Imbombo sya batumigwa 23

1Popapo Pauli alinkubalulalila aba ndukomano, alinkuyoba alinkuti: Mwe bamyitu, ndi gwa nyibonelo

2inunu itolo nkyeni mwa Kyala ukufika kulilino kuno. Umwene loli umputi unkulumba Anania alinkubalagila aba balyimile

3pabupipi nagwe, ukuti bankome kukanwa. Popapo Pauli alinkumbula alinkuti: Kyala isakukukoma gwe imato lya mpanya ugwe; gwe utugele pakundonga une ukufwana nululagilo, kangi kukilania ululagilo bo kulagila ukuti ngomi-

4gwege? Abene aba balyimile papo balinkuti: Gwe gwati

5untukege umputi unkulumba gwa Kyala? Umwene Pauli alinkuti: Mwe bamyitu, ngalimmenye ukuti mputi nkulumba; buno lisimbigwe ili likuti: Unganjobaga ububibi undagili gwa

6ba kikolo kyako. Lelo bo Pauli asyagenie ukuti ikiyabo kimo kyali kya baSadukai, ikingi kyali kya baFarisai, alinkukolela ndukomano alinkuti: Mwe bamyitu, une ndi mFarisai, ndi mwana gwa baFarisai; nikulongigwa panongwa ya lusubilo

7lwa kusyuka kwa bafwe. Lelo bo ayobile lilili, popapo lulinkutupuka ulukani nkati mbaFarisai nabaSadukai, lope

8nulukomano lulinkutapukana. Namanga abaSadukai bikuti kukayako ukusyuka, bope nabandumi bakayako, yope na

9Mbepo akayako; loli abaFarisai bo bikusitika syosa. Popapo gulinkuyapo unjwego gu mwingi. Balinkusumuka abamanyakalata bamo aba kulubafu lwa baFarisai, balinkukanika balinkuti: Uswe tukayagamo nayimo inongwa mmundu uyu; apene lelo linga Mbepo ayobile nagwe pamo ugwandumi, po

10fiki? Lelo ulukani bo lukindilile, unkulumba gwa basikali alinkutila ukuti bangisakunnyafulaniaga Pauli; popapo alinkubalagila abasikali ukuti basulukege bansosyepo kumaka pakati pamyabo, nukuntwala mwilinga.

11Lelo ikilo kikyo uNtwa alinkunsetukila, alinkumbula alinkuti: Kibaga itolo, buno bo papo usisimikisye une mu-Yerusalemu, bo fikuti ukasisimikisyege bunobuno mope na mu-Roma.

AbaYuda bikwitikana ukungoga Pauli

12Lelo bo bukile, abaYuda balinkwitikana, balinkuyiganika ukuti batikulyaga nukunwa ukufika papo bikungogaga Pauli.

13Abene aba bayiganile, bakindile pamalongo mana (40)

14ubwingi. Bo balinkubuka kubaputi abakulumba, na kubakulu balinkuti: Tuyiganike uluyigo ulukulumba, ukuti mukulyaga

15ifindu ukufika papo tukungogaga Pauli. Lilino lelo, umwe pamopene nulukomano lwa hakulu, mumbule unkulumba gwa basikali, ukuti ansulusye antwale kumyinu, mufwanege mukulonda ukusyagania bununu inongwa syake; loli uswe twitendekisye ukungoga, bo akali nukusegelela.

16Loli umwana undumyana gwa ilumbu gwa Pauli, bo apilike isya kuntegelela kwabo, alinkubuka nukwakwingila mwilinga,

17alinkumpangila Pauli. Popapo Pauli alinkumbilikila sarjenti yumo, alinkumbula alinkuti: Kambike undumyana uyu kunkulumba gwa basikali, papo ali nasyo simo isya kumbula.

18Umwene alinkumwega, alinkubuka nagwe kunkulumba gwa basikali, alinkwakumbula ukuti: Umpinyigwa yula Pauli, ambilikile nukusuma, ukuti nuntwale undumyana uyu ku-

19myako, papo ali nasyo isi ikulonda ukukubula. Popapo unkulumba gwa basikali alinkunkola ikiboko, alinkwepukapo, nukwakwiyekela nagwe, alinkundalusya alinkuti: Syo siliku

20isi uli nasyo isya kumbula? Umwene alinkuti: AbaYuda bitikene ukukusuma kilabo, ukuti usulukege na Pauli kulukomano, ko kuti bafwanege bikulonda ukundalusya bununu

21inongwa syake. Loli ugwe ungabapilikaga; namanga abandu aba bakindile na pamalongo mana (40) bansigile, bayiganike ukuti batikulyaga kangi batikunwaga, ukufika papo bikungogaga; lilino lelo bitendekisye bikugulila ukubitikisya kwako.

22Popapo unkulumba gwa basikali alinkundekesya undumyana ukuti abukege, alinkunkanisya ukuti: Ungayakumbulaga nayumo umundu ukuti umbulile sisisi.

Pauli ikutumigwa ku-Kaisaria

23Popapo alinkubabilikila basarjenti bake babili, alinkubabula alinkuti: Amubasalege abasikali bamia babili (200) aba kubuka mu-Kaisaria, naba pafalasi amalongo mahano na mabili (70), nabakolelangwego bamia babili (200); basumu-

24kege pakabalilo ka butatu pakilo. Syope nifalasi sya kunkwesyapo Pauli musisalile nganila; ukuti mukamfikisyege bununu

25itolo kwa Feliki undindililakisu. Popapo alinkusimba kalata

26uyu ikuti: Klaudi Lisia, kuli gwe ndindililakisu, gwe mwimi-

27kigwa Feliki, nikukuponia. Umundu uyu akoligwe mbaYuda, balondaga ukungoga; popapo ndinkubuka nikilundilo

28kya basikali ndinkumpoka, bo nsyagenie ukuti nDoma. Lelo bo nikulonda ukusyagania isi bandongaga, popapo ndinkusu-

29luka nagwe kulukomano lwabo; mo ndinkwaga bikundonga isya lukani lwa lulagilo lwabo, loli yikalipo nayimo inongwa

30iya kumpelela ukugogigwa pamo ukupinyigwa. Lelo bo mbuligwe ukuti bikulonda ukunsigila umundu uyu, nakalinga itolo nuntumile kumyako, bope naba nongwa yake, mbalagile ukuti bise bayobege nkyeni mmyako inongwa iyi bikundonga.

31Abene lelo abasikali balinkumwega Pauli bo mumo balagiligwe, balinkwenda nagwe pakilo nukwakumbika mwʼAnti-

32patri. Nulubunju balinkubalekela aba pafalasi ukubuka nagwe; abene balinkugomoka ukubuka mwilinga lyabo.

33Abene bala bo bafikile mu-Kaisaria, bo bampele kalata

34undindililakisu, balinkumbika Pauli mmaboko gake. Umwene bo abalile, popapo alinkulalusya ikisu kuno afumile; lelo bo

35abuligwe ukuti gwa mu-Kilikia, popapo alinkuti: Nikukupilikisyaga bo aba nongwa yako bisile. Popapo alinkulagila ukuti alindililigwege munyumba ya bulindililakisu ya Herodi.

Actualmente seleccionado:

Imbombo sya batumigwa 23: NYY

Destacar

Copiar