Popular Bible Verses from मरकुस 9

Share

यीशु ल वेकु बोलि, क्य तू बुल्णी छै कि, जु तुम कैरी सकदां; क्य त्वे तैं विश्वास नि च? विश्वास कनवळा कु सभि कुछ हवे सकदु।

वे लड़का का बुबा ल तुरंत गंगजै कै बोलि, “हे प्रभु मि विश्वास करदु मेरा अविश्वास तैं दूर कैर।”

बाद मा जब यीशु अपड़ा चेलों दगड़ा मा घौर मा ऐ त तब ऊंल वे तैं पूछि हम ल व दुष्टात्मा किलै नि निकाली साकी? फिर यीशु ल उत्तर दे, “पिता परमेश्वर बट्टी प्रार्थना अर उपवास का अलावा यु जन दुष्टात्मा लुखुं बट्टी भैर नि ऐ सकदी।”

लूंण त खूब च पर जु वेको स्वाद बितड़ि जौं त वे तैं क्य ल ल्युणणो करिल्या? अफ मा लूंण जन गुण रखा अर आपस मा मेल मिलाप से रावा।

जु कुई मनिख मि से प्रेम करदु अर मेरू सम्मान करद उ यूं बच्चों मा बट्टी कै भि एक तैं अपणांदु उ मि तैं न बल्कि परमेश्वर तैं जैल मि तैं भेजि अपणांदु।

जु कुई एक गिलास पांणी तुम तैं इलै पिलालु किलैकि तुम मसीह का चेला कहलांदा छा त मि तुम मा सच बुल्ण छौं वेल अपड़ो प्रतिफल तैं जरुर पांण।

यु एक बड़ो दंड च की जु कुई यूं छुटों मा बट्टी जु मि पर विश्वास करदींनि ऊं तैं उतेडो लगौ त वेको त यु भलो च कि उ अपड़ा गौळा मा जंदरा को पाट लटकाये जौं अर उ समुद्र मा डाले जौं।

पाप का वे कारण तैं अफ बट्टी दूर कैरी के निकाली दे अर वे तैं स्वीकार कर जन जु तेरु आँखों त्वे तैं उतेडो लगौ त वे तैं निकाली दे कांणो हवे कै परमेश्वर का राज्य मा जांण त्वे कु भलो होलो कि द्वी आँखा हवे कै भि तु नरक मा डाले जै।