BaRoma 11
11
Israeli akatagigvia losa
1Popapo lelo nikulalusya une nikuti: Kali Kyala abatagile itolo abandu bake? Himma, akabatagile napanandi; buno nanine ndi nnyʼIsraeli, mfumile mumbeyu
2ya Abrahamu, nkikolo kya Benyamini. Kyala akabataga abandu bake, aba abamanyile ngani liyolo. Pamo mukasimanya isi kalata ikuyoba isya Elia? Apa ikumbulila Israeli
3kwa Kyala ikuti: Gwe Ntwa, babagogile abakunguluka bako, ifigemo fyako fya kwikemekesyapo bapangwile; nsyele
4nimwene itolo, kangi bikubufwima ubumi bwangu. Umwene loli Kyala ikumwamula sya fiki? Ikuti: Buno une nisyakisye abandu baelifu bahano na babili (7,000), aba bakamfugamilamo
5Baali. Bo sili bunobuno na lilino; balipo aba basyele, aba
6basaliligwe mwipyana; loli linga mo mwipyana, po bakasaliligwa mo mumbombo, namanga ilipyana po angali likaya
7ipyana. Po fiki lelo? Ifi Israeli alondaga fyo akafyaga; abene abasaligwa bo bafyagile, loli aba basyele balinkupegwa ubukafu
8indumbula; Bo apa lisimbigwe ili likuti:
Kyala abapele umoyo gwa kusipuka,
Amaso ukuti bangaketaga, nimbulukutu ukuti bangapilikaga Ukwisakufika na kulilino kuno.
9Yope na Davidi ikuti:
Ifindu fyabo fya palusekelo Apelege lutambo, kangi ntego,
Fipelege ka kwikinyamo, kangi luyege lubukisyo#ulubukisyo, bamo bikuti ukugalukisyapo. kumyabo.
10Amaso gabo gapupalege ukuti gangaketaga; Inyuma syabo sigondamege bwila.
11Nikulalusya lelo une nikuti: Kali bikinyile ukuti bagwege losa? Himma, bo sikaya, loli panongwa ya busobi bwabo, ubupokigwa bwisile mbapanja, ukubapelela ubufi abanyʼIsraeli.
12Apene linga ubusobi bwabo bukwipela ukuya bukabi bwa kisu, kangi ukutoligwa kwabo kukwipela ukuya bukabi bwa bapanja, kali po bapelaga poki linga bayangapo bosa?
Ukupokigwa kwa bapanja; ikifwanikisyo kya kulungigwa utusambo pampiki
13Loli syo nikuyoba kumyinu mwe bapanja; bo mumo nipelile ukuya ntumigwa kubapanja, mo mumo nikubutukifya
14ububombeli bwangu, ukuti linga sibagile, mbapelelege ubufi
15abamyitu aba ilopa lyangu, ko kuti mbapoke bamo. Namanga linga ukutagigwa kwabo kukwipela ukuya lusayano lwa kisu, kali po ukwambililigwa kwabo kusite ukwipela ukuya bumi
16ubufuma mbafwe? Linga akamenya ka filubukilwa kikemo, bo yope imbuli#imbuli, bamo bikuti imbulumbwa. yosa nyikemo; kangi linga unsi mwikemo, bo syope nisamba nyikemo.
17Apene apa linga isamba simo sikonyoligwe, loli ugwe gwe nsyunguti gwa mmatengele ulungikisigwepo, kangi kulilanila
18nago ubununu bwa nsi gwa nsyunguti, ungitufyaga kusamba sila. Loli linga kwitufya, po ukumbukege ukuti ukaya yo ugwe kugupimba unsi, loli unsi go gukukupimba ugwe.
19Ugwe lilino kwisakutigi: Isamba syakonyoligwe ukuti ndungi-
20kisigwepo. Kanunu! Isyene syakonyoligwe panongwa ya kusitakwitika, ugwe loli gwimile panongwa ya lwitiko, lelo
21ungitufyaga gwimwene, loli utilege; namanga linga Kyala akasipakisye isamba sya pakikota, po nanungwe atisakuku-
22pakisyaga. Ukete lelo ubololo bwa Kyala nubukali bwake; kuli aba bagwile ko nkali, tali kumyako Kyala mololo itolo, linga kulinda mu mbololo bwake, ukuti nanungwe ungisaku-
23konyoligwaga. Bope na balabala, linga batikulindamo mbusitakwitika bwabo, bisakulungikisigwangamo, namanga Kyala
24ali namaka aga kubalungikisyamo kangi. Namanga linga ugwe gwatumuligwe ukufuma munsyunguti, ugu gwali gwa mmatengele ukupeligwa, linga gwalungikisigwe munsyunguti ugwa nkaya muno ukapeligwemo, po batikukindililaga itolo ukulungikisigwa munsyunguti gwabo, aba nkupeligwa bafumile mumo.
Inyinogono sya Kyala silabile kukubapakisya bosa
25Mwe bamyitu, namanga ndikulonda ukuti muyege basitakusimanya isya mbutitu isi, (ko kuti mungisyobaga ukuti muli ba mahala), ukuti ubukafu indumbula bukisile ikiyabo kimo kya Israeli, ukwakufika apa abapanja bosa bikwingililaga;
26bunobuno lelo Israeli gwesa isakupokigwaga, bo lilyo lisimbigwe ili likuti:
Isakwisaga ukufuma mu-Sioni uMpoki,
Yo isakubusosyangamo ubwila-Kyala mwa Yakobu.
27Ulu lo lwitikano lwangu nabo,
Bo nikubaswa inongwa syabo.
28Kulubafu lwa Ibangeli, ko bipelile balugu panongwa yinu, loli kulubafu lwa busaligwa, ko bipelile baganigwa panongwa
29ya batata. Buno ifikungilwa fya Kyala nulubilikilo lwake, fyo
30atikufyandula; namanga bo apa iyolo mukampilikaga Kyala, lilino loli mulwagile ulupakisyo panongwa ya kusitakupilika
31kwabo; bunobuno lelo bope bipelile basitakupilika, ukuti bo apa nanumwe mulwagile ulupakisyo, po bope lilino balwagege
32ulupakisyo. Namanga Kyala abigalile bosa mbusitakwitika, ukuti abapakisyege bosa.
33Mwe, bo busolofu buki ubukabi bwa Kyala, namahala, nubumanyi bwake! Ywani atʼabwenesyege ubulongi bwake,
34ywani atʼasyaganiege injila syake! Namanga ywani asyagenie inyinogono sya Ntwa? Pamo ywani uyu ali ntuli gwake?
35Ywani uyu atalile ukumpa fimo, ukuti ise agomokesigwege
36kangi? Buno fyosa itolo Akufuma mu mmyake, fikwendela mu mmyake, kangi fikulabila kumyake; yo ulwimiko luyeko kumyake bwila na bwila. Amen.
Actualmente seleccionado:
BaRoma 11: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
