Bahebheru 6
6
1Ndizo ngwenu ngatisiyeni zwidiyo zwe kutanga ngekwa Kirisiti tidwilile nge zwe buhwola. Tisiteye kakale thiwa ye zwidiyo ngekwe kushanduka mu mishingo isina bhatsho ne kugalamoyo mu Ndzimu, 2zwidiyo zwe kudubikiwa#6:2 kudubikiwa: Kene “nshingo we kutjenesa.” nenge zwe kubiga maboko ne zwe kumuka kwe bafi nenge zwe kusumikilisiwa kusingapele. 3Towothama woku ha Ndzimu uduma.
4Ngobe akutotubuka kushandula kakale ibabo bakabe bawana tjedza bakalabila tjipo tje kudzimu, bakabe ne gobe le Meya yakayengemala, 5kakale bakalabila zipa kwe dama le Ndzimu ne masimba e misi inozha, 6ha befupatila kushanduka kwabo, banobambula Nkololo we Ndzimu kakale, benlengudza.
7Ngobe nnda unong'wa vula inona kukudza mitjelo una bhatsho muna ibabo baunolimigwa, unokombolegwa nge Ndzimu. 8#Kutangisa 3:17, 18Koga ha umela mihwa ne zwishosho auna nshingo, umu mbatsha dze kulongwa bhiso, bhelelo lawo hwupisiwa.
9Nenguba tilebeleka sa ikoku nge kwenyu badiwa, togalabgwe kuti mowowana makombolelo anozhisa jidzo. 10Ngobe Ndzimu ate kuli kuti auzolulwama kwawungashayila hanya nshingo wenyu ne ludo gwamakalakidza nge kwawo mu bhatsha bayengemali sekwa mutja thama nangwenu. 11Toyemula kuti mmwe ne mmwe wenyu alakidze kumusa meya mu kuhwisisa malebeswa e kugalabgwe kuswikila ku bupelo. 12Kuti ndizo musibe simbe, koga mube bayedzi baibabo bakati nge kugalamoyo nenge moyonlefu bakaamutjila kugadziwabgwe.
Kugadzabgwe kwe malebeswa kwe Ndzimu
13Ngobe Ndzimu wakati uthama tjidumano na Abhurahama, ukatuna nge zina lawo sekwakabe kusina mmwe nkulu pawuli wawakabe ugatuna naye. 14#Kutangisa 22:16, 17Wakatuna uti, “Nge malebeswa ndowokukombolela kakale athama kuti uwande.” 15Abhurahama kati alindila nge moyonlefu, kaamutjila tjaakabe agadziwabgwe. 16Bathu banotuna nge mmwe nkulu pabali, ngono mu kusawililana kwabo kose, kutuna ndiko kunoligila ndebo. 17Ndzimu wakati ushaka kulakidza bagalithaka mbumbiko isingashanduke ye kugadzabgwe kwawo kwawakabapa nge zila inogadzamoyo, ukatuna, 18kuyita kuti nge zwithu zwibili zwisingashanduke zwausingake ukabona Ndzimu nlandu muzwili, iswi takatizha tishaka dizhilo tikulumbidzike kwazo kubhatisa kugalabgwe kwakabigiwa mbeli kwedu. 19#Zwipo 16:2Tina kugalabgwe ikoku se midzi ye butjilo gwedu, kugalabgwe kunginila tjemukati mu ng'umbana itja mukati shule kwe tjisitilo, 20#Njimbo 110:4ndiko Jesu kwaakangina ali ntangidzi alimilile iswi, kabe Ntungamili we bapirisiti nge kusingapele kuyendidzana nge ndongoloso ya Melikizedeki.
Actualmente seleccionado:
Bahebheru 6: KBTP
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Kalanga Bible © Bible Society of Botswana, 2008, 2018.
