Lɔgɔ Sabba 10
10
Ashaa Erroa Nɔa
1Na hunaa ma dhitta ba na tewa ushaye, erroa Nɔa, Sem, Kam ko Yabet koo bhɛldɛ. Na mɛa te lɔga ashaa gɛ.
Ashaa Yabeti
2Erroa Yabeti maya a
Gomer, Magok, Maday, Yawan, Tubal, Meshek ko Tiras.
3Na erroa Gomeri maya a
Ashɛkɛnaz, Ribat ko Tugama.
4Na ga Yawani maya a
Elisha, Terses, Kitim ko Rodhi. 5Na ashaa Yabeti gen agga bere bhasanyɛsɛnɛa ba ko ghɔghɔliya gonggulony na bhorinyaa gɛ keninyana getto bhiy bhiy na lɔmmɛa baa nɛ ko komortɛn ko tugiya gɛ bhiy bhiy.
Ashaa Kami
6Na yɔk erroa Kami maya a
Kush, Misiram, But ko Kanan.
7Na erroa Kushi maya a
Sabba, Hawula, Sabita, Rama ko Sabatɛka.
Na erroa Rama maya a
Shɛba ko Didan.
8Na Kush irriyo eriya bo ɔnnɛna gaa bɛr kèe Namurud. 9Na seu ꞉Tumu na Namurud te chamaniya bo. Na a bhee zugo kali kali dhɔngɛ nɔng na senɛ, “Any kainy ꞉Tumu chamanimoa bo huna Namurudiye!” 10Na baa bere allinɛnɛa ꞉nɛa sabbɔ a Sinar. Na oriya kèe Babilon, Erek, Akad ko Kaline arrabhbhanana kari. 11Na bana Sinarɔ na zɛgu Asorɔ na tɔgɔdhu oree ku wush keli Nɛnɛwe, Rebot ko Kala 12ko ɔra bo goore kèe Resen iho Nɛnɛwegiye ko Kalagiye kɛrghɛnɔ na bhagu ngonu.
13-14Na nɔng dha bere bhora Ludhi ko ga Anama, Lahaba, Nabahumi, Batarosa, Kabatori ko Kasaluha kokonga nɛ a Misirami. Na Kasaluha a bhora zuga kènno Bhilistem.
15Na nɔng eriya Kanani ku aw keli Sidona. Na gɔynɛa kɔbhbhana keli Hitan.
16Na Kanan ko nɔng a kokonga bhora Yabusani, Amora, Gergesa, 17Hiwa, Arka, Sina, 18Arwada, Zemara, ko Hamata. Na yɔk gettoa Kanani bhasanyɛsɛ ba 19na baa nɛ te bu. Na ngerreya nɛ kɔdhdhanɛ Sidonagiye na dho Girar dhey na dok Gaza. Na dok Sodom, Gomora, Adama ko ɔra iho Lashagiye jaa kènno Zobom.
20Ngagiya a ashaa bere Kami. Na yɔk bhorinyaa gɛ bere keninyana getto bhiy bhiy na lɔmmɛa baa nɛ ko komortɛn ko tugiya gɛ bhiy bhiy.
Ashaa Semi
21Na nɔng Yabet gɔynɛa bo kènno Sem ko nɔng irriyo erroa maya. Na nɔng a kokonga ashaa Eberi.
22Na erroa Semi maya yɔk a
Elama, Asor, Arbakka, Lud ko Aram.
23Na erroa Arami maya yɔk a
Uzu, Hul, Gɛtɛr ko Meshek.
24Na Arbakka irriyo Shela
Na Shela irriyo Eberi.
25Na Eberi irriyo erroye may ku ramman.
Na kona keli Bhilak ke ngaya kolea bere hudhukkinyanɛa ꞉nɛa zugo bhasanɛnɛye. Na gɔynɛ keli Yokota.
26Na Yokota irriyo Alimoda, Shaleb, Hasomor, Yera, 27Hadorama, Uzal, Dikila, 28Obal, Abimayel, Shɛba, 29Obir, Hawula ko Yobab. Yɔk erroa Yokota maya kumulɔng a ngagiya. 30Na bhɛa bhakkɛa :yɔkku i gɔra yaluny lɔmma kutulo na kɔdhdhanɛ Meshagiye na dok Sabarɔ.
31Ashaa Semi a ngagiya. Na yɔk bhorinyaa gɛ bere keninyana getto bhiy bhiy na lɔmmɛa baa nɛ ko komortɛn ko tugiya gɛ bhiy bhiy.
32Na ngabhorinyaya bere ngɛrnɛ na lɔmmɛ getto ko komortɛna gɛ bhiy bhiyye, a ashaa Nɔa kumulɔng. Na yɔk a zuga bere bhasanyɛsɛnɛa ba bhoy kolea bere ushurronɛa maa dhittɛa ba.
Actualmente seleccionado:
Lɔgɔ Sabba 10: SUQ
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
©2023 Suri Translation Project which is a project of the Ethiopian Evangelical Church Mekane Yesus
