Wepélisiananu 11

Kɔn torole lé wa dɔ Babɛl

(LvS 33:10–11)

1Tɛrɛ faa la munu dére a do; wolé we a do.

2Wo go aan wo yirinwanazia, wo fɛna dégélé do ye Sinéaa tɛrɛ la, yé wo nyana ana. 3Wo lé wo ke lɛ léé: Kaa go briki gyɛ, yé kaa wo pane kyɛ va; yé briki kɛlɛ wo lɛ gɔlɛ nya yé gudrɔn kɛlɛ wo lɛ laso nya. 4Yé wo lé é ziin léé: Kaa go, kaa fla do pa, yé kaa kɔn kiilii torole dɔ fɔɔ a ’wuo ’é zun la ma, yé kaa tɔ ’é kɛlɛ, blɛn, dé ko da kini ékema tɛrɛ la fɛfaana. 5Gakelebale zun yé é da, fla valé kɔn kiilii torole lé munu ke a dɔna bɛ, wo nagini lɛ. 6Yé Gakelebale léé: Ka ye, wo faa kɛlɛ bɛn do nya, yé wo faa dére a do, amalé wo fɛ ’konu kɛlɛle pélisia; dé kaa wo vo we ’ko kɛlɛna, dé wo wean pélisia a yi ’ka dan ga lɛ wo lee lo. 7Kaa go, kaa zun, kaa wo dére kini ékema mi, té wo wo ke dére ’ma é ziin lo. 8Yé Gakelebale wo kini ékema yé wo nwɛɛn baa tɛrɛ la fɛfaana, yé wo daan fla pale ma. 9Ana mi lé Gakelebale tɛrɛlamunu faa tere dére kini ékema; amalé wa tɔ pa Babɛl. Ana mi lé Gakelebale wo kini ékema tɛrɛ la fɛfaana.

Sɛm kulunu

(Lk 3:36)

10Sɛm kulunu lé ké ’ko: Sɛm lɛɛ yɔ soruzan nya é Aapasad yaa, lɛɛ blɛn dale zuo lɛɛ fiézan nya. 11Aapasad yaale zuo, Sɛm lɛɛ kɛlɛ tɛrɛ la lɛɛ wuru fié yɔ soru, yé é négɔnénu valé nélomu yaa.

12Aapasad lɛɛ yɔ do wɔlɛ vu ta soruzan nya é Sélak yaa. 13Sélak yaale zuo Aapasad lɛɛ kɛlɛ tɛrɛ la wuru fié lɛɛ yaa, yé é négɔnénu valé nélomu yaa.

14Sélak lɛɛ yɔ do wɔlɛ vuzan nya é Éébɛɛ yaa. 15Éébɛɛ yaale zuo Sélak lɛɛ kɛlɛ wuru fié lɛɛ yaa, yé é négɔnénu valé nélomu yaa.

16Éébɛɛ lɛɛ yɔ do wɔlɛ vu ta ziɛnzan nya é Pélɛg yaa. 17Pélɛg yaale zuo, é lɛɛ kɛlɛ tɛrɛ la lɛɛ wuru fié yɔ do wɔlɛ vu, yé é négɔnénu valé nélomu yaa.

18Pélɛg lɛɛ yɔ do wɔlɛ vuzan nya é Réu yaa. 19Réu yaale zuo é lɛɛ kɛlɛ lɛɛ wuru do lɛɛ sɔraziɛn, yé é négɔnénu valé nélomu yaa.

20Réu lɛɛ yɔ do wɔlɛ vu ta fiézan nya, é Sérug yaa. 21Sérug yaale zuo, Réu lɛɛ kɛlɛ lɛɛ wuru do lɛɛ sɔrafié, yé é négɔnénu valé nélomu yaa.

22Sérug lɛɛ yɔ do wɔlɛ vuzan nya é Nakɔɔ yaa. 23Nakɔɔ yaale zuo Sérug lɛɛ kɛlɛ wuru do, yé é négɔnénu valé nélomu yaa.

24Nakɔɔ lɛɛ yɔ do wɔlɛ sɔraziɛnzan nya é Téra yaa. 25Téra yaale zuo Nakɔɔ lɛɛ kɛlɛ lɛɛ yɔ soru wɔlɛ vu ta sɔraziɛn, yé é négɔnénu valé nélomu yaa.

26Téra lɛɛ yɔ yaa wɔlɛ vuzan nya, Abram koo, Nakɔɔ koo, Aaran koo, é wo yaa.

27Téra kulunu lé ke ’ko: Abram koo, Nakɔɔ koo, Aaran koo, Téra wo yaa. 28Aaran Lɔt yaa. Yé Aaran ga é ti Téra yuɛ va ’é yaatɛrɛ la. Kaldé tɛrɛ lé, walé fla tɔ laama Uu. 29Abram valé Nakɔɔ le si. Abram na tɔ lé Sarai. Nakɔɔ na tɔ lé Aaran lu Milka. Aaran a Milka valé Jisika ti nya. 30Sarai a sɔnzan nya; alé né ’ka lo.

31Téra be Abram koo, a néné Aaran be Lɔt koo, a be Abram na Sarai koo, Téra wo si yé wo si Uu, Kaldé tɛrɛ la, gole we gi Kanaan tɛrɛ la. Wo da fɔɔ Karan, yé wo nyana ana. 32Téra yi faa kɛlɛ lɛɛ wuru do lɛɛ soru, yé Téra ga Karan.

Actualmente seleccionado:

Wepélisiananu 11: GOURU

Destacar

Copiar