Jona 2
2
Ia Jona e nonginongi vania ia Yawe
1Tana lalona na cheche nia, ia Jona e nonginongi vania ia Yawe nina God. 2Me kori vahai ia de,
“Tana lalona nigu vajangi savi nau, mu soloho hoe, Yawe,
mo tuhu mai vaniu.
Tana gouna boro kukutu, mu nongia na sasanga,
mihoe valingea nigu ora nau.
3Ihoe o choni sivou tana tasi gou,
minau u lupi, mu sivo lalona na boro kukutu i tasi,
ma na kolo leho e utusi talihu labatiu,
me visa nimu subesube
ara sakopiu.
4Minau u kori vahai de, ‘Ihoe o choni lihiu
tana matamu.
Seisuge ke vahai, inau ba ku moro dia soha
tana nimu Vale Tabu Leho hoe.’
5Na tasi leho nia e maravia lumiu nau,
ma na tasi gou e talihu labatiu.
Na buruburu ni tasi ara pakolia na vungagu.
6Inau u lupi sivo tana borona na vungavunga nira.
Na vovongona na veradira ira tara mate e maravia ke vongo utusiu.
Ba mihoe, kiki Yawe, hagu God,
o lau visuu tana mangana na matemate.
7“Tahuna tu vajangia na mamaurigu te maravia dia choni,
inau nongiho, Yawe,
mi tana lalona nimu Vale Tabu Leho ihoe o valingeu nau.
8“Ira hana tara livu kaea na god lelekaha
ba kara leleo buke sahania nimu talana hoe, Yawe.
9Minau ba ku lingea na linge ni livu kaeho hoe, Yawe,
mu ku kere vaniho hoe.
Mu ku manalia na hua tu vacha nohaa.
Yawe bamu te taha maurisihami.”
10Me tu laba ia Yawe me raia na cheche nia me lube longaa ia Jona tana lihilihi.
Actualmente seleccionado:
Jona 2: mln
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© 2024 (active), Wycliffe Bible Translators, Inc. All rights reserved