KOLOSA Na i Vakamacala Taumada
Na i Vakamacala Taumada
Na i Vola i Paula vei ira mai Kolosa sa volai kivei ira na lewe ni soqosoqo lotu mai Kolosa, e dua na koro mai Esia Lailai ka toka ena tokalau kei Efeso. E a sega ni tauyavutaka o Paula na i soqosoqo lotu oqo, ia sa tiko ga ena loma ni nona tabacakacaka ni veiqaravi, ka ni dautala yani kina eso na dauveiqaravi mai Efeso, na koro turaga ena yasana vaka-Roma mai Esia. A sa kila rawa o Paula ni tiko eso na i vakavuvuli vakailasu ena lotu mai Kolosa ka ra vakabibitaka na kena qaravi eso tale na “dauveiliutaki vakayalo kei na kaukauwa vuni” me qai vakataucokotaka sara na rawati ni bula vakayalo. E kuria oqo na nodra vakavuvulitaka na bibi ni kena muri na i valavala eso me vaka na veicilivi kei na rokovi ni vakatatabu eso me baleta na kakana kei na veisolevu vakalotu tale eso.
E a volavola kina oqo o Paula me saqata na veivakavuvuli oqo ena i vakavuvuli dina Vakarisito. Na uto ni nona volavola lesu sai koya me dusia ni Gone Turaga ko Jisu Karisito duadua ga sa solia rawa na veivakabulai vakayalo e ka taucoko, ka sega ni vakatikina walega; ka ra sa gole tani mai na dina oqo o ira kece sara na veivakabauta kei na vakatavuvuli vakailasu oqo. Ena vukuna ga na Karisito, a sa bulia kina na vuravura na Kalou, ka sa vakataucokotaki vuravura lesu ki vua ena vukuna talega na Karisito. Ena vuku i Karisito ga sa rawati kina na i nuinui me baleta na veivakabulai e vuravura. Sa qai vakarabailevutaka yani o Paula na dina ni vakavuvuli levu oqo ki na nodra bula na tamata vakabauta.
E bibi talega me kilai ni o Tikiko, o koya e a kauta na i vola oqo ena vuku i Paula vei ira mai Kolosa, ni a salavata yani kei koya o Onisimo, na bobula ka a volavola ena vukuna o Paula ena nona i vola vei Filimoni.
Na Lewe ni Vola
Na i vakamacala taumada 1.1-8
Na i vakarau ni bula kei na cakacaka i Karisito 1.9—2.19
Na bula vou kei Karisito 2.20—4.6
Kena i tinitini 4.7-18
Actualmente seleccionado:
KOLOSA Na i Vakamacala Taumada: FNV
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Fijian New Version Bible, Revised Edition © Bible Society of the South Pacific, 2017, 2021.