Génesis 10
10
Cajalcaj sts'umbal Noé
(1 Cr 1.5-23)
1Jich ay te lista yu'un te sts'umbal Noé: ja' te Sem, Cam soc Jafet. Ayin yal-snich'anic c'alal c'axix a te pulemale.
2Jich sbiilic te sts'umbal Jafet: Gomer, Magog, Madai, Javán, Tubal, Mesec soc Tiras. 3Jich sbiilic te sts'umbal Gomer: Askenaz, Rifat soc Togarma. 4Jich sbiilic te sts'umbal Javán: Elisa, Tarsis, Quitim soc Rodanim. 5Te sts'umbal Jafet la spuc sbaic ta ti'mar, chajbalchajp lum la yic' sbaic ta sq'uinalic. Spisilic la stsob sbaic ta sejpelsejp sq'uinalic, chican bit'il ay sc'opic ta chajbalchajp.
6Jich sbiilic te sts'umbal Cam: Cus, Mizraim, Fut soc Canaán. 7Jich sbiilic te sts'umbal Cus: Seba, Havila, Sabta, Raama soc Sabteca. Jich sbiilic te sts'umbal Raama: Seba soc Dedán. 8Ja' sts'umbal Cus te Nimrod, te mach'a sbabial tulan yac'oj sba ta balumilale. 9Yajwal smilel chambalam ta ja'mal ta swenta sc'anjel yo'tan te Diose. Ja' swentail te jich ay ta alel: “Jich yo'tan bit'il Nimrod, te mero ju'em yu'un smilel chambalam ta ja'mal ta swenta sc'anjel yo'tan te Diose”, te xie. 10Tey mandalaj a ta bay lum Babel, ta Erec, ta Acad soc ta Calne, te ayic ta sq'uinal Sinar. 11Loc' bael tey a te Asur, c'o spas te muc'ul lum Nínive, te Rehobot-Ir soc te Cala, 12soc te muc'ul lum Resén te olil ay yu'un Nínive soc yu'un Cala.
13Ja' sts'umbal Mizraim te ludeoetic sbiil, te anameoetic, te lehabitaetic, te naftuhítaetic, 14te patruseoetic, te casluhítaetic soc te caftoritaetic te tey chicnaj loq'uel a te filisteoetique.
15Ja' sba snich'an Canaán te Sidón sbiil, soc Het te yane. 16Ja' sts'umbal Canaán te jebuseoetic, te amorreoetic, te gergeseoetic, 17te heveoetic, te araceoetic, te sineoetic, 18te arvadeoetic, te zemareoetic soc te hamateoetique. Patil pujq'uic bael ta stojol Gerar te sts'umbal Canaán. 19Jich ay te sts'ajc' sjoyobal te cananeoetique: tey jajch' ta Sidón, c'ot ta yelaw sq'uinal Gerar, ta yelaw sq'uinal Gaza, ta stojol ta bay Sodoma soc ta Gomorra, c'ot ta yelaw sq'uinal Adma, c'ot ta yelaw sq'uinal Zeboim, jul ta loq'uel ta yelaw sq'uinal Lasa. 20Ja' sts'umbal Cam ta juju-jchajp soc ta jujun sc'opic ta juju-jsejp sq'uinalic.
21Ay sts'umbal te Sem te ja' banquilal yu'un te Jafet. Ja' sts'umbal Sem spisil te patil alnich'anetic yu'un Heber. 22Jich sbiil te sts'umbal Sem: Elam, Asur, Arfaxad, Lud soc Aram. 23Jich sbiilic te sts'umbal Aram: Uz, Hul, Geter soc Mas. 24Ja' sts'umbal Arfaxad te Sala. Ja' sts'umbal Sala te Heber. 25Ay cheb snich'nab Heber: Peleg sbiil te jtule, yu'un cuxul to a c'alal la spuc sbaic bael ta lumq'uinal spisil te ants-winiquetique. Joctán sbiil te yijts'ine. 26Ja' snich'nab Joctán te Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila soc Jobab. Jich sbiilic spisil te sts'umbal Joctán. 30Ja' la spuc sbaic ta sq'uinal Mesa c'alal ta sq'uinal Sefar, ja' te witstiquil te ay ta stojol sloq'uib c'aale. 31Jich sbiilic te sts'umbal Sem ta juju-jchajp soc ta jujun sc'opic, ta sejpelsejp sq'uinalic.
32Ja' sts'umbal Noé ta juju-jchajp ta sejpelsejp sq'uinalic. Ja'ic te la spuc sbaic te la slumalinic te q'uinal ta sejpelsejp ta spamal balumilal te c'alal c'axix a te pulemale.
Actualmente seleccionado:
Génesis 10: TZOXCH
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Biblia en Tzeltal de Oxchuc y Tenejapa © Sociedad Bíblica de México, A.C., 2001.
