Saint Matthieu 10
10
1Da kè di njou‐séna bong nèli botoulè‐séré guè monè, da kè hi njèran hi kli, baï nina esprit dakamli tèn kala, da haï mèrèn jangmali toutoul bon da mèrèn sétali toutoul bon.
2On ba ling a njou‐mboro‐pina botoulè‐séré: Titilikè ba Simon ko̱ kène ling‐è ba Pierre, da André, yine nè; Jacques, goune a Zébédée, da Jean, yine nè, 3Philippe, da Barthélemy; Thomas, da Matthieu ko̱ ba njou‐mangna l’impôt; Jacques, goune Alphée, da Thaddée; Simon Cananite, 4da Judas Iscariot, njoukou aïn ko̱ jo̱l Jésus.
5Jésus pi njoukou aïnli bo̱toulè‐séré, afal ko̱ kème wara kli on, ka sa:
Oui sé guè domboro a Gentili ya, da sé bil pouli a njou‐Samarieli ya; 6da oui sé ba guèl a badouali ko̱ mi bo̱l an voula Israël. 7Da ko̱ ouime sé, oui sa mboura, ka sa: Bilkaou a nonkala mi hèdi tou. 8Oui haï mona njou‐jangmali, da tome houli, da mosso njou‐ndo̱wèli tang ta, da ni zabololi tèn kala. Oui mi jing fènli bo̱on, oui hi fènli bo̱on. 9Oui sé jing l’or maléba l’argent, maléba lélé mbori an bil koto ga ya; 10oui bi ngou baï domboro ya, maléba la séré ya, maléba sabo̱ko̱, maléba di bana an domboro ya; baï ko̱ njou‐pina mi jing laka nè.
11Da loukou pou maléba lélé pou hana ko̱ ouime kan rou, oui gui ka nza njoukou an bilkè ko̱ ma baï pamna oui, da oui kaou jing nè bo̱l tèn oura. 12Da ko̱ ouime ri sé voulou on oui name nè. 13Da, tokoré voulou on mabongkè, go̱ro̱ iki abaï mi guè monè, da tokoré mi tane ma on ya, oui yèng an go̱ro̱ iki abaï mi féré gui mone baï. 14Da njoukouna ko̱ mi tane pame oui ya, da tane la baïnjaka baï ya, da ko̱ ouime yé oura voulou on, maléba pou on, oui to sassal sabo̱ko̱ abaï. 15Babaï, mi mè sa hi oui: yé barabaï ma lé toul pou on ta barabaï an pou Sodome da Gomorrhe, ka name walabaï.
16Oui ko̱, mè pi oui sé mahana ka badouali an wora naïn loupli. Da on oui kaou ka ho̱ko̱na mahana ka choï, da bou mone baï guè koukoula mahana ka nguédéli. 17Da oui ngou mboro a njoukouli; baï ko̱ kli ma souti oui bi ndo̱ka njou‐walabaïli, da yé kli ma jo̱ oui ka baraza an bil synagogue aklili. 18Kli ma ya oui sé guè mbèla njou‐name gangnali tèn nanjoukaouli baï touli, baï sana bongbaï hi kli, tèn mèran gentili. 19Da ko̱ klime souti oui, oui bi hang baï guè siya ya, toul mboro ko̱ yé oui sa ba fèn lé, maléba yé oui sa ba fèn lé, baï ko̱ ka l’heure o̱kèo̱, kè ma hi baï on ko̱ oui ma baï sanakè; 20baï ko̱ tane ti ba ouime ko̱ sa ya, da ba Esprit a Baba abaï ko̱ mi sa an bil baï.
21Da yine ma souti yine bi houl, da baba ma ndé nding on jing goune nè, da yé goundi ma ourou siya baï pongna baba aklili tèn ma aklili ka souti kli bi houl. 22Da yé njoukouli bon ma jèk oui, baï toul ling ni; da kè on ko̱ mi laïbi pou ta bo̱l tèn sèkèrèkè yé kè ma kou. 23Da ko̱ klime sène oui an pou on, oui ngou sé aféké; baï ko̱ babaï, mi mè sa hi oui, yé oui bon ma ta pouli a Israël bon ya, bo̱l tèn Goune a njoukou mi gui.
24Njou‐séna bong tane ga ta toula njou‐to̱ko̱nafèn nè ya, maléba njou‐bakara mi tane ga ta toula nanjou nè ya. 25On mapélékè ko̱ njou‐séna bong mi kaou mahana ka njou‐to̱ko̱nafèn nè, da njou‐bakara mi kaou mahana ka nanjou nè. Tokoré klime bi ling a nanjou‐voulou ba Béelzébul, yé kli ma ndé di njou‐voulèli ba békékèli ta ya lé! 26Mono, oui waou kli ya; baï ko̱ fèna mbéo ba mouna tane tiya, ko̱ ma tèn kala ya ya, da dèkèra baï hana mbéo ka foli tane tiya, ko̱ njoukou ma tou ya, ya. 27Baï on ko̱ mè sa hi oui ka bo̱ko̱ yilime, oui sa ka nona sé; da baï on ko̱ ouime la ka soukou baï, ouime sa bongkè an toul voulouli. 28Da oui nding waou jing kli on ko̱ mi i kli‐mone ya, da tane ma baï ina laou baï ya; da oui waou ba kè on ko̱ ma baï bona laou da kli‐mone bon an guèl hèrè. 29Kli jo̱l balangli séré baï sou mbéo ya lé? da yé balang mbéo ma lé koukoula ya, ko̱ Baba abaï mi tane ji bo̱ko̱kè ya. 30Da kème kèn poura toul baï bon tou. 31Mono on, oui nding waou ya; cho̱ko̱ abaï mi njèrèn ta toula balangli nyèta.
32Mono on, njoukouli bon on ko̱ mi sa baï ni bi kala an nona njoukouli, yé mè ndé sa baï nè bi kala kéng, an nona Baba ni ko̱ kaou an nonkala. 33Da njoukouna ko̱ njomo mi an nona njoukouli, yé mè ndé njomo nè kéng, an nona Baba ni ko̱ kaou an nonkala.
34Oui kèrè ya, ko̱ mè gui baï bina longna pou a koukoula. Mè tane gui baï bina longna pou ya, da ba gamba. 35Baï ko̱ mè gui baï wala njoukou kira baba nè, tèn goune waïn kira ma nè, da goune za kira za nè; 36da bakèlio̱ kira njoukou ba kli on ko̱ makaou an bil dodok voulè. 37Kè ko̱ hang‐è mi na toula baba maléba ma nè ta mi, kè tane mabong ni ya, da kè on ko̱ hang‐è mi na toula goune wonron maléba goune waïn nè ta mi, kè tane mabong ni ya. 38Da kè on ko̱ tane bi di‐croix nè da gui fali ya, kè tane mabong ni ya. 39Kè ko̱ jing yana nè baï amè fènè, yé kè bo̱l yana nè, da kè on ko̱ bo̱l yana nè baï touli, yé kè ma jing yana nè.
40Kè on ko̱ ya oui, kè ya mi, da kè on ko̱ ya mi, kè ya kè on ko̱ pi mi. 41Kè on ko̱ ya prophète ka ling a prophète, yé kè jing toul ndo̱ko̱ mahana ka prophète, da kè on ko̱ ya njou‐guédék ka ling a njou‐guédék, yé kè jing toul ndo̱ko̱ mahana ka njou‐guédék. 42Da njoukouna ko̱ hi ba vona mbi ka yong mbéo ho̱kè hi goune mbéo an wora lélé goune aïnli baï njonakè, ka ling a njou‐séna bong ni, babaï, mi mè sa hi oui, kè ba bo̱la toul ndo̱kè tane tiya.
Actualmente seleccionado:
Saint Matthieu 10: KBN1947
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Published by the British and Foreign Bible Society in 1947.
