Soma Biblia Kila Siku Julai/2022Muestra

Zekaria ni miongoni mwa manabii wa taifa la Israeli. Ujumbe wake ni wa kihistoria (m.1) na wa kweli: Mungu alitenda alivyosema. Kwa hiyo anawahoji waliomsikiliza Zekaria: Maneno yangu, na amri zangu nilizowaagiza hao manabii, watumishi wangu, je! Hazikuwapata baba zenu? Nao wakageuka na kusema, Vile vile kama Bwana wa majeshi alivyoazimia kututenda, sawasawa na njia zetu, na sawasawa na matendo yetu (m.6). Sasa anawaita watu watubu vivyo hivyo. Waungame uovu wao kabla hawajaadhibiwa. Nirudieni mimi, asema BWANA wa majeshi, nami nitawarudia ninyi … Msiwe ninyi kama baba zenu (m.3-4). Tukubali historia itufundishe. Neno la Mungu lipo, likitenda kazi. Toba ya kweli ni kurudi kwa Bwana. Pasipo kurudi kuna majuto. Tunaitwa kulishika kwa kuliamini, kulitii na kuliishi.