1Mos. 10

Punuteteura tatogat Noak

(1Taw. 1:5-23)

1 # 1Mos. 1:5-23 Nene te sapunuteteu Sem, Jafet, samba Ham, tatogat Noak. Lepat eba, katelutra bara tatoga simanteu.

2Tatogat Jafet iate si Gomar, Magog, Madai, Jawan, Tubal, Mesekh samba Tiras. 3Sapunuteteu Gomar iate Sipulalaggai ka Askenas, Rifat samba Togarma. 4Sapunuteteu Jawan iate Sipulalaggai ka Elisa, Sipanyol, Siprus samba Rodes. 5Sia taikebbukat sangamberi bangsa sikukuddu ka sangantat buggei samba ka tobbou laggai.

Nenda te sangamberi punuteteu Jafet. Senen bangsa samba suku mukuddu ka senen-senen laggainia, samba ai nganga senenda.

6Tatogat Ham iate Kus, Misir, Libia samba Kanaan. 7Sapunuteteu Kus iate sipulalaggai ka Seba, Hawila, Sabta, Raema samba Sabtekha; punuteteu Raema iate sipulaggai ka Syeba samba Dedan. 8Si Kus ai togania simanteu sipuoni Nimrod sibailiu simagege siboiki ka polak. 9Kaparoman Tuhan, bailiunia sipangungungru simagege. Lulut nenda sirimanua mareirei rakua, “Bule si Tuhan ibailiuake ekeu sara sipangungungru simagege kele si Nimrod.” 10Siboiki purimataatnia silakkup Babel, Erekh, samba Akad, katelunia ka Babilonia. 11Barania sedda einia ka Asyur, lepa rioake laggai Niniwe, Rehobot-Ir, Kalah, 12samba Resen sikukuddu kaoggak Niniwe samba Kalah. Sengamberinia nenda iate laggai sabeu.

13Sapunuteteu Misir iate sipulalaggai ka Libia, Anamim, Lehabim, Naftuhim, 14Patrusim, Kasluhim, samba Kaftorim. Bangsa Kasluhim nenda taikebbukat bangsa Filistin.

15Tatogat Kanaan iate Sidon, sikebbukat, samba si Het. 16Si Kanaan leuet taikabbukat bangsa Jebusi, Amori, Girgasi, 17tai Hewi, Arki, Seni, 18Arwadi, Semari samba Hamati. Sasuku bangsa Kanaan nenda ipasaragai le kasareunan, 19bailiu pateteret laggaira malio barania ka Sidon ka isit Kaiaman siailiake Gerar, teret kabe'bet Gaza, samba ka isit kabelaiat sulu sialiake Sodom, Gomora, Adma, samba Zeboim, teret kabe'bet Lasa.

20Nenda te sangamberi punuteteu Ham. Senen bangsa samba suku mukuddu ka senen laggainia samba ai nganganda senenda.

21Si Sem, kebbut Jafet, iate taikebbukat sangamberi bangsa Heber. 22Tatogat Sem iate si Elam, Asyur, Arpakhsad, Lud samba Aram. 23Sapunuteteu Aram iate sipulalaggai ka Us, Hul, Geter samba Mas. 24Arpakhsad ukkui selah. Samba si Selah ukkui Eber. 25Si Eber ai rua toga simanteu; siboiki sipuoni si Peleg, kalulut kateterenia, sangamberi bangsa ka polak ibailiu tuparubei; sikarua sipuoni si Joktan. 26Sapunuteteu Joktan iate sipilalaggai ka Almodad, Selef, Hazar-Mawel samba Jerah, 27Hadoram, Uzal, Dikla, 28Obal, Abimael, Syeba, 29Ofir, Hawila samba Jobab. Sangamberinia nenda sapunuteteu Joktan. 30Kupkumen kudduatra malilio le barania ka Mesa ka Sefar, iate tobbou kapaleleleu ka isit kabelaiat sulu.

31Nenda te sangamberi sapunuteteu Sem. Senen bangsa samba suku mukuddu senenda ka laggainia samba ai nganganda senenda.

32Sangamberinia nenda sapunuteteu Noak, bangsa ka bangsa, siripot tiboi tubu punuteteura senenda. Sia te amasipakakra sabangsa ka polak nene lepat eba sabeu nenda.

Actualmente seleccionado:

1Mos. 10: MWV

Destacar

Copiar