Bahebheru 9

Kunamata Ndzimu mu shango ne Kudzimu

1Tjidumano tje kutanga naitjo tjakabe tjina milayo ye kunamata Ndzimu ne nshasha we kunamata wa muno mu shango. 2#Kufuluka 26:1-30; Kufuluka 25:31-40; Kufuluka 25:23-30Kwakabakiwa nshasha#9:2 nshasha: Kene “Ng'umba ye Ndzimu.” utjakuzhe, imomo kwakabe kuna bugalo gwe luvone ne tafuli inobigiwa tjiwunga tjadusigwa Ndzimu; wakabe udang'wa bugalo gwakayengemala. 3#Kufuluka 26:31-33Shule kwe tjisitili tje bubili kuli nshasha#9:3 nshasha: Kene “Ng'umba ye Ndzimu.” unodang'wa Bugalo gwakayengemala kupindisa. 4#Kufuluka 30:1-6; Kufuluka 25:10-16; Kufuluka 16:33; Mbalo 17:8-10; Kufuluka 25:16; Matama 10:3-5Imomo kwakabe kuna tjibeso tje golide tjinopisigwa motsha ne Bhokisi le Tjidumano lakabe lakadzulugwa nge golide, mulili kwakabe kuna hali ye golide igala mana ne ludozo gwa Aroni gwakati gukathinila ne mabgwe mabili e tjidumano ne hali ye golide yakabe igala mana. 5#Kufuluka 25:18-22Pezhugwi kwe bhokisi ileli kwakabe kuna batumwa be Ndzimu banopenya bakasitila tjigalo tje ngoni. Koga atingatjenese zwithu izwezwi ngwenu.

6 # Mbalo 18:2-6 Kwakati zwithu izwezwi zwisinolulwamisiwa nge zila yakajalo, bapirisiti bakabe bogala bengina mu nshasha ukuzhe kushinga mishingo ye kunamata. 7#Zwipo 16:2-34Ngono koga mu nshasha we bubili kongina Ntungamili we bapirisiti koga, naiye engina kang'ompela koga nge gole, engina akasenga malopa aanopa ezwipila ebe epila milandu ye bathu. 8Nge zila iyeyi Meya yakayengemala inolakidza kuti zila inongina mu Bugalo gwakayengemala kupindisa ayithu ikazhugwa, ha nshasha we kutanga utji yapo. 9Ikoku kolakidza ngekwe misi ino. Kuyendidzana ne ndongoloso iyeyi, zwipo ne zwibhayilo zwinopiwa Ndzimu azwingalulwamise hana ye unouthigamila, 10koga koshinga nge zojiwa ne zwing'o ne kungudziwa, ili milawana ye kubuyapidza mbili tjakuzhe kuswikila ndongoloso tshwa ibepo.

11Koga Kirisiti wakati ezha ali Ntungamili we bapirisiti we zwithu zwakanaka zwakazha,#9:11 zwakazha: Dzimwe hwalo dza ntolo dze Bhaibhili dzina “zwinowozha.” kangina kushinga mu nshasha nkulu wakapelela usakathamiwa nge maboko, usi we lubumbo guno, 12wakangina kang'ompela kakale asingatjowongina kakale mu Bugalo gwakayengemala kupinda magalo wose akayengemala asakasenga malopa e mbudzi kene e zwikondolo, koga nge awe malopa kawana kudzutunula kusingapele. 13#Zwipo 16:15, 16; Mbalo 19:9, 17-19Ngobe ha kuli kuti kunyasiwa kwe nthu wakatemapala nge malopa e mbudzi ne e mikono nenge milota ye pholombe kutjenapadza mbili; 14malopa a Kirisiti iwo anowobatjenapadza kungapani iye wakati nge Meya inotjila nge kusingapele kazwipa Ndzimu, ali tjibhayilo tjisina tjifo, kuyengemadza mikumbulo yenyu kuti ibhude mu mishingo isina bhatsho, kuti tishingile Ndzimu unotjila.

15Ndizo Kirisiti ndiye mmilili we tjidumano tjitshwa, kuyita kuti ndizo ibabo bakadang'wa baamutjile thaka isingapele yabakagadziwabgwe se Kirisiti akafa kubasunungula mu kutjinya kwabakathama mu mazhuba e tjidumano#9:15 tjidumano: Dama le Tjigiriki lakashingisiwa ipapa lodwa “tjidumano” kene “dama le nfi.” tje kutanga.

16Ha kuli kuti kuna lukwalo gunokoba lukata, kwakafanila zibgwa kuti malebeswa nkwali wago wakafa; 17ngobe lukwalo gunokoba lukata goshinga koga mweni wago afa, agutoshinga atjatjila. 18Ndizo ne tjidumano tje kutanga na itjobo atjizotongoshinga kusina malopa. 19#Kufuluka 24:6-8Ngobe Mushe wakabe eti asinozibisa bathu ndayo yose ye nlayo, katola malopa e zwikondolo ne e mbudzi akashanganyiwa ne vula ne wulu shaba ne nshangule ebe eanyasa lukwalo gwe nlayo kose ne bathu bose. 20Elebeleka eti, “Awa ndiwo malopa e tjidumano tjakalaugwa nge Ndzimu kuti mu tjilondolodze.” 21#Zwipo 8:15Nge zila iyeyo zwayo, Mushe wanyasa malopa Nshasha we Tjidumano ne zwithu zose zwinoshingisiwa mu kunamata Ndzimu. 22#Zwipo 17:11Malebeswa hwuti, mu nlayo, bunji gwe zwithu gotjenapadziwa nge malopa ne zwibi zwe bathu zozwiibhatigwa koga ha kwatebuka malopa.

Kirisiti ndiye tjibhayilo tjinodusa jinyo

23Kwakabe kwakalingisana kuti mitutshi ye zwithu zwi kudzimu itjenapadziwe nge zwithu izwezwi, koga zwe kudzimu izo, zwitjenepadziwe nge zwibhayilo zwinoyita pana izwezwi. 24Ngobe Kirisiti aazongina mu bugalo gwakayengemala gwakathamwa nge bathu, igo gwakabe guli ntutshi we zwithu zwakwako. Koga wakangina kudzimu tjose iko kwaali mmilili wedu mbeli kwe Ndzimu. 25Kene aazobe ezwithama tjibhayilo gole ne gole, sekwakabe kuthama Ntungamili we bapirisiti wakabe engina mu Bugalo gwakayengemala kupinda magalo wose akayengemala akasenga malopa asi awe. 26Ha kwakabe kwakajalo wakabe ewobe akafanila kudziyila kanjinji kudwila mu kubumbiwa kwe shango. Koga, wakazha ngwenu mu bupelo gwe misi yose, wakazha kang'ompela kakale asingatjawozha, kadusa jinyo nge kuzwithama tjibhayilo. 27Mmwe ne mmwe wakalingisana ngofa kang'ompela, ngono shule kwa ipapo asumikilisiwe. 28#Isaya 53:12Sa ikoko Kirisiti na iyebo wakabe tjibhayilo kang'ompela kudusa jinyo le banji. Unowoboneka gwe bubili, asingazhile jinyo le bathu, koga ewotjidza ibabo bakanlindila nge mimoyo yabo yose.

Actualmente seleccionado:

Bahebheru 9: KBTP

Destacar

Copiar