ब्वे-बुबा बट्टी अलग हवे के ब्यो कैरी कै अपड़ी घरवलि का दगड़ा मा रालो अर उ द्वी एक तन होला इलै उ अब द्वी न पर एक तन च।