GÉNESIS 10
10
Noepa miraynin
1Kaykuna karqanku Noepa wawasnimpa miraynin Sempata, Campata, Jafetpatawan, jatun musphay paramanta qhepaman.
2Jafetpata wawasnin karqanku: Gomer, Magog, Madai, Javán, Tubal, Mesec, Tiras ima. 3Gomerpa wawasnintaj karqanku: Askenaz, Rifat, Togarmawan. 4Jawampa wawasnintaj karqanku: Elisa, Tarsis, Quitim, Rodanimwan. 5Kaykuna karqanku Jafetpa mirayninmanta kajkuna. Sapa nación, sapa familia kikin jallp'ankupikama, kikin parlayninkuwantaj. Paykuna junt'aykorqanku mar qochaj cantosninman.
6Campa wawasnintaj karqanku: Cus, Mizraim, Fut, Canaanwan. 7Cuspa wawasnintaj karqanku: Seba, Havila, Sabta, Raama, Sabtecawan. Raamaj wawasnintaj karqanku Seba, Dedanwan. 8Cuspa wawantaj karqa Nimrod. Pay karqa ni pipis atiyniyoj kashajtin may atiyniyoj chay jallp'api. 9Nimrodqa wapu karqa Señorpa ñaupaqempi monte animalesta jap'inampaj. Chaymanta jamun chay niy: Nimrod jina wapu, Señorpa ñaupaqempi animalesta jap'ej, nisqa. 10Kamachiskasninku llajtasqa karqanku Sinar jallp'api: Babel, Erec, Acad, Calnewan. 11-12Chay jallp'amanta llojserqa Asur, ruwarqataj llajtasta: Niniveta, Rehobota, Calata, Resén jatun llajtatawan; chaytaj kashan Ninivewan Calawan chaupipi.
13-14Mizraimpa mirayninmanta karqanku: ludeos, anameos, lehabitas, naftuhítas, patruseos, casluhítas, caftoritas, mayqenkunamantachus karqanku filisteos.
15Canaampa kuraj kaj wawan karqa: Sidón, ujnin kajtaj Het. 16-18Chantaqa wawasnillantaj karqanku: Jebuseos, amorreos, gergeseos, heveos, araceos, arvadeos, zemareos, hamateoswan. Chay qhepata tukuynin Canaán ayllus tukuynejman ch'eqeraporqanku. 19Cananeospa jallp'anku karqa Sidonmantapacha Gerarnejmanta Gaza llajtakama; chaymantaqa Sodoma, Gomorra llajtasnejmanta, Adma, Zeboimnejmanta Lasa llajtakama. 20Chaykuna karqanku Campa miraynenqa, sapa ayllu kikin jallp'ankupi, kikin parlayninkuwantaj.
21Jafetpa kurajnin wauqen Sempa wawasnin kallarqankutaj. Heberpa wawasnin tukuynin paypa mirayninmanta karqanku. 22Sempa wawasnin karqanku: Elam, Asur, Arfaxad, Lud, Aram ima. 23Arampa wawasnintaj karqanku: Uz, Hul, Geter, Mas ima. 24Arfaxad karqa Salaj tatan. Salataj Heberpa tatan karqa. 25Chaymanta Heberpatapis iskay wawasnin kallarqataj, ujnin kajpa sutin karqa Peleg; imaraykuchus chay tiempopi runas jallp'amanta t'aqakorqanku. Pelegpa sullk'a wauqenqa karqa Joctán. 26-29Joctan karqa Almodadpa tatan, chanta Selefpata, Hazar-mavetpata, Jerajpatawan tatan. Adorampata, Uzalpata, Diclajta, Obalpata, Abimaelpata, Sebajta, Ofirpata, Havilajta, Jobabpatawan. Chay tukuynin karqanku Joctampa wawasnin. 30-31Paykuna tiyakorqanku chay jallp'aqa karqa Mesamanta Sefarkama, sapa llajta, sapa ayllu kikin jallp'ankupi, kikin parlayninkuwantaj.
32Chaykuna karqa Noepa miraynin, imayna aylluchus kasqankuman jina, imayna jallp'apitajchus kasqankuman jinataj. Jatun musphay paraj qhepanta t'aqakorqanku jatuchaj nacionesta kay mundopi tukuynejpi ruwanankupaj.
Actualmente seleccionado:
GÉNESIS 10: QCHSB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Qheshwa Biblia DC © Sociedades Bíblicas Unidas, 1986.
