Genesis 13
13
Nagbulagay si Abram kag si Lot
1Halin sa Ehipto si Abram nagpaaminhan padulong sa bagatnan nga bahin sang Canaan, upod sang iya asawa kag sang tanan nila nga mga pagkabutang. Si Lot nag-upod man sa iya. 2Si Abram manggaranon kaayo. May mga karnero sia, mga kanding, mga baka, kag subong man mga pilak kag mga bulawan. 3Nagpanglakaton sia halin sa isa ka lugar pakadto sa isa padulong sa Betel, sa lugar nga iya man anay ginpatindugan sang iya tolda sa gintung-an sang Betel kag Ay, 4sa diin sia man anay naghimo sing altar, kag didto nagsimba sia sa Ginoo.
5Si Lot nga nag-upod kay Abram may mga karnero man, mga kanding, kag mga baka kag may iya man kaugalingon nga panimalay kag mga suloguon. 6Tungod kay sila nga duha may madamo gid nga mga kasapatan indi sila makapadayon sa pag-estar sing tingob kay ang palahalban indi makaigo sa ila. 7Gani ang mga tinawo ni Abram kag ni Lot nga nagaatipan sang ila mga kasapatan nagailinaway. Sa sadto nga tion ang mga Canaanhon kag mga Peresnon nagaestar pa sa sadto nga duta.
8Gani si Abram nagsiling kay Lot, “Hinablos ko ikaw, kag indi dapat nga mag-ilinaway ang aton mga tinawo. 9Kinahanglan magbulagay kita. Pilia ang bisan diin nga bahin sang duta nga imo naluyagan. Kon mapatuo ka, mapawala ako, kag kon mapawala ka, mapatuo ako.”
10Si#Gen. 2:10. Lot nagpanghulonghulong kag nakita niya ang Kapatagan sang Jordan tubtob sa Zoar may bugana nga tubig kasubong sang Katamnan sang Ginoo,#13:10 KATAMNAN SANG GINOO: Ini napatuhoy sa Katamnan sang Eden. ukon kasubong sang duta sang Ehipto. Ini sang wala pa malaglag sang Ginoo ang mga siudad sang Sodoma kag Gomorra. 11Gani si Lot nagpili para sa iya kaugalingon sang bug-os nga Kapatagan sang Jordan, kag nagpasidlangan sia. Amo ini ang ila pagbulagay. 12Si Abram nagpabilin sa duta sang Canaan, samtang si Lot nag-estar sa mga siudad sang kapatagan kag nagpatindog sang iya mga tolda malapit sa Sodoma, 13nga ang mga tawo sini malaut kag nagpakasala batok sa Ginoo.
Si Abram Nagsaylo sa Hebron
14Sang nakahalin na si Lot, ang Ginoo nagsiling kay Abram, “Halin sa imo ginatindugan lantawa sing maayo ang imo palibot. 15Ihatag#Bin. 7:5. ko sa imo kag sa imo mga kaliwat ang tanan nga mga duta nga malambot sang imo panulok, kag ini mangin-imo sa wala sing katubtoban. 16Hatagan ko ikaw sing madamo nga mga kaliwat, nga wala sing may makaisip sa ila tanan, subong nga wala sing may makaisip sang yab-ok sa duta. 17Karon lakat ka kag latasa ang bug-os nga duta, tungod kay ihatag ko ini tanan sa imo.” 18Gani ginhalin ni Abram ang iya mga tolda kag nag-estar sia malapit sa balaan nga mga kahoy ni Mamre sa Hebron, kag didto naghimo sia sing altar para sa Ginoo.
Actualmente seleccionado:
Genesis 13: MBBHIL12
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Maayong Balita nga Biblia © Philippine Bible Society, 2012
