Popular Bible Verses from मरकुस 11

Share

इलै मि तुम मा बुल्णु छौं कि जु कुछ तुम पिता परमेश्वर बट्टी प्रार्थना कैरी के मांगिल्या त विश्वास कैरा कि उ तुम तैं मिली गै अर पिता परमेश्वर तुम तैं दयालो।

मि तुम मा सच-सच बुल्णु छौं जु कुई यु डांडा कु बुललो तु उखड़ि जा अर समुद्र मा पोड़ि जा अर अपड़ा मन मा शंका नि कैर बल्कि विश्वास कैर कि जु बुल्णु च उ हवे जालो त वेको उन ही हवे जालो।

अर इन ही जब कभि तुम पिता परमेश्वर बट्टी प्रार्थना करदा अर जु तुमारा दिल मा कैका खिलाफ कुई बैर हो त माफ कैरा इलै कि पिता परमेश्वर जु स्वर्ग मा रौंद तुमारा पापों तैं भि माफ करलो।

यीशु ल वे तैं जवाब दे “परमेश्वर पर विश्वास रखा की जु तुम ल मांगि वे तैं परमेश्वर ल पूरो कन।”

अर ऊंकु बोलि “पिता परमेश्वर का वचन मा यु लिख्युं च कि मेरू घौर सभि जातियों का लुखुं कु पिता परमेश्वर बट्टी प्रार्थना कु मन्दिर बुलयालो? पर तुम ल यु तैं डकैतों को उडयार बणैयेलि।”

जु वेका अगनैं-अगनैं अर पिछनै-पिछनै जांणा छा पुकारी-पुकारी के बुल्दी जांणा छा “होशाना” हो धन्य च उ जु परमेश्वर की सामर्थ से आंद।

हमारा पुरणों मा राजा दाऊद कु राज्य जु परमेश्वर की सामर्थ मा आंणु च परमेश्वर जु स्वर्ग मा रांदो वेकी होशाना हो।