Gén 40
40
José hin'älit m'ak tä häpe n'ofwilhey
1Tä tajyäme täjtso, wet hin'o tä ihänepej hat'es häp Egipto kaniyat, lhäy'e lakawo elh tä panwo, lhamel iwoye m'ak tä iwäkyhayen häp lewuktso. 2Wet lham wuj tä fwitsaje lakawosna, 3wet ne'tek õhp'ohiche lhamel wet õ'thatho n'op'onthi tä iyej sip'äl tä t'uye niyat häp lhamel laka niyat lew'et. Häpe t'at n'op'onthi tä José ihi, 4wet sip'äl kaniyat ne'tek José t'uyehen lhamel. Wet wujpe ifwalas tä lhamel ihi n'op'onthi.
5Wet iche honatsi tä hat'eswo lhäy'e panwo tafwilhanhen, elh lefwilhek iche t'at m'ak tä häpe, wet elh w'enha lhamej m'ak tä häpe tä tafwilhanej. 6Tä nech'e fwala tä José ihoye lhamel, hiw'en tä wuj tä lelhakli ihi. 7Wet tay'ätshane tä yok:
–¿Chipte tä wuj afwitajayaj tä i'amejen ifwalana?
8Lhamel nichulho José wet yok:
–Olhamel otfwilhanhen honatsimattso, mat ihichet'a hin'ok ifwel n'ohohen m'ak tä häpe.
José yok:
–Ihichet'a hin'o chik ihanej m'ak tä häpe n'ofwilhek, ts'ilak Dios. Lhek fwel n'oho afwilhey.
9Wet hat'eswo ifwenho lefwilhek wet yok:
–Otfwilhanej uva lhile 10tä lhachal tres, wet iwo lhawoya. Tä paj ow'en tä lhawotso y'ohen lhay. 11Wet ochäjlhi niyat lhäthi, wet otchuma uvas tä y'ohen wet ots'ifwnhi wet otsäyho n'olhäthi, wet ow'enho niyat.
12José nichulho wet yok:
–Häp m'ak tä häpe afwilhektso häp täja: Tres lhachal häpkhila tres ifwalas, 13wet chik tajyäme tres ifwalas, niyat itetshanhila m'ak tä ates, wet yachajila ame achumet tä lew'enhopej lhäthi, mälhyej ifwalas tä pajche. 14Wet chik mälhhiyejatso, woye tä owoye, achowej nuhata n'ohlä. Ahuyeja aka niyat, is chik inuhatphän'o tä oihi n'op'onthina. ¡P'altsenn'o, 15tsi ohäpe Hebreo mat wichi t'etan n'oye, wet tä oihi Egiptona niwohit m'ak chik ni'isak owoye. T'uhawethiyejt'a tä oihi n'op'onthina!
16Wet hin'o elh tä panwos kaniyat hiw'en tä is häp elh lefwilhek tä José ifwenho m'ak tä häpe. Wet yok:
–Häte olham ofwilhek ihi mathi. Otfwilhanej tres lehis tuskalis tä õyenlhi tä pan ihiche, wet i'pe olhetek. 17Elh tä tumphä w'enhahiche pan tä ihi tä niyat lhäk, mat afwenchey nämhen wet tufw.
18José nichulho wet yok:
–Häp m'ak tä häpe afwilhektso häp täja: Tres lehis tuskalis tä õyenlhi häpkhila tres ifwalas. 19Wet chik tajyäme tres ifwalas, niyat itetshanhila m'ak tä ates, wet ne'tehlak õ'aifwuhatlhi, wet tsetwos tufwila hap'itsek.
20Wet tä nichäte p'ante tres ifwalas, häpe Egipto kaniyat laka cumpleaños. Wet yenlhi lakäjyaj tä wuj wet t'äne nilhokej leniyatfwas. Wet ne'tek õ'tonphä hat'eswos kaniyat lhäy'e panwos kaniyat tä ihi n'op'onthi. 21Wet yachajo lechumet häp hat'eswos kaniyat, mälhyej ifwalas tä pajche. 22Mat häp panwos kaniyat, ne'tek õ'fwuhatlhi, mälhyej tä José yäme. 23Matkat hat'eswos kaniyat tek yen tichunhayaja häp José.
Actualmente seleccionado:
Gén 40: WCHB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia Wichí, Dios Lhämtes tä Matchehen © Sociedad Bíblica Argentina, 2002.
