2 KORINICA 3

Keitou sai Talatala ni Veiyalayalati Vou

1Sa tekivu beka me keitou tukuni keitou vei kemuni? Sa na yaga beka na i vola me tukuni keitou vei kemuni se na i vola mai vei kemuni? 2Sa i kemuni sara ga na neitou i vola keitou gadreva, na i vola e volai ena yalo i keitou, sa wiliki ka kilai mai vei ira na tamata kecega. 3#Lako 24.12; Jere 31.33; Isi 11.19; 36.26Sa macala tu ni sai kemuni ga e dua na i vola mai vei Karisito, sa soli vei keitou me keitou mai solia; e sega ni volai ena wainivolavola ena pepa se ceuti ena dua na vatu, ia sa vola ga na Yalo ni Kalou bula ena yalo ni tamata.

4Sa vaka tu oqo na neitou nuidei vua na Kalou ena vuku i Karisito. 5E sega ni baleta ni tu vei keitou na kaukauwa me keitou kaya rawa kina ni sa vu vei keitou e dua na ka. Sa vu na neitou kaukauwa mai vua na Kalou, 6#Jere 31.31o koya sa solia vei keitou na kaukauwa me keitou i talatala ni veiyalayalati vou, e sega ni volai ena lawa, ia ena cakacaka ni Yalo Tabu. Ni sa kauta mai na mate na lawa, ia sa kauta mai na bula na Yalo Tabu.

7 # Lako 34.29 Kevaka e vakaiserau na kena a soli mai na lawa sa ceuti tu ena vatu sa kauta mai na mate, ka sa sega kina ni rawa vei ira na Isireli me ra raica matua na mata i Mosese ena kena i serau sa rawa ni seyavu, 8ena qai vakaevei na levu ni serau ni ka e kauta mai na Yalo Tabu. 9Kevaka sa vakaiserau na kena soli mai na ka e kauta mai na cudruvi sa na qai vakaevei na levu ni serau ni ka e kauta mai na veivakadonui. 10Sa mani seyavu yani kina na i serau ni ka e liu, ena kena levu ni serau ni ka sa uasivi cake. 11Ia kevaka e vakaiserau na ka sa rawa ni talai, sa na vakaevei na levu ni kena i serau na ka sa tudei.

Na Lawa kei na Yalo Tabu

12Ia ni sa tu vei keitou na i nuinui oqo keitou sa yalodei kina. 13#Lako 34.33Keitou sa sega ni vakataki Mosese, o koya sa ubia na matana ena i ubi me ra kakua kina ni raica na Isireli na seyavu kei na takali ni serau. 14Ia sa vakaukauwataki na lomadra; me yacova mai edaidai, ni ra wilika na veiyalayalati makawa, e sa kaukauwa tu ga na lomadra, ia sa kau tani rawa walega na kaukauwa ni lomadra ena vuku i Karisito. 15#Lako 34.34E daidai, ena gauna kece e wiliki kina na Lawa i Mosese, e sa kaukauwa tu ga na lomadra. 16Ia kevaka e dua na tamata e gole vua na Turaga, sa na kau tani sara na i ubi, me vaka e kaya na i Vola Tabu. 17“Na Turaga” sai koya ga na Yalo Tabu, na vanua e kune kina na Yalo ni Turaga sa kune kina na galala. 18Ia oi keda kece sa cereki na matada sa laurai vei keda na i serau ni Turaga, eda sa vakamataliataki me da vakataki koya ena lagilagi sa cecere cake sara, ni sa vakayacora oqo na Turaga, o koya na Yalo Tabu.

Actualmente seleccionado:

2 KORINICA 3: FNV

Destacar

Copiar