Jakari 10
10
1I køn Bïraþe man ndii,
ndï bîna.
Bïraþe a ad ndii tel
na a adsï man ndï kïtambuj,
a ad nya kïmbool þa kam ndøøt lo dekïðen.
2Kïtø Terapim elïn tag kïkari
na ngéndõtee oon nyag kïpãbe.
Ngénig nin nig kï ngom,
sølïn kam deg kï tag kïndang pãbe.
Kïtø 'nten deg ndomïn tit batg be.
Dain yod kïta ngékuld goton,
3Wong lom tïnga bil kïdø ngéngombatg kï ngom,
oon anan ndï 'ørrïn ta ðob girrdeg lom,
kïta Bïraþe Ngekoosïg ndï oo go þut nyakulg lon,
ad i ngékïþe lo Juda,
na a teld tit sïnda køsïgon lon kam ðøøt.
4Kokïroat mbal kïdøkumlot a tet,
ngaw i kokïroat, gãkïrã i kokïroat,
kokïroat tø ngékõþeg tube a teent ta kïðabe.
5A în tit gõðøøg lo ðøøt.
A ban dø madngetad kam børrt kï dø ðobt.
A ðøø kïta Bïraþe i nat sed
na ro madngétag ngékalsïndag a søld.
6M'a m'ad ngékïþe lo Juda ngangïn
na m'a m'aj ngékïþe lo Jojep.
M'a m'ðe sed kïta m'oo kumtondod
na a în tit kï m'lad kø al be
kïta mî Bïraþe lod, m'a m'oo dø ta lod.
7Ngékïþe lo Epraim a în tit gõðøøg
na kamd a neld tit de'n ãi kasï nduu be.
Ngandg a oon nya 'nten na a ðan ronel,
a ðan kamndà kam Bïraþet.
8M'a m'kund kï ngmersi,
m'a m'kawd kïnat kïta m'badød
na a bïlan tit'n hã bïlan ne maði.
9M'tïnda m'tind ku girrdegt
na kam døningt kïsãi a gan kamd dømt,
a ndïn kï død dõ nat kï ngandg
na a telïn.
10M'a m'tel sed kokam døning Ejipt't,
m'a m'kawd ko Asiri,
m'a m'ad'd ðen døning Galaad kï Libã
na lo a asïd al, 11A gangïn bahbo kï kamkil,
a ndan hulman'g kï bahbot,
døþul bah Nil tube a ii kø;
gaburo lo Asiri a lana kïber
na kag kõþe lo Ejipt a goto.
12M'a m'ad Israel ngangïn kam Bïraþet,
a ndian kam tøat, kel Bïraþe.
Actualmente seleccionado:
Jakari 10: MB80
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
BIBLE MBAÏ © 1980 Alliance Biblique du Tchad.