Paglakad Kasama Ni HesusEjemplo

SUMUNOD, SUMUNOD, AT SUMUNOD

Sumagot si Maria, “Alipin po ako ng Panginoon. Mangyari nawa sa akin ang mga sinabi ninyo.” At iniwan siya ng anghel. (Lukas 1:38)

Sa mga kwentong pambata, madalas tayong nakakarinig ng mga kwento tungkol sa mga bata na sumusuway sa payo ng kanilang mga magulang at pinipiling gawin ang gusto nila. Kailangan nilang pasanin ang mga kahihinatnan kapag pinili nila ang landas upang sundin ang kanilang sariling kagustuhan.

Sa Bibliya, makikita rin natin ang mga tauhan na kabaligtaran ang ginagawa. Si Maria ay sumunod nang marinig niya ang utos ng Diyos na sinabi sa kanya ng anghel Gabriel. Ayon sa kalooban ng Diyos, si Maria ay maglilihi at manganganak ng isang lalaki na pinangalanang Jesus (talata 31). Tunay na kalooban ng Diyos para kay Maria. Hindi naging madali para kay Maria ang pagsunod dito dahil, noong panahong iyon, si Maria ay dalaga pa at walang asawa. Subalit pinili ni Maria na sundin ang kalooban ng Diyos na makasama siya sa dakilang plano ng pagtubos ng Diyos sa sangkatauhan.

Matutuhan nawa natin kay Maria ang kanyang pagsunod sa mga utos at plano ng Diyos para sa ating buhay. Hindi ito laging madali, ngunit ang pagsunod ay ang pianakamabuting pagpili dahil ang biyaya ng Diyos ang magpapalakas at magpapalakas sa atin. Nawa'y mahayag ang mga utos at plano ng Diyos sa ating buhay, na magdudulot ng kasiyahan sa puso ng Diyos at kasaganaan naman para sa ating sarili at sa iba.

Pagninilay:

1. Kapag nahaharap ka sa utos at mga plano ng Diyos, mananatili ka bang masunurin kahit na mahirap para sa iyo?

2. Ano ang natutuhan mo sa kuwento ng pagsunod ni Maria?

Aplikasyon:

Isulat ito sa iyong layunin sa araw na ito na laging sumunod, sumunod, at sumunod.