KALATIA Na i Vakamacala Taumada
Na i Vakamacala Taumada
Ni sa tekivu me vunautaki ka ciqomi na i Tukutuku Vinaka i Jisu vei ira era sega ni Jiu, sa qai tubu mai na vakatataro ena ka oqo: E dodonu beka vua e dua na tamata me muria na Lawa i Mosese me yaco kina me dua na tamata lotu Vakarisito dina? O Paula e vakatavuvulitaka ni ka oqo e sega ni gadrevi. Na yavu dina ga ni bula ena vuku i Karisito sai koya na vakabauta, ka oqo ga na yavu eda sa vakadonui kece kina mai vua na Kalou. Ia ena kedra maliwa na i soqosoqo lotu eso mai Kalatia ena dua na yasana vaka-Roma mai Esia Lailai, era a lako mai kina eso na tamata ka saqati Paula. Era kaya ni sa dodonu talega vua e dua na tamata me muria na Lawa i Mosese me vakadonui kina mai vua na Kalou.
Na i Vola i Paula vei Ira mai Kalatia sa volai me kauti ira lesu mai na tamata era sa vakacalai mai na i vakavuvuli cala vakaoqo, me ra vakalesui tale ki na vakabauta kei na i vakarau dina. A tekivutaka na nona i vola o Paula ena nona taqomaka na nona dodonu ni sa kacivi o koya me dua na i apositolo i Jisu Karisito. A sa dusia tikoga ni sa mai vua na Kalou na nona kacivi me i apositolo, ka sega ni vu mai na dua na i liuliu vakatamata. A sa kacivi talega o koya me kaulotu vei ira era sega ni Jiu. A sa qai tasereka vinaka na nona vakatutu ni da sa vakadonui ga na tamata mai vua na Kalou ena vuku ni vakabauta. Ena i otioti ni vica na wase ni vola, e vakaraitaka kina o Paula ni i tovo Vakarisito ena tovure vakaikoya mai na loloma sa vu mai na vakabauti Karisito.
Na Lewe ni Vola
Na i vakamacala taumada 1.1-10
Na kaukauwa i Paula me vaka e dua na i apositolo 1.11—2.21
Na i tukutuku vinaka ni loloma soliwale ni Kalou 3.1—4.31
Na galala kei na i tavi Vakarisito 5.1—6.10
Na i tinitini 6.11-18
Actualmente seleccionado:
KALATIA Na i Vakamacala Taumada: FNV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Fijian New Version Bible, Revised Edition © Bible Society of the South Pacific, 2017, 2021.