Džiibén 1

Syr Devél Sozdyjá Svéto (Lot)

1Angledýr saréstyr Devél sozdyjá bolybén i phuv. 2Phuv sys biformákiri i čhučí (pusto), kalypén sys pe saró xoripén (biézdna), i Devléskiro Dúho (Fáno) kharélaspe (dviginelaspe) uprál paniá. 3I phendiá Devél: “Mek te javél dud (svéto).” I dud jaciá. 4I dykhciá Devél dud, so jov sys šukár; i roskerdiá (rosčhudiá) Devél dud kalypnástyr. 5I dyjá lav Devél dudéske Dyvés, a kalypnáske Rat. I sys bel'vél' i sys zlóko (ránko)-pérvo dyvés. 6I phendiá Devél: “Mek te javél svódo (tvierd') maškír paní, i mek jov te roskerél paní paniéstyr.” 7I kerdiá Devél svódo, i roskerdiá paní, savó sys tel buĥló svódo dolé paniéstyr, i savó sys uprál, kaj sys buĥló svódo. I jaciá adiáke. 8I dyjá lav Devél svodóske Bolybén. I sys bel'vél', i sys zlóko (ránko) – javír dyvés. 9I phendiá Devél: “Mek te skedénpe paniá, savé sys tel bolybén, dro jekh štéto, i mek te jačél šukí phuv.” I jaciá adiáke. 10I dyjá lav Devél šuké phuvjake, Phuv, a paniénge, savé sys skedyné, Móri#1.10 Vari-savé Romane poety čhinena “derjavá (derjáv).” (Derjavá). I dykhciá Devél, so davá sys šukár. 11I phendiá Devél: “Mek te barjakirel phuv zelenyben, čar, saví déla siemi (viringli); i kašt (drévo), savó déla barjakirdó (plódo) pir péskiro ródo, saveskire siémi isyn pe phuv.” I jaciá adiáke. 12I barjakirdia phuv zelenyben; čar, saví déla siemjo; i kašt (drévo), savó déla barjakirdó (plódo) pir péskiro ródo, saveskire siemi isyn pe phuv. I dykhciá Devél, so davá sys šukár. 13I sys bel'vél', i sys zlóko (ránko) – tríto dyvés. 14Tén'ci phendiá Devél: “Mek te javén duda (svietily) pe svódo pir bolybén, sob (kaj) jone te roskeren dyvés ratiatyr, sob (kaj) jone te javén syr znamiénii (ĥiertyká) vaš časy (cyry), dyvesá i beršá; 15i mek te javén duda pe svódo pir bolybén, sob (kaj) te den dud pe phuv.” I jaciá adiáke. 16I kerdiá Devél duj baré duda: jekh baredýr dud, sob (kaj) te rikirél zor pe dyvesá, jekh tyknedýr dud, sob (kaj) te rikirél zor pe ratia, adiáke-pac' i čergeniá. 17I čhudiá Devél len pe svódo pir bolybén, sob (kaj) jone te den dud pe phuv, 18i te rikirén zor pe dyvesá i ratia, i te roskeren (te rosčhuven) dud (svéto) kalypnástyr. I dykhciá Devél, so davá sys šukár. 19I sys bel'vél' i sys zlóko (ránko) – štárto dyvés. 20I phendiá Devél: “Mek te javén paniá pherdé odolenca [mek te sozden paniá odolén-r.s.], savé polzynena, savé isyn džidé, i mek te vurnian čirikliá uprál phuv pir bolybén.” 21I sozdyjá Devél baren morjoskire (derjavéskire) mačhen, i každo džidó di, savó kharélape, savénca paniá isyn pherdé pir péskiro ródo, i rázna čirikliá phakenca pir péskiro ródo. I dykhciá Devél, so davá sys šukár. 22I bahtiakirdiá Devél len, rakirí: “Bijanen i te javén tumen but-but, i pherdiakiren paniá dre móri (derjavá), mek te bijandjon but čirikliá pe phuv.” 23I sys bel'vél', i sys zlóko (ránko)-pándžto dyvés. 24I phendiá Devél: “Mek phuv te del džiibén džidé dieske pir péskiro ródo; kheritkoné murdalénge (skotoske) i capnienge, polzučone džidypnenge i murdalénge pir phuv, kažnonéske pir péskiro ródo.” I jaciá adiáke. 25I sozdyjá Devél phuvitkone murdalén pir léngiro ródo, i kheritkoné murdalén pir léngiro ródo, i kažnona capnia pe phuv pir péskiro ródo. I dykhciá Devél, so davá sys šukár. 26I phendiá Devél: “Sozdasa manušés, sob (kaj) jov te udelpe pir Amarí patrín (óbrazo), sob (kaj) jov te javél kadasavó-pac' syr Ame sam; i mek jov te xulainél pe morjoskire (derjavéskire) mačhende, pe bolybnáskire čirikliende, i pe kheritkoné murdalénde i pe sarí phuv, i pe saré capniende, savé polzynena pir phuv.” 27I sozdyjá Devél manušés pir Péskiri patrín (óbrazo), pir Devléskiri patrín (óbrazo) Jov sozdyjá les: muršés i džuvliá sozdyjá Jov. 28I bahtiakirdiá Devél len, i Devél phendiá lénge: “Bijanen i te javén tumen but-but, i pherdiakiren phuv i te len zor pe láte, i te xulainen tumé pe morjoskire (derjavéskire) mačhende, i pe bolybnáskire čirikliénde i pe kažnoné murdaléste, savó kharélape pir phuv.” 29I phendiá Devél: “Áke, Me dyjom tuménge kažno čar, saví déla siemi (viringli), so isyn pe phuv, i kažno kašt (drévo), dro savó isyn kaštuno siemjo, savó déla barjakirdé (plódy): davá javéla xabén tuménge. 30I kažnoné murdaleske pe phuv i kažnoné bolybnáskire čirikliake, i kažnoné capniake, saví polzynela pir phuv, i dre savénde isyn džidó di Me dyjom kažno zeleny (zeleno) čar te xan.” I jaciá adiáke. 31I dykhciá Devél, so Jov sozdyjá i, ake, davá sys drieván šukár. I sys bel'vél', i sys zlóko (ránko) – šóvto dyvés.

Actualmente seleccionado:

Džiibén 1: ROMBALTR

Destacar

Copiar