Mbete Matiye 1
1
1Ɓay Ŋgermbay Zezu#1.1 Í mgba Mbete 2 Samuel 7.4-19, Mbete Sa̧w fe 12.1-3; 18.1-15; 21.1-6 tuh ke gel ki̧na-ay., ke ɓa gun zih Abaraham, ke ɓa gun zih ŋgermbay Daviɗ. Sa̧w in ye mí na-ay :
2Abaraham mbuŋ Isak,
Isak mbuŋ Zakoɓ,
Zakoɓ mbuŋ Zuda ke yi̧n yeri.
3Zuda mbuŋ Peres ke Zara, mah woyri ɓa Tamar#1.3 Ɓay tu ɓay Tamar, í ki̧ Mbete Sa̧w fe (Genèse) mah-u 38..
Peres mbuŋ Heserom,
Heserom mbuŋ Aram.
4Aram mbuŋ Aminadaɓ,
Aminadaɓ mbuŋ Nasoŋ,
Nasoŋ mbuŋ Salmoŋ.
5Salmoŋ mbuŋ Bowaz, mah ye ɓa Rahaɓ.
Bowaz mbuŋ Obeɗ, mah ye ɓa Ruɗ#1.5 Ɓay tu ɓay Ruɗ, í ki̧ Mbete Ruth..
Obeɗ mbuŋ Zeseh.
6Zeseh mbuŋ Daviɗ a ye ŋgermbay.
Daviɗ ba, mbuŋ Salomoŋ, mah ye ɓa wu̧y kaŋpele Yuri#1.6 Ɓay tu ɓay Yuri, í ki̧ Mbete 2 Samuel mah-u 11..
7Salomoŋ mbuŋ Robowam,
Robowam mbuŋ Abiyah,
Abiyah mbuŋ Asaf.
8Asaf mbuŋ Zosafaɗ,
Zosafaɗ mbuŋ Zoram,
Zoram mbuŋ Oziyas.
9Oziyas mbuŋ Zotam,
Zotam mbuŋ Ahaz,
Ahaz mbuŋ Hezekiya,
10Hezekiya mbuŋ Manase,
Manase mbuŋ Amos,
Amos mbuŋ Zosiyah.
11Zosiyah mbuŋ Zekoniyah ke yi̧n yeri.
Ke sew lák mbay Zekoniyah a ye mbay ziɓri, nzuk Babiloŋri fa̧h gun Izarayelri-aw ɓa mgbal si tusiɓa woyri.
12Fal fá̧h gun Izarayelri si puh mgbal ké Babiloŋ mí gun Zekoniyah#1.12 Ɓay tu ɓay gun Zekoniyah, í ki̧ mbete 1 Chroniques 3.15-16. Gun Zekoniyah ɓa Zehoyakim ké ɓil mbete 1 Chroniques 3.15, mí sa̧w nzak tu riŋ gun Zekoniyah ɓa Zekoniyah pi. Sa̧wu mí nzuk-sɔɓ mbete vbeh ɓa gun Zekoniyah ɓay hi̧ karaŋri ɓá lah ɓa gah-u. mbuŋ Salatiyel,
Salatiyel mbuŋ Zorobabel.
13Zorobabel#1.13 Zorobabel ƴo sakra nzukri ké el ke puh mgbal ké Babiloŋ. Ɓay ye na ɓil Mbete Esdra 2.2 ke 3.3. mbuŋ Abiyuɗ,
Abiyuɗ mbuŋ Eliyakim,
Eliyakim mbuŋ Azɔr.
14Azɔr mbuŋ Sadɔk,
Sadɔk mbuŋ Akim,
Akim mbuŋ Aliyuɗ,
15Aliyuɗ mbuŋ Eliyazar,
Eliyazar mbuŋ Matan,
Matan mbuŋ Zakoɓ.
16Zakoɓ mbuŋ Zezeɓ wah Mari, Mari mbuŋ Zezu a ye ké riŋ ɗina Ŋgermbay kan tul ye.
17Kaŋ mí kí̧ fal zih yeri ur ke tul Abaraham si ka̧h tul Daviɗ, ku ki̧ ɓa boh falu niŋ. Ur ke tul Daviɗ si ka̧h sew kú-u fa̧h gun Izarayelri si mgbal ké tusiɓa Babiloŋ, ku ki̧ sa̧w zih yeri ɓa boh falu niŋ. Ur ke sew kú-u fa̧h gun Izarayelri ɓa mgbal si tusiɓa Babiloŋ si ka̧h tul Ŋgermbay, ki̧na-u ɓa boh falu niŋ.
18Ɓay mbuŋna Ŋgermbay Zezu ti kandɔkay : Mah ye Mari ɓa wu̧y mbana Zezeɓ. Dara kú ya̧ hani le, Mari ya̧ ɓil. Sa̧wu ɓa Tempuki. 19Zezeɓ ba, tu sa̧w-ya̧ ɓil Mari ya. Ke ɓa nzuk ké tu Ŋgerzah ɓa záh ye, mí ke sa ten ɓay yá̧ ɓil Mari ké gel daɓa ya rɔkɔ ké ɓaŋ su̧hru kan nun Mari. Kaŋ mí ke lek ɓay poŋ ni ɗeŋ. 20Zezeɓ ɓá ker ɓayaw bale, í ko, tem nzak pihna Gaŋ tul feri riw ti̧h nun ye ɓil lɔlɔ mí ɓahri : « Zezeɓ gun zih Daviɗ, mú laɓ hȩkme yá̧ Mari ɓa wu̧y wo ya ɓayu ké sa̧w gun ké na ɓil ye ɓa Tempuki. Gunu ɓa nzuk lawpuki. 21Mari ɓay mbuŋ gun wo̧ronzuk. Mu tú riŋ gunu ɓa Zezu ɓayu ké gunu ɓay ya̧ sa̧w in ye ziɓri a woyri gun Izarayelri hi̧ kú ti̧h ke ɓil suya. »
22Fe laɓna-uri gbam ti̧h hi̧ ɓay ké gun nzak pihna Ŋgerzah vbeh lewsa̧ laɓ ƴo gelu. 23Nzak pihna ra ɓahri, í ko, gun wu̧y tikla ɓay ya̧ ɓil, ke mbúŋ gun wo̧ronzuk, ku tú riŋ ye ɓa Emanuyel#1.23 Ɓayay na ɓil Mbete Esaïe 7.14..
Emanuyel yih ɓahri, Ŋgerzah ƴo ziŋ na.
24Mí Zezeɓ tom ke nam. Ke ya̧ bolnzak tem nzak pihna Ŋgerzah ra. Ke ya̧ Mari ɓa wu̧y ye. 25Ke na ziŋ ni ya kpu̧ru ka̧h nam ké wu̧y ye mbuŋ gun ra. Mí ke tu riŋ gunu ɓa Zezu.
Actualmente seleccionado:
Mbete Matiye 1: SIAFNK
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
© Wycliffe Bible Translators, Inc. All rights reserved.
