Imbombo sya batumigwa 11
11
Peteri ikulingania imbombo isi abombile
1Popapo abatumigwa pamopene nabamyabo, aba bali mu-Yudai, balinkupilika ukuti abapanja balyambilile
2ilisyu lya Kyala. Lelo bo Peteri afyukile mu-Yerusalemu,
3popapo ababutigwako balinkukanikana nagwe balinkuti: Gwa-
4lingile mbandu abasitakubutigwako, ulinkulya nabo. Popapo Peteri alinkwanda ukubalingania muno syakonganile, alinkuti:
5Une nali nkaya ka Yope niputaga, popapo ndinkukomwa ndinkukibona ikisetuka, ndinkwaga akandu kikusuluka kafwene bo ikilundo ikinywamu kikusololosigwa mfipeto fina
6ukufuma kumwanya, kilinkwisa apa nalipo. Popapo ndinkukenesya fiyo, ndinkufibona ifya malundi mana ifya nkisu, ifya ndisu, nifi fikwendela inyanda, ninjuni sya kumwanya.
7Kangi ndinkupilika ilisyu likumbula likuti: Sumuka Peteri,
8holaga ulyege. Loli ndinkuti: Nemma gwe Ntwa, buno ifi fili mwiko nifinyali fikingilamo siku nkanwa mmyangu.
9Popapo ilisyu lilinkwamula ulwa bubili ukufuma kumwanya lilinkuti: Ifi linga elwisye Kyala, komma ukuti fili mwiko,
10Sisisi silinkwandisania ukuboneka katatu, popapo fyosa fili-
11nkukwabigwa kangi ukubuka ku kumwanya. Popapo pakabalilo kako, balinkufika abandu batatu panyumba iyi twalimo,
12aba batumigwe kumyangu ukufuma mu-Kaisaria. Popapo Mbepo alinkumbula alinkuti: Bukaga nabo kisitakwilamwa. Abamyitu ntandatu aba balinkwenda pamopene nanine,
13tulinkwakwingila nnyumba ya mundu yula. Umwene alinkutupangila muno alimbonile ugwandumi imile nnyumba yake, ikumbula ikuti: Tumaga indumi mu-Yope, ukamwege Simoni
14uyu bikuti yo Peteri; yo isakukubulaga amasyu aga kukupoka
15ugwe naba nnyumba yako. Lelo bo nikwanda ukuyoba, popapo Mbepo Mwikemo alinkubasololokela, bo apa atusolo-
16lokile nanuswe kubwandilo. Popapo ndinkulikumbuka ilisyu ili aliyobile uNtwa ili atigi: Umwene Yohani yo okesyaga namisi, umwe loli mwisakokesigwaga na Mbepo Mwikemo.
17Lelo linga Kyala abapele bope ikikungilwa bo mumo atupelile nanuswe, twe tumwitike uNtwa Yesu Kristi, nali ne ani ne
18nabagile ukumpinga Kyala? Lelo bo bapilike sisisi, popapo balinkuya mye itolo, balinkuntufya Kyala balinkuti: Po ngimba Kyala abapele nabapanja ulupinduko, ulu lukutwala ubumi.
Abitiki ba mwʼAntiokia
19Abene lelo aba babalanile panongwa ya butolwe ubu bwabonekile pa Stefani, balinkupulungania ukwakufika mu-Fenike na mu-Saiprasi, na mwʼAntiokia, balinkusita nukumbula
20nayumo ilisyu, loli bene ba baYuda. Lelo balimo bamo mmyabo aba bafumile mu-Saiprasi na mu-Kireni, aba bo bafikile mwʼAntiokia, balinkuyoba nabaGriki, balinkuba-
21fumukisya inongwa inunu isya Ntwa Yesu. Kyope nikiboko kya Ntwa lulinkuya nabo; ba bingi balinkwitika, balinkugo-
22mokela kuNtwa. Inongwa syabo sisisi, silinkufika na mumbulukutu sya ba nkipanga kya mu-Yerusalemu: popapo bali-
23nkuntuma Barnaba ukubuka mwʼAntiokia; uyu bo afikile nukulibona ilipyana lya Kyala, alinkusekela, alinkubakasya bosa ukuti bamumililege uNtwa nindumbula isya lwifimbilisyo.
24Namanga ali mundu nnunu, aliswile Mbepo Mwikemo nulwitiko; popapo ikilundilo ikikulumba kilinkongelapo kulubafu
25lwa Ntwa. Umwene alinkubuka mu-Tarsi kukundonda
26Sauli; lelo bo amwagile, alinkuntwala mwʼAntiokia. Popapo balinkuya pamopene nikipanga ikyinja kyosa, balinkukimanyisya ikilundilo ikikulumba. Mo mwʼAntiokia muno abafundigwa balyandile ukubilikiligwa iya baKristi. Ukutumigwa kwa Barnaba na Sauli ku-Yerusalemu
27Loli mmasiku gago, po abakunguluka bamo balinkufuma
28mu-Yerusalemu, balinkusuluka mwʼAntiokia. Popapo umwinabo yumo, uyu ali yo Agabu ingamu, alinkwima, alinkuyobela ngani mwa Mbepo, ukuti yikuya pakugwa injala ingulumba
29pakisu kyosa; yo iyi yagwile pakabalilo ka Klaudia. Popapo abafundigwa balinkwitikana ukubatumila ubutuli abamyabo aba bali mu-Yudai, balinkutuma umundu gwesa bo mumo
30bwayilile ubukabi bwake. Balinkubomba bo bunobuno, balinkubatumila abakulumba mmaboko ga Barnaba na Sauli.
Actualmente seleccionado:
Imbombo sya batumigwa 11: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
