Jakari 6
6
Ta lo pusïg kïsøø
1M'un kumm kïdõ gog tø, m'nøl lo, na m'oo pusï ðøøg søø teen mbïna mbalbogt joo. Mbalbog'n non în mbalbo ningakasïg. 2Sindag lo pusïðøø kïdasa în sïnda ndàig, sïndag lo pusïðøø kïkõjoo în sïndag kïkil, 3sïndag lo pusïðøø kïkõmïta în sïndag kïndà na sïndag lo pusïðøø kïkõsøø în sïnda mosïg. 4Kamla m'tur m'el malaika kï ngekelsem ta m'an: Ngeem, îgïn non în ði a? 5Malaika turïm an: Îgïn non la ndï awïn kï lo nélgt kïsøø kïdørãt got'n hã øjïn rod nõ Bïraþet kï Ngedøning kïtaagbe. 6Pusïðøø kï sïndag kïkil ndï awïn kï døningt kïjigel, na kïndag awïn godt, Sïnda mosïg awïn kï døningt kïjikõ, 7sïnda ndaig teen, sahn kad n'lan go døning, na eld an: Awïn, lan go døning. Titbe to, lan go døning. 8Kunm na elïm an: Oo, îgïn ndï awïn kï døningt kïjigel adïn ndilm søl lom dø døningt kïjigel.
Køjg kï kunkøg kï øj dø nda kuj ndub Luwah gog
9Bïraþe elïm ta an: 10I taa nya ji ngetel þe þert, ad i Heldai, Tobija kï Jedaja îgïn ten ko Babilon, awïn ndøt'n non kuju lo Josias, ngon Soponi. 11I taa nar arjã kï nar ørr, i ðan jøg kad i ndah dø Jojuet ngon Josadak, bïradø ngejanyamosï. 12A i ela an: Titbe kel Bïraþe Ngekoosïg; Oo, de'n tøa i Døji a tøg kam lot lon, na a ða kuj kïjaþat lo Bïraþe. 13I î la a ða kuj kïjaþat lo Bïraþe, tøa a ko ngãi kï køsïgon, a ndï ngar dø pong kõþet lon, a ndï ngejanyamosï dø pongt lon tø. Køj ta kï lapia a i kudt tujoo. 14A ngomïn jøg 'nten kam kujt kïjaþat lo Bïraþe, a i nyagakamdøt kïro Heldait, Tobija, Jedaja kï Josias ngon Soponi. 15Îgïn hã în sãi ye, a ðen, a ðan kïllà kam kujt kïjaþat lo Bïraþe, na a i gerïn ta kad Bïraþe Ngekoosïg la lam kïrosït ye. Nya 'nten a ða nya îla i telïn rosï go tat lo Bïraþe Luwah losï kï rotîsï.
Actualmente seleccionado:
Jakari 6: MB80
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
BIBLE MBAÏ © 1980 Alliance Biblique du Tchad.