YOHANA 2

Es'selelo mwitaala lia Kana

1Ne khwitukhu liakhataru sialiho es'selelo Mwitaala lia Kana lia Galilaya, ne nyina Yesu yali naliho, 2khandi Yesu nende abechi baabe bali nibalangilwe mus'selelo tsana. 3Olwe ewaini yali nehweye nyina Yesu namubool'la, “Ewaini yabwe ihweye.”

4Yesu namukalusia, “Mama busina unyinjisianga mumang'ana yaka? Inyinga yaanje esili okhwola.” 5Yaho nyina Yesu nabool'la abarumikhi, “Liosi eliayetsa okhumubool'la mulikhole.” 6Ne tsialiho tsisikha tsisasaba tsiamachina nitsirenjekhele singa ifwo ya Bayahudi eyokhwesaaba, sindala yahelanga etsiliita emia ndala. 7Yesu nabool'la abarumikhi “Mwitsusie amaatsi mutsisikha yitsi.” Ma nibetsusia okhwola khuminwa. 8Ma nababool'la, “Tahekhwo luno, muhil'le omukhulundu osinjiliye es'selelo.” Nibamuhil'la amaatsi 9akali nikakwiye ewaini, naye omukhulundu wes'selelo yatsanzamakhwo, Ne naramanya aherul'le tawe. (Nebutswa abarumikhili abataha amaatsi bo bamanya); omukhongo wes'selelo nalanga omusaatsa mwene s'selelo, 10namubool'la, “Abandu bosi baranganga okhuler'ra abacheni ewaini indahi, ma abandu nibaseyele okhunywa muno, khe balera erali indahi. Nawe wali okhubikha ewaini indahi okhwola luno!”

11Isio nisio esilolelo siamangalimwa siokhuranga esia Yesu yakhola mu Kana lia Galilaya okhumanyia obunyali buubwe, ma abechi baabe nibasubila khuye.

12Inyuma wakene yako, yatsia Kaperinaumu, omwene, na nyina we, nabaana babwe, nabechi baabe, nibabayo amatukhu matititi.#Mat. 4:13

Yesu yenjila mu Hekalu

(Mat. 21:12-13; Mk. 11:15-17; Lk. 19:45-46)

13Epasaka ya Bayahudi yali neli ahembi, kho Yesu yatsia Yerusalemu.#Okhur. 12:1-27 14Nalola mu Hekalu yabo abali nibarundanga tsing'ombe namakondi namakhulwi, nende yabo abali nibasilanianga efetsa nibekhaye. 15Nabasa olukhoba lwemikoye nakhunga etsisolo tsiosi okhurula mu Hekalu, amakondi nende tsing'ombe, nasundulania efetsa eya bali nibasilanianga, nafung'amia etsimesa tsiabwe; 16nabool'la yabo abali nibakusianga amakhulwi, “Hinie yako muno! Murakhola inyumba ya Papa wanje inyumba yobukhala tawe!” 17Abechi baabe nibetsul'la obwa Amahandiko Amatsienukhu kaboolanga, “Obuyanzi bwanje khu inyumba yiyo bwatukhanga mwise singa omul'lo.”#Etsisa. 69:9

18Abakhongo ba Bayahudi bamukalusia nibamureeba, “Nakamangalimwa sina akonyala okhukhola okhumanyia mbu oli nobunyali okhukhola yaka?” 19Yesu nabakalusia, “Sambule Ehekalu yiyi, nase mumatukhu kataru ndakhachisinjisia khandi.”#Mat. 26:61; 27:40; Mk. 14:58; 15:29 20Kho Abayahudi nibaboola, “Emihika amakhumi kane nachisasaba Ehekalu yiyi niyombokhwanga, nawe wakhachisinjisia mbwena mumatukhu kataru?” 21Nebutswa Ehekalu eya Yesu yal'lomangakhwo nomubili kukwe. 22Kho Olwa Yesu yasimukusibwa okhurula mubafu, abechi baabe nibetsul'la mbu yali niyaboola yako, ma nibasubila Amahandiko Amatsienukhu nende ling'ana lia Yesu yali nabooye.

Yesu wamanya emioyo chiabandu

23Luno olwa yali nali mu Yerusalemu khwitukhu lie Pasaka, abandu abenji basubila muye, olwa balolanga akamangalimwa aka yali nakholanga. 24Nebutswa Yesu siyayehana khubo, sichila wamanya abandu bosi. 25Khandi siyaruna omundu wosi okhumubool'la amang'ana komundu wasie tawe okhuba omwene yali namanyile akali mumioyo chiabandu.

Actualmente seleccionado:

YOHANA 2: EBAIBO

Destacar

Copiar