EFESO Na i Vakamacala Taumada
Na i Vakamacala Taumada
Na i Vola i Paula vei Ira mai Efeso e goleva taumada “Na i naki ni Kalou sai koya ena vakataucokotaka, ena lokuca me vakaduavatataka na veika kecega mai lomalagi, kei na veika e vuravura vei Karisito”. (1.10) Sa dua talega na kerekere vei ira na tamata ni Kalou, me ra bulataka na i balebale ni i naki cecere oqo ena vuku ni kena vakaduavatataki na tamata kecega ni ra sa duavata kei Jisu Karisito.
Ena i matai ni wasewase ni vola oqo, sa goleva kina o koya e volavola tiko na ulutaga ni ‘duavata’ ena nona tukuna na sala e vakayagataka na Kalou me digia kina na nona tamata, na sala era a vosoti ka vagalalataki kina mai na nodra i valavala ca ena vuku i Jisu Karisito na Luvena, kei na vakadeitaki ni vosa ni yalayala ni Kalou ena vuku ni Yalo Tabu. Ena i karua ni wasewase ni vola, a sa vakamasuti ira kina era sa wilika na i vola oqo me ra bulataka na i tovo ni bula sa vakadinadinataki kina na dina ni nodra sa semati vei Karisito ni ra sa bula vata voli e veisiga.
E vica na vosa vakaiyaloyalo e vakayagataki me vakaraitaka na nodra sa duavata na tamata ni Kalou ena nodra tu vata kei Karisito: na i soqosoqo lotu sa vaka e dua na yago, ka sa uluna na Karisito; se vaka e dua na vale ka sa kena i vakadei ena tutu ni vale na Karisito; se vaka e dua na yalewa vakawati ka watina tagane na Karisito. E tubu cake sara na i tovo ni vosa vakaiyaloyalo ena i vola oqo; ni sa vakayavalati o koya e vola ena vakasama ni loloma ni Kalou ena vuku i Karisito. Na ka kece e laurai ena rarama ni loloma, i soro, veivosoti, loloma kei na savasava i Karisito.
Na Lewe ni Vola
Na i vakamacala taumada 1.1-2
O Karisito kei na Lotu 1.3—3.21
Na bula vou ena vuku i Karisito 4.1—6.20
Na i tinitini 6.21-24
Actualmente seleccionado:
EFESO Na i Vakamacala Taumada: FNV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Fijian New Version Bible, Revised Edition © Bible Society of the South Pacific, 2017, 2021.