Matej 12

E Isuse si vlast po savato

1Ande godoja vrjama, ande jek savato o Isus naćhelas maškar e njive e đivesa. A lešće učenikurja bokhajle, thaj počnisardine te trgon e klasurja thaj te han. 2Kana godova dikhline e fariseja, phendine e Isusešće: “Dik ćire učenikurja ćeren savatone, okova so po zakono naj muklo te ćerelpe savatone.” 3A o Isus phendas lenđe: “Sigurno čitosardine ando Sveto lil so o David ćerdas, kana vo thaj okola save sas lesa bokhajle a nas len so te han. 4Dijas ande Devlesko ćher thaj halas e svete mangre, vi, ako ni vo ni okola save džanas pale leste či tromanas te han lendar, nego samo e rašaja. 5Sigurno čitosardine ando zakono kaj vi e rašaja ando Hramo kršin o zakon gajda kaj ćeren bući savatone, a ipak naj len doš? 6A me phenav tumenđe kaj akate si vareko majbaro katar o Hramo! 7Kana džanglinenas so značil: ‘Majbut voliv te aven milosrdne, nego te prinosin manđe e žrtve’, či osudisardinesas okolen save naj došale. 8Kaj me, o Čhavo e Manušesko, gospodari sem e savatosko.”

O Isus sastarel ando savato

9Askal o Isus đelotar okotar thaj dijas ande lenđi sinagoga. 10A kote sas jek manuš e šuće vastesa. A e fariseja rodenas razlog te optužin e Isuse, zato phučline les: “Dali si muklo te sastarelpe savatone?”

11A o Isus phendas lenđe: “Ko tumendar či lijasas te inkalel pire jećhe bakhres te savatone pelo ande hv? 12A kozom si o manuš majvredno katar o bakhro! Zato savatone si muklo te ćerelpe lačhipe.”

13Askal o Isus phendas godole manušešće: “Inzar ćo vas!” Thaj vo inzardas pesko vas, a lesko vas sastilo thaj postanisardas sasto sago vi okova aver. 14A e fariseja čim inkljistine andar e sinagoga, dogovorisajle sar te mudaren e Isuse.

O Isus e Devlesko losardo sluga

15A o Isus doznaisardas pale godova thaj đelotar okotar. A pale leste teljardas o but o them thaj vo sa e nasvalen sastarda 16thaj upozorilas len te na mothon khonikašće ko si vo. 17Akava sas te pherdol okova so si phendo kroz o proroko Isaija:

18“Ake mungro sluga,

saves losardem.

Mungro volime,

o miljeniko mungre dušako.

Pe leste čhava mungro Duho

thaj vo e themenđe objavila e pravda.

19Či prepirilape niti čhola muj,

lesko glaso či ašundola pe sokača.

20Ni e banđardi trska či phađela,

niti mudarela o stenko savo tek tinjal,

sa dok e pravda či anel džike pobeda.

21Ande lesko alav pouzdinape e thema.”

E Isusešći vlast si katar o Del

22Askal andine anglo Isus jećhe manuše ande savo sas o bilačho duho, a sas godova manuš koro thaj nemo. O Isus sastardas les, thaj o nemo manuš šaj dićhelas thaj šaj ćerelas svato. 23A sa o them sas zurale zadivime thaj phenelas: “Te naj akava o Čhavo e Davidesko?”

24Kana ašundine pale godova e fariseja, phendine: “Akava tradel e bilačhe duhonen gajda kaj pomožil les o Veelzevul knezo e bilačhe duhonengo.”

25A o Isus džanglas so gndin thaj phendas lenđe: “Svako carstvo savo si ande peste podelime propadnila thaj svako gav ili ćher savo si ande peste podelime či ačhela. 26Ako o Satana izgonil e Satanes, askal si vo protiv peste razdelime. Sar askal šaj te ačhel lesko carstvo? 27Thaj ako me tradav e bilačhe duhonen gajda kaj pomožil man o Veelzevul, uz kašći pomoć traden len tumare sledbenikurja? Zato von dokažina kaj najsen ando pravo. 28Ali, ako me e Devlešće Duhosa tradav e bilačhe duhonen, askal avilo tumenđe e Devlesko carstvo. 29Ili, sar šaj vareko te del ando ćher e zurale manušesko te čorel lešći imovina, a te či majsigo phandel les? Tek askal šaj čorel sa andar o ćher.

30Ko naj manca, protiv mande si. Thaj ko či ćidel manca rspil. 31Zato phenav tumenđe: E manušenđe šaj avela jartome svako bezeh thaj e hula ali e hula po Sveto Duho či jartolape. 32Ako vareko vareso phenel protiv o Čhavo e Manušesko, šaj avela jartome lešće, a ako vareko vareso phenel protiv o Sveto Duho, či jartola pe lešće ni ande akaja vrjama niti ande vrjama savi avel.

33Uzgojin o lačho kaš, thaj vi lesko plodo avela lačho, ili uzgojin o bilačho kaš thaj vi lesko plodo avela bi lačho, kaj o kaš pindžarelpe pe lešće plodurja. 34Tumen e sapešće čhavra! Sar šaj tumen te phenen so si lačhe, kana sen vi korkoro bilačhe? Kaj o muj phenel okova sova si pherdo o ilo. 35O lačho manuš andar e lačhi riznica pire ilešći inkalel lačhipe, a o bilačho manuš andar e bilačhi riznica pire ilešći inkalel bilačhipe. Kaj andar o muj inkljel sova si pherdo o ilo 36A me phenav tumenđe kaj e manuša pale svako beskorisno alav savo phenen avena odgovorne ando đes e bare sudosko. 37Kaj, ćire alava opravdina tut ili osudina tut.”

O Isus si majbaro katar o Jona thaj katar o Solomon

38Askal phendnine e Isusešće varesave sikavne e Mojsiješće zakonestar thaj e fariseja: “Sikamneja, kamlamas te sikaves amenđe varesavo znako.”

39A o Isus phendas lenđe: “Samo o bilačho thaj o neverno naraštaj rodel znako, ali či delape lešće aver znako osim o znako savo dogodisajlo e prorokošće e Jonašće. 40Sago kaj ‘o Jona sas trin đesa thaj trin raća ando đi e bare mačhesko’, gajda vi me, o Čhavo e Manušesko, avava ando đi e phuvjako trin đes thaj trin raća. 41E manuša andar e Niniva uštena po sudo akale naraštajesa, thaj osudina les, kaj von pokaisajle pe Jonašći propoved, a tumen či pokaisardine tumen. A tumenca si akate vareko majbaro vi katar o Jona! 42E carica katar o jugo uštela po sudo akale naraštajesa, thaj osudila les, kaj avili dadural te ašunel e Solomonešći mudrost, a tumenca si akate vareko majbaro vi katar o Solomon.”

O Isus phenel so avela akale naraštajesa

43O Isus majdur phendas: “Kana o bilačho duho inkljel andar o manuš, lutil e pustinjasa thaj rodel than kaj šaj te odmorilpe, ali či araćhel les. 44Askal phenel: ‘Boldava man ande mungro ćher andar savo inkljistem.’ Kana boldelpe ande piro ćher andar savo inkljisto, araćhel o ćher čučo, šlado thaj čisto. 45Askal džal thaj anel efta duhurja majgore pestar, thaj savora von den ando manuš thaj nastanin pes ande leste, thaj gajda po krajo godole manušešće si majgore nego so sas lešće majsigo. Gajda avela vi akale bilačhe naraštaješće.”

Ko si čače e Isusešći familija

46Dok o Isus još ćerelas svato e themešće, aresline thaj ačhiline avri lešći dej thaj lešće phral thaj kamenas te ćeren svato lesa. 47Vareko phendas lešće: “Ake, ćiri dej thaj ćire phral ačhen avri. Kamen te ćeren tusa svato.”

48A o Isus phendas lešće: “Ko si mungri dej? Thaj ko si mungre phral?” 49Askal sikadas karingal pire učenikurja, thaj phendas: “Ake mungri dej thaj mungre phral! 50Kaj phenav tumenđe, ko god ćerel e volja mungre nebesko Dadešći, godova si mungro phral, phen thaj mungri dej!”

Actualmente seleccionado:

Matej 12: RČB

Destacar

Copiar