Johan DIETHERIE
DIETHERIE
Johan Dieliekevi leshü nu Jisu üse Ukepenuopfü Dieu ü mu puoe “Chüüphou mevi di themia puo chü vor hie donu lhou,” isi. Sünu pucü, Dieliekevi hau thukelie-e kephrümiako bu Jisue phrapie kezhü Kelakelieu, Ukepenuopfü Nuou ücü pelelieketuo mu süko bu kepele pie puo gei bakelie geinu kerhei ngulieketuo la zo üshü (20:31).
Kechachie ketuo Ukepenuopfü Dieu sü Jisu zo ükecü thakeshü sie, Dieliekeviu kerietsa nu ungomhatho neiüko geinu Jisu üse phrapie kezhü Kelakelieu mu Ukepenuopfü Nuou zo ükecü pekieshü. Süsie ungomhatho chüpie pekiekeshüko kevaphrakecü kro puo geinu süko ca vatshashü. Siro leshüu kerietsa nu ngu sakelie, kimhie di huomia puo pelelie di puo siedzi chülie mu kekreiko puo petsou tsiu puo pele mvüte shicü dzeko pu. Thuthe 13-17 nu ngukelie Jisu tekelie zhü puoe puo siedziko ze kepenuo tuoyakezha krotho-u bakelie, mu puo goukewa mhodzü zhü puoe uko bu kesese tuokelie mu u chü kethepfukelie dieko pie pukeshü ngulie. Thuthe thelatsako Jisu tekelie, puo nyie kecükecü, puo kegou, mu puo rheilasieketa, siro rhei lakelie sie puo siedziko pengukeshü dze thu.
Jisu Khrista geinu methuo khapie u ketsü kechachie kerheiu dze, süu tsie yawinu Jisu üse Chau, Ketho-u mu Kerheiu üdi liekelieko gei bata zo ükecü Johan-e pu kemecieshü. Johan leshü nu u va perhei sekelie kro puo ro, we u kelhou nu seüdzü seiyakezhako pie ruopfü kitsa dze kethoko ze kemejü di thu, süko niekhrüda, kezie, kuopfheu mu puo kuoko, khubebo mu puo si.
Ngulieketuo
Sededie 1:1-18
Johan mia dzülukepfüu mu Jisu siedzi kerieko 1:19-51
Mechühou nu Jisu mhatho 2:1—12:50
Jerusalem nu mu sükhieümhou puo mhatho thelako 13:1—19:42
Niepuu rheilakesie mu mia mhingu chükeshü 20:1-31
Thelau: Galil nu mia mhingu chükeshü kekreiu 21:1-25
Actualmente seleccionado:
Johan DIETHERIE: ANBRBSI
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
The Bible Society of India
© 2023, Used by permission. All rights reserved. More