ᒉᓂᓯᐢ 8
8
1ᑭᓭᒪᓂᑐ ᒫᑲ ᑭ ᑭᐢᑭᓯᑐᑕᐁᐧᐤ ᓄᐊᐊᐧ ᒥᓇ ᑕᐦᑐ ᑫᑲᐧᐩ ᑳ ᐱᒫᑕᓂᔨᐠ, ᒥᓇ ᑲᐦᑭᔭᐤ ᐊᐊᐧᑳᓇ ᑳ ᐃᐧᒋᐊᔮᒥᑯᔨᐟ ᓈᐱᑳᐧᓂᕽ; ᐁᑯᓯ ᑭᓭᒪᓂᑐ ᑭ ᔪᑎᓂᑖᐤ ᑭᑕ ᐱᒥᐸᔨᐠ ᐊᐢᑭᕽ, ᑭ ᐹᐦᑯᐸᔨᐊᐧ ᒫᑲ ᓂᐱᔭ. 2ᐊᓂᐦᐃ ᒧᑭᒋᐊᐧᓂᐯᑲᐧ ᑎᒥᕽ, ᒥᓇ ᑭᓯᐠ ᑳ ᑭ ᔮᔪᑌᓂᑳᑌᐠ ᑭ ᑭᐸᐦᐃᑳᑌᐊᐧ, ᒥᓇ ᑭᒥᐊᐧᐣ ᑭᓯᑯᕽ ᐅᐦᒋ ᑭ ᓈᑳᓂᑳᑌᐤ. 3ᐁᑯᓯ ᓂᐱᔭ ᑕᐦᑭ ᑭ ᐊᑎ ᐹᑯᐸᔨᐊᐧ ᐊᐢᑭᕽ ᐅᐦᒋ; ᒥᓇ ᑳ ᐳᓂᐸᔨᐠ ᐊᓂᐦᐃ ᐯᔭᑳᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ ᑭᓯᑳᐊᐧ ᑭ ᐊᑎ ᐃᑲᐢᑌᐤ, 4ᐁᑯᓯ ᑭᐦᒋ ᓈᐱᐦᑳᐧᐣ ᑭ ᒥᓴᐢᑫᑎᐣ ᑌᐸᑯᑊ ᐁ ᐊᑎ ᑕᐦᑐ ᐱᓯᒧᐊᐧᕽ ᒥᑕᑕᐦᐟ ᑌᐸᑯᐳᓴᑊ ᐁ ᐃᑕᑭᒥᐦᐟ ᐱᓯᒼ, ᐋᕒᐊᕒᐋᐟ ᐊᐧᒋᕽ. 5ᒥᓇ ᑭ ᐊᑎ ᐃᑲᐢᑌᐊᐧ ᓂᐱᔭ ᐱᔨᐢ ᐃᐢᑯ ᐁ ᒥᑖᐦᑐ ᐱᓯᒧᐊᐧᕽ; ᐁ ᒥᑖᐦᑐ ᐱᓯᒧᐊᐧᕽ ᒫᑲ ᐁ ᐅᐢᑲᑯᒋᕽ ᐱᓯᒼ ᐁᑯᐢᐱ ᐊᐧᓇᐢᑲᐧᑎᓈᕽ ᐊᐧᒋᔭ ᑭ ᓄᑲᐧᓇᐧ.
6ᐁᑯᓯ ᑭ ᐃᐦᑭᐣ ᑳ ᐳᓂ ᓀᒥᑕᓇᐤ ᑕᐦᑐ ᑭᓯᑳᐠ, ᓄᐊ ᑭ ᔪᑌᓇᒼ ᐋᐧᓭᓇᒫᐃᐧᐣ ᑭᐦᒋ ᓈᐱᑳᐧᓂᕽ ᑳ ᑭ ᐅᓯᐦᑖᐟ. 7ᐁᑯᓯ ᓯᐯᐧᑎᓴᐁᐧᐤ ᑳᐦᑳᑭᐊᐧ, ᐁᐊᐧᑯ ᒫᑲ ᑳᑫᐧᑯᐢᐠ ᑭ ᐱᒥᔮᐤ ᐱᔨᐢ ᐁ ᑭ ᐹᑲᐧᐢᑲᒥᑳᔨᐠ. 8ᒥᓇ ᐅᒥᒥᐊᐧ ᑭ ᓯᐯᐧᑎᓴᐁᐧᐤ ᑭᑕ ᐋᐧᐸᐦᑕᕽ ᑭᐢᐱᐣ ᓂᐱ ᑳ ᐹᑯᐸᔨᑫᐧ ᐊᐢᑭᕽ. 9ᒫᑲ ᐅᒥᒥᐤ ᐁᑳ ᐁ ᒥᐢᑲᕽ ᑭᑕ ᑌᐱ ᓂᐸᐃᐧᐟ ᑭᑕ ᐊᔦᐧᐱᐟ ᑭ ᐯ ᑭᐁᐧᑐᑖᐠ ᑭᐦᒋ ᓈᐱᑳᐧᓂᕽ, ᒋᑫᒫ ᑫᔮᐱᐨ ᑭ ᐊᔮᐤ ᓂᐱ ᒥᓯᐁᐧ ᐊᐢᑭᕽ; ᐁᑯᓯ ᑭ ᐊᐧᔭᐃᐧᓂᐢᑫᔨᐤ ᐁ ᑭ ᐅᑎᓈᐟ, ᒥᓇ ᐁ ᑭ ᐳᓯᐦᐋᐟ ᑭᐦᒋ ᓈᐱᑳᐧᓂᕽ. 10ᑭ ᐯᐦᐅ ᒫᑲ ᑫᔮᐱᐨ ᑌᐸᑯᑊ ᑕᐦᑐ ᑭᓯᑳᐤ; ᒥᓇ ᒫᑲ ᑭ ᓭᐯᐧᑎᓴᐁᐧᐤ ᐅᒥᒥᐊᐧ ᑭᐦᒋ ᓈᐱᑳᐧᓂᕽ ᐅᐦᒋ. 11ᑭ ᐯ ᑭᐁᐧᑐᑖᐠ ᒫᑲ ᐅᒥᒥᐊᐧ ᐁ ᐊᑎ ᐅᑖᑯᓯᓂᔨᐠ; ᐁᑯᓯ ᐳᑎ ᐋᓬᐃᑊ ᓂᐱᐢ ᐁ ᑕᐦᑲᐧᑕᒥᔨᐟ ᐁ ᑭ ᒪᓂᐱᑕᒥᕽ; ᐁᑯᓯ ᒫᑲ ᓄᐊ ᑭ ᑭᐢᑫᔨᑕᒼ ᓂᐱ ᐁ ᐊᑎ ᐃᑲᐢᑌᔨᐠ ᐊᐢᑭᕽ ᐅᐦᒋ. 12ᑫᔮᐱᐨ ᑌᐸᑯᑊ ᑕᐦᑐ ᑭᓯᑳᐤ ᑭ ᐯᐦᐅ; ᐁᑯᓯ ᑭ ᓯᐯᐧᑎᓴᐁᐧᐤ ᐅᒥᒥᐊᐧ; ᐁᑯᓯ ᓇᒪᐃᐧᔭ ᐃᐧᑳᑳᐃᐧ ᑭ ᐯ ᑭᐁᐧᑐᑖᐠ.
13ᑭ ᐊᔨᑭᐣ ᒫᑲ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᒥᓇ ᐯᔭᐠ ᐊᔨᐊᐧᐠ ᐁ ᐊᑎ ᐃᑕᐦᑐ ᐊᐢᑭᐊᐧᕽ, ᓂᐢᑕᒼ ᐱᓯᒼ, ᐁ ᒫᑕᑭᒥᐦᐟ ᐱᓯᒼ ᑭ ᐃᑲᐢᑌᐊᐧ ᓂᐱᔭ ᐊᐢᑭᕽ ᐅᐦᒋ; ᓄᐊ ᒫᑲ ᑭ ᐃᑲᑌᓇᒼ ᐁ ᐊᐸᑳᐧᑌᐠ ᑭᐦᒋ ᓈᐱᑳᐧᐣ, ᐁ ᑭ ᐃᑖᐱᐟ ᒫᑲ ᐁᑯᓯ ᐳᑎ ᐁ ᐹᑯᐢᑲᒥᑭᐸᔨᐠ. 14ᐁ ᐊᑎ ᓂᓱ ᐱᓯᒧᐊᐧᕽ ᓂᓯᑕᓇᐤ ᑌᐸᑯᑊ ᐊᔨᐋᐧᐠ ᐁ ᐃᑕᑭᒥᐦᐟ ᐱᓯᒼ ᐁᑯᐢᐱ ᑳ ᑭ ᐹᑲᐧᐢᑲᒥᑳᐠ.
15ᐁᑯᓯ ᑭᓭᒪᓂᑐ ᑭ ᑭᑐᑌᐤ ᓄᐊᐊᐧ ᐁ ᐃᑌᐧᐟ, 16ᑲᐹ ᑭᐦᒋ ᓈᐱᑳᐧᓂᕽ ᐅᐦᒋ, ᑭᔭ ᒥᓇ ᑭᐊᐧ ᒥᓇ ᑭᑯᓯᓴᐠ ᒥᓇ ᑭᑯᓯᓴᐠ ᐃᐧᐃᐧᐋᐧᐊᐧ ᐊᓯᒋ ᑭᔭ. 17ᐯᒋ ᑲᐸᑌᓇ ᑳ ᐃᑕᐦᑐ ᑫᑲᐧᐩ ᐱᒫᑕᕽ ᑳ ᐃᐧᒋ ᐊᔮᒥᑯᔭᐣ ᑲᐦᑭᔭᐤ ᑳ ᐅ ᐃᐧᔮᓯᐟ, ᒫᒪᐤ ᐱᔦᓯᐢ ᒥᓇ ᐊᐊᐧᑳᐣ, ᒥᓇ ᑲᐦᑭᔭᐤ ᑳ ᐱᒥᑖᒋᒧᒪᑲᕽ ᐊᐢᑭᕽ; ᑭᑕ ᐁᐧᔪᒋ ᓂᐦᑖᐃᐧᑭᐃᑐᒋᐠ ᐊᐢᑭᕽ, ᒥᓇ ᑭᑕ ᐃᓯ ᒥᔪᑭᐃᑐᒋᐠ, ᒥᓇ ᑭᑕ ᒥᐦᒉᑎᒋᐠ ᐊᐢᑭᕽ. 18ᐁᑯᓯ ᓄᐊ ᑭ ᑲᐹᐤ ᒥᓇ ᐅᑯᓯᓴ, ᒥᓇ ᐃᐧᐊᐧ ᒥᓇ ᐅᑯᓯᓴ ᐃᐧᐃᐧᔨᐊᐧ ᐊᓯᒋ ᐃᐧᔭ. 19ᑳ ᐃᐦᑕᓯᐟ ᐱᓯᐢᑭᐤ, ᒥᓇ ᑳ ᐸᐹᒥᑖᒋᒧᐟ, ᒥᓇ ᑳ ᐃᐦᑕᓯᐟ ᐱᔦᓯᐢ, ᑲᐦᑭᔭᐤ ᑫᑲᐧᐩ ᑳ ᐸᐹᒥᑖᒋᒧᒪᑲᕽ ᐊᐢᑭᕽ, ᐁ ᑐᐃᐧᑳᓂᐃᐧᒋᐠ ᑭ ᐯ ᑲᐹᐊᐧᐠ ᑭᐦᒋ ᓈᐱᑳᐧᓂᕽ ᐅᐦᒋ.
20ᓄᐊ ᒫᑲ ᑭ ᐅᓯᐦᑐᐁᐧᐤ ᐸᑭᑎᓈᓱᐃᐧᓈᐱᐢᐠ ᑳ ᑎᐯᔨᐦᒋᑫᔨᐟ; ᐁ ᑭ ᐅᑎᓈᐟ ᒫᑲ ᑕᐦᑐ ᐁ ᐯᑭᓯᔨᐟ ᐅᐦᒋ ᐱᓯᐢᑭᐊᐧ, ᒥᓇ ᐁ ᑕᐦᑐ ᐯᐦᑭᓯᔨᐟ ᐱᔦᓯᓴ, ᐁ ᒪᒍᐢᑌᐦᐊᒪᐋᐧᐟ ᐸᑭᑎᓈᓱᐃᐧᓈᐱᐢᑯᕽ. 21ᐁᑯᓯ ᑳ ᑎᐯᔨᐦᒋᑫᐟ ᑭ ᐸᓱ ᐁ ᐃᐧᐦᑭᒫᑲᐧᓂᔨᐠ: ᒥᓇ ᑳ ᑎᐯᔨᐦᒋᑫᐟ ᐃᑌᐧᐤ ᐅᑌᐦᐃᕽ, ᓇᒪᐃᐧᔭ ᒥᓇ ᐃᐧᐦᑳᐨ ᓂ ᑲ ᒪᒐᑭᑌᐣ ᐊᐢᑭ ᐊᔨᓯᔨᓂᐤ ᐅᐦᒋ; ᒋᑫᒫ ᐁ ᐃᑌᔨᑕᕽ ᐊᔨᓯᔨᓂᐤ ᐅᑌᐦᐃᕽ ᐁ ᐅᐢᑳᑎᓯᐟ ᐅᐦᒋ ᒪᒑᔨᐊᐧᓂᔨᐤ; ᓇᒪᐃᐧᔭ ᒥᓇ ᐯᔭᑳᐧᐤ ᓂ ᑲ ᐃᑕᐢᐱᓇᑖᐊᐧᐠ ᐊᓂᑭ ᐯᒫᑎᓯᒋᐠ, ᐊᓂᒪ ᓵᓴᐩ ᑳ ᑭ ᐊᔨᑐᑕᒫᐣ. 22ᑫ ᐃᐢᑯ ᐊᐢᑭᐊᐧᕽ, ᑭᐢᑎᑫᐃᐧᐣ ᒪᓇ ᒪᓂᓯᑫᐃᐧᐣ, ᐁ ᑭᓯᓈᐠ ᒥᓇ ᐁ ᑭᓯᑌᐠ, ᐁ ᓂᐱᕽ ᒥᓇ ᐁ ᐱᐳᕽ, ᐁ ᑭᓯᑳᐠ ᒥᓇ ᐁ ᑎᐱᐢᑳᐠ ᓇᒪᐃᐧᔭ ᑲᑕ ᐳᓂᐸᔨᐤ.
Actualmente seleccionado:
ᒉᓂᓯᐢ 8: KKMs
Destacar
Compartir
Copiar
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fes.png&w=128&q=75)
¿Quieres guardar tus resaltados en todos tus dispositivos? Regístrate o Inicia sesión
This Bible text is a corrected edition of the 1908 Western Cree Bible; it is in the public domain.