1 BaKorinti 2
2
Amahala ga bandu nubusetuli bwa Kyala
1Nanine mwe bamyitu, lula nisege kumyinu, po ngalisile ukusifumusya isya mbutitu sya Kyala, mbumaganyi bwa
2masyu pamo ubwa mahala; namanga nalinogwine ukuti nangasimanyaga nasimo isingi mmyinu, loli mwene yu Yesu
3Kristi uyu akomeligwe pakikohekano. Nanine apa nali
4kumyinu, nali monywa, natilaga kangi natetemaga fiyo; gope namasyu gangu nubulumbilili bwangu fikafumile mmasyu ga mahala aga gikutobesya, loli ndinkuboneka ukusiyobela
5mwa Mbepo na mu mmaka, ukuti ulwitiko lwinu lungayaga mmahala ga bandu, loli mmaka ga Kyala.
6Loli tukuyoba isya mahala kuli aba bafikilepo ukusyagania; gakaya go mahala ga kisu kikiki, kangi gakaya go ga balagili
7ba kisu iki aba bikuyongaga. Loli tukugayoba amahala ga Kyala aga kubutitu, amahala aga gafisigwe, aga Kyala agimi-
8kile ngani liyolo aga kutupa ubukulumba; aga akagagania nayumo mbalagili ba kisu iki, namanga linga bagagenie, po angali bakalinkomile pakikohekano uNtwa gwa bukulumba.
9Loli bo apa lisimbigwe ili likuti:
Isi ikisige kikaketilemo, nimbulukutu yikapilikemo,
Isi sikalingilemo mundumbula ya mundu,
Isi Kyala abatendekekisye babo banganile.
10Buno syo Kyala atukingulile mwa Mbepo, namanga Mbepo yo
11ikufyenesya fyosa, nifya mbusolofu bwa Kyala. Namanga mbandu ywani uyu asimenye isi sili mmundu, nikuti mwene yu Mbepo gwa mundu uyu ali nkati mmyake? Bunobuno syope nisya Kyala nayumo akasyagania, loli mwene yu Mbepo
12gwa Kyala. Uswe tukambilila Mbepo gwa nkisu, himma, loli Mbepo uyu ikufuma kwa Kyala; ko kuti tufimanyege ifi
13tupegigwe na Kyala. Isi tukusiyoba, syo tutikusiyobela mmasyu aga gikufuma ndumanyisyo lwa mahala ga bandu, loli ndumanyisyo lwa Mbepo; apa tukusisanusya isya Mbepo
14kuli aba bali mwa Mbepo. Umwene umundu gwa nkisu muno, yo atikusyambilila isya Mbepo gwa Kyala, namanga umwene sikuya sya bukonyofu itolo; kope nukusyagania akabagila, papo sikulonda ukusyenekesya ulwa mwa Mbepo.
15Umundu gwa mwa Mbepo yo ikusyenesya syosa, loli umwene
16yo nayumo atikumwenesya. Namanga ywani uyu asyagenie inyinogono sya Ntwa ukuti andinganie yuyo? Uswe loli tuli nasyo inyinogono sya Kristi.
Actualmente seleccionado:
1 BaKorinti 2: NYY
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Nyakyusa Ngonde New Testament (Ulwitikano Ulupya) © United Bible Societies, 1966.
