Kupokea NenoMuestra

Kariri Neno

Njia nyingine ya kusoma Neno ni kukariri. Mtunga-zaburi anasema hivi katika Zaburi 119:11

"Neno lako nimeliweka moyoni mwangu."

Hakuna zoezi kubwa kuliko kukariri Maandiko. Ikiwa hujawahi kuifanya hapo awali, anza na aya kwa wiki. Mwishoni mwa mwaka, utakuwa na aya hamsini na mbili kwenye hifadhi yako ya kumbukumbu.

Kusudi la kukariri Maandiko sio ili uweze kushinda shindano au tuzo. Anachojishughulisha Mungu ni kwamba wewe una Neno moyoni mwako kusudi uwe tayari kulitumia katika hali yoyote.

Kwa nini hilo ni muhimu? Kwa sababu Neno la Mungu ni “upanga wa Roho” (Waefeso 6:17). Ni Neno ndilo ambalo Roho Mtakatifu hulitumia kukusaidia nyakati ngumu zinapokuja. Lakini kama huna Neno moyoni na akilini mwako, Roho Mtakatifu hana upanga wa kuuchomoa na kuushika na kuutumia.

Mfano bora wa thamani ya kujua Maandiko ni Yesu kule nyikani alipokuwa akijaribiwa na shetani (Mathayo 4:111). Yesu alimjibu Shetani kila mara, “Imeandikwa.” Yesu hakufungua nakala ya Agano la Kale na kumwonyesha Shetani aya hiyo. Alijibu tu kutoka kwa yale yaliyokuwa moyoni Mwake.

Siwezi kukuambia ni mara ngapi Mungu ameniletea Neno lake akilini mwangu ili kunionyesha njia ninayopaswa kwenda. Hivyo ndivyo Roho Mtakatifu anavyofanya kazi. Yeye huangazia akili zetu kwa Neno ili tuweze kuona kile tunachopaswa kufanya. Lakini lazima kwanza tuwe na bidii ya kuliweka Neno katika akili zetu.