John NHƐNMU
NHƐNMU
John Asɛmpa yi da Jesus edzi dɛ Nyankopɔn n’asɛm a ɔyɛ nkwa farbaa no a ɔbɛyɛɛ nyimpa na ɔnye hɛn bɛtsenae no. (1.14). Dɛ mbrɛ nwoma no ara ka no, wɔkyerɛɛw dɛm nwoma yi ama n’akenkamfo aagye edzi dɛ Jesus nye wiadze Agyenkwa no a wɔdze no bɔɔ anohoba no, na Nyankopɔn ne ba no. Afei so ama wɔnam hɔn gyedzi a ɔwɔ no mu no do eenya nkwa. (20.31).
Ahyɛse no a ɔda Jesus edzi dɛ Nyankopɔn n’asɛm a ɔyɛ nkwa farbaa no ekyir no, Asɛmpa no ne fa a odzi kan no ka anwanwadze ahorow a ɔda no edzi dɛ Jesus nye Agyenkwa no a wɔdze no bɔɔ anohoba no, Nyankopɔn ne ba no. Afei ɔdze nsɛm a ɔkyerɛkyerɛ anwanwadze ahorow no ase sɔw do. Nwoma no ne fa bi kyerɛ mbrɛ nyimpa binom gyee Jesus dzii ma wɔbɛyɛɛ n’akadofo, na hɔn a wɔanngye no enndzi ntsi wɔpoow no. Etsir 13-17 kasa pii fa nkitahodzi dzendzen a Jesus nye n’esuafo no nyae wɔ anadwe no a wɔkyeer no no, na nkuranhyɛ kasa a ɔdze maa hɔn dze kyerɛɛ ahoboa a ɔayɛ, wɔ anadwe no a adze rebɛkye ma wɔasɛn no no. Etsir a owie nwoma no ka mbrɛ wɔkyeer Jesus, dzii n’asɛm, bɔɔ no mbeamudua mu na no wusoɛr, na mbrɛ oyii no ho edzi kyerɛɛ n’esuafo no wɔ no wusoɛr no ekyir no ho asɛm.
Basia awartonyi no a wɔkyer no no, wɔdze ato nkatomdze mu osiandɛ nwoma no bi na asɔpɔn nkyerɛasee a wɔyɛɛ no ammfa annka ho, ber a binom so dze kɛhyɛɛ beebi fofor.
John si do dua dɛ yɛwɔ akyɛdze a ɔyɛ nkwa a onnyi ewiei wɔ Jesus mu. Akyɛdze a ɔhyɛ ase ndɛ na ɔba hɔn a wɔgye Jesus dɛ ɔno nye ɔkwan no, nokwar no na nkwa no hɔ. Adze kor a ɔda edzi yie wɔ John no nwoma yi mu nye dɛ otum dze abrabɔ mu ndzɛmba bi tse dɛ nsu, paanoo, kan, oguanhwɛfo na no nguan, na adɔmba dua na n’aba twa mfonyi dze kyerɛkyerɛ sunsum mu ndzɛmba mu.
Dza Ɔwɔ Mu
Mbueienyi 1.1-18
John Onumanyi no na Jesus n’esuafo a wodzi kan no 1.19-51
Jesus ne baguamu asɛnka 2.1—12.50
Nda a odzi ekyir no wɔ Jerusalɛm na no nkwaado 13.1—19.42
Ewuradze no wusoɛr na noho edzida 20.1-31
Ewiei nsɛm: oyi noho edzi bio wɔ Galilii 21.1-25
Actualmente seleccionado:
John NHƐNMU: MFANBRPC
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Mfantse Bible © Bible Society of Ghana, 2011.