Maatiyoos 1

Komoy Ɓartiyɛ Yeeseek

(Luk. 3:23-38)

1Ege sini kɔɔman ɓartiyɛ komoy Abrahamuk tɔɔn Daawitik Yeeseek.

2Ɓartɛɛɓa Abrahama Isiyaak.

Nɛ ɓartɛɛ Isiyaaka Yaykoob.

Nɛ ɓartɛɛ Yaykooba Yuudaa a manyaakak.

3Nɛ ɓartɛ Tiimar Paarees a Jaara Yuudaa.

Nɛ ɓartɛɛ Paareesa Esiroom.

Nɛ ɓartɛɛ Esirooma Raam.

4Nɛ ɓartɛɛ Raama Aminadaab.

Nɛ ɓartɛɛ Aminadaaba Nɛasoon.

Nɛ ɓartɛɛ Nɛasoona Salmoon.

5Nɛ ɓartɛ Rɛaab Boeej Salmoona.

Nɛ ɓartɛ Ruut Iyoobed Boeeja.

Nɛ ɓartɛɛ Iyoobeda Isey.

6Nɛ ɓartɛɛ Iseya suumi Daawit.

Nɛ ɓartɛɛ suumiya Daawita Salamoon.

Ɛmɛsɓa Salamoona jarti Oriyoonuk.

7Nɛ ɓartɛɛ Salamoona Robam.

Nɛ ɓartɛɛ Robama Abiyaa.

Nɛ ɓartɛɛ Abiyaa Asaap.

8Nɛ ɓartɛɛ Asaapa Iyosapit.

Nɛ ɓartɛɛ Iyosapita Iyoram.

Nɛ ɓartɛɛ Iyorama Ojiyan.

9Nɛ ɓartɛɛ Ojiyana Iyoatam.

Nɛ ɓartɛɛ Iyoatama Akaaj.

Nɛ ɓartɛɛ Akaaja Hijikiyas.

10Nɛ ɓartɛɛ Hijikiyasa Minasee.

Nɛ ɓartɛɛ Minaseeya Amoon.

Nɛ ɓartɛɛ Aamona Iyosiyas.

11Nɛ ɓartɛɛ Iyosiyasa Yoakin a manyaakak eme sinaanɛɓa diileeɗɛ joop Israeelik Baabiloonak.

12Nɛ diil sinaanɛɓa Baabiloonak baŋiya, ɓartɛɛ Ikoniyana Sɛlatiyaal.

Nɛ ɓartɛɛ Sɛlatiyaala Jɛrubabeel.

13Nɛ ɓartɛɛ Jɛrubabeela Abiyud.

Nɛ ɓartɛɛ Abiyuda Eliyakeem.

Nɛ ɓartɛɛ Eliyakeema Ajoor.

14Nɛ ɓartɛɛ Ajoora Saadook.

Nɛ ɓartɛɛ Saadooka Akiim.

Nɛ ɓartɛɛ Akiima Eliyud.

15Nɛ ɓartɛɛ Eliyuda Alaajaar.

Nɛ ɓartɛɛ Alaajaara Maataan.

Nɛ ɓartɛɛ Maataana Yaykoob.

16Nɛ ɓartɛɛ Yaykooba Yoosep sinɛɓa mɛyii Maariyamuk.

Maariyam sinɛɓa ɓartɛ Yeesee sinɛ riyɛ kɛ Kereseek.

17Abrahame mɛlɛɛɗa Daawita ɓartiyɛ aarin a aŋan, ma Daawite mɛlɛɛɗa diila Baabiloonak ɓartiyɛ aarin a aŋan, ma diil Baabiloonak mɛlɛɛɗa Kereseya ɓartiyɛ aarin a aŋan.

Ɓartiyɛ Yeeseek

(Luk. 2:1-7)

18Ɓartiyɛ Yeeseek ɓɛɛlɛɓa oko sinik. Saaɓa ɛmɛsa Maariyam mɛyiiɗ a Yoosepuk, nɛɓa laŋkɛɛ a gamɛ Wɛɛŋakɛ sigɔɔgɛ Geetitaanakik, maɓa kir ɗeegarɔn. 19Mɛyii nɛɛk Yoosep iɗit sinɔɓa mentan taamɛkɛ Waakoyotoŋk. Nɛɓa ki ɗɛyɛ a yaaŋɛ joopaaŋ maɓa koɓu kɛ gun ŋɔr dugeeɗ. 20Saaɓa koɓiiɗ any sinik, nɛɓa yaaŋgeeɗ ɛɛk wosɛytan Waakoyotoŋk pɛrkiyɛɛkɛ nɛ tongeeɗ kɛ, "Iin Yoosep tɔɔn Daawitik, kat ɓuriikin sinɔɔna boŋiiɗin mɛyii nook Maariyam nyaka nookakik, agut sinɔ gamɛɛɗ Wɛɛŋakɛ sigɔɔgɛ Geetitaanakik. 21Ɓartɛkɔɔ sɛŋk tɔɔn sinɔ mooyk. Nɛkɔɔ riyin tiriya gɛɛŋk kɛ Yeesee, agut sinɔkɔɔ sɛŋk ebɔdɛɛɗ joop gɛɛŋk sigɔ ɓɔɔkaaŋɔŋk tikiyɛɛkɛ gɛŋkik."

22Nɔ ɓɛɛlɛɛɗ sini baŋɛk kɛnɔ dusanɛɛ sinɛɓa tonu Suumiik ete pɛrkaakoŋk Isaayase kɛ,

23"Gamɛkoy peet sinɔ inɓa kir ɗeegarɔn a mooyk,

nɛkoy ɓartɛ tɔɔn sinɔ mooyk,

nɛkoy riyɛ tiriya gɛɛŋk kɛ Amanueel."

See kɛ Amanueelik sigi kɛ, "Waakoyo a eteŋk agut omoŋɔŋk."

24Saaɓa Yoosep ɓeɗikiɗ ɗoŋɛ gɛɛnɛkik, nɛɓa boŋu Maariyam oko sinɛɓa tongeeɗ wosɛytan Waakoyotoŋkuk. 25Yakanaɓa kir ɗeegarɔn mɛlɛɛɗa ɔɔtɛya sinaanaɓa ɓartɛɛɗ tɔɔn nɛɛkik. Nɛɓa Yoosep riy tɔɔn sinɛɓa ɓartɛɛk kɛ Yeesee.

Actualmente seleccionado:

Maatiyoos 1: KSTM

Destacar

Copiar