Keriekitho 5
5
Adam Nuosenuoyieko
(1 Seyie 1:1-4)
1Hauha Adam nuosenuoyieko dze thupie ketuoko, Ukepenuopfüe themia#5:1 Ibri Adam. chükeshü nhie, puo thuo puo rhi mhie di uko#5:1 Ibri Puo. chüshü. 2Puo thepfumia mu thenumia chüshü, mu unie chükelie nhie japie unie tsüshü di unie üse “Themia” idi kielie.
3Adam-e cie krie puo di ser ki puo nuo thepfumia puo rhi ki ze puo mhiekecü puo ngulie di puo za thopie Seth chülie. 4Hasie nu Adam-e cie krie thetha sa lhoulie mu puo nuo kekrei thepfu mu thenu rei lhou salie. 5Adam-e cie krie thepfü di ser lhoulie di siata.
6Siro Seth puo kelhouzha krie puo di pengou ki puo nuou Enosh ngulie. 7Mu Enosh lhoukelie sie puoe cie krie thetha di thenie lhou salie. Süsie puo nuo kekrei thepfu mu thenu rei lhou salie. 8Seth teicie krie thepfü di kerekenie lhoulie di siata.
9Enosh-e puo kelhouzha cie hiethepfüketa ki puo Kenan puou chülie. 10Siro Enosh-e Kenan penuokelie sie nu cie krie thetha di kerepengou lhou salie. Mu puo nuo kekrei thepfu mu thenu rei ngu salie. 11Enosh-e cie krie thepfü di pengou lhoulie di siata.
12Kenan-e puo kelhouzha cie hiethenie ki puoe Mahalalel ngulie. 13Siro Kenan-e Mahalalel penuokelie sie nu cie krie thetha di hiedia lhou salie. Mu puo nuonuo kekrei thepfu mu thenu rei ngu salie.
14Kenan cie krie thepfü di ker lhoulie di siata.
15Mahalalel-e puo kelhouzha cie hiesorouepengou ki puo nuou Jared ngulie. 16Jared-e Mahalalel penuokelie sie nu cie krie thetha di ser lhou salie. Mu puo nuo kekrei thepfu mu thenu rei ngu salie. 17Mahalalel-e cie krie thetha di hiethepfüepengou lhoulie di siata. 18Jared-e puo kelhouzha cie krie puo di hiesorouekenie ki puo nuou Inok ngulie.
19Jared-e Inok penuokelie sie nu cie krie thetha lhou salie. Mu puo nuo kekrei thepfu mu thenu rei ngu salie. 20Puo kelhouzha cie krie thepfü di hiesorouekenie ki siata. 21Inok-e puo kelhouzha cie hiesorouepengou ki puo nuou Methusela lhoulie. 22Siro Inok-e Methusela lhoukelie sie teicie krie se Ukepenuopfü ze tuo, mu puo nuo thepfu mu thenu kekrei rei ngu salie. 23Inok kelhouzha pete kesa cie krie se di hiesorouepengou. 24Inok-e Ukepenuopfü ze tuo, di süsie puo ngu sa mota, kekreilamonyü Ukepenuopfüe puo zelieketa la.
25Methuselae puo kelhouzha cie krie puo di hiethethaethenie ki puo nuou Lamek lhoulie. 26Lamek lhoukelie sie rei Methuselae cie krie thenie di hiethethaekenie lhou salie. Mu puo nuo kekrei thepfu mu thenu rei ngu salie. 27Methusela kelhouzha pete kesa cie krie thepfü di hiesorouethepfü, sidi puo siata.
28Lamek-e puo kelhouzha cie krie puo di hiethethaekenie ki puo nuo thepfu puo ngulie. 29Sitse puoe sie, “Jihova thuo rüsekewa kijü hau geinu, nuo hau bu u mhatho kere nunu kerülei se vor u tsütuo,” idi puo za thopie Noah chülie. 30Lamek-e Noah penuokelie sie nu teicie krie pengou di hiethepfüepengou lhou salie. Mu puo nuo kekrei thepfu mu thenu rei ngu salie. 31Lamek kelhouzha pete cie krie thenie di hietheniethenie, sidi puo siata. 32Noah-e puo kelhouzha cie krie pengouketa sie nu puo nuo se, Shem, Ham mu Jafet ngulie.
Actualmente seleccionado:
Keriekitho 5: ANBRBSI
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
The Bible Society of India
© 2023, Used by permission. All rights reserved. More
