ᒉᓂᓯᐢ 7
7
1ᐁᑯᓯ ᒫᑲ ᑳ ᑎᐯᔨᐦᒋᑫᐟ ᐅᒥᓯ ᑭ ᐃᑌᐤ ᓄᐊ, ᐋᐢᑕᒼ ᑭᔭ ᒥᓇ ᑲᐦᑭᔭᐤ ᑳ ᐃᑕᓯᔭᐣ ᑭᑭᕽ ᐯ ᐳᓯ ᑭᐦᒋ ᓈᐱᐦᑳᐧᓂᕽ; ᒋᑫᒫ ᑭᔭ ᑭ ᑭ ᐋᐧᐸᒥᑎᐣ ᑲᐧᔭᐢᐠ ᐁ ᐃᓯᐁᐧᐱᓯᔭᐣ ᐁᓯ ᑲᓇᐋᐧᐸᒥᑖᐣ ᐃᑕ ᐁ ᐊᔮᒋᐠ ᐅᑭ ᑳ ᐊᓂᐢᑫ ᐱᒫᑎᓯᒋᐠ. 2ᐁᐦᑕᓯᒋᐠ ᐊᓂᑭ ᑳ ᐯᐦᑭᓯᒋᐠ ᐱᓯᐢᑭᐊᐧᐠ ᑭ ᑲ ᐅᑎᓇᒫᓱᐣ ᑌᐸᑯᑊ ᐅᐦᒋ, ᓈᐯᐊᔭ ᒥᓇ ᓄᓭᐊᔭ; ᒥᓇ ᓇᓂᓱ ᐊᓂᑭ ᐱᓯᐢᑭᐊᐧᐠ ᐁᑳ ᑳ ᐯᐦᑭᓯᒋᐠ, ᓇᐯᐊᔭ ᒥᓇ ᓄᓭᐊᔭ. 3ᐊᓯᒋ ᐱᔦᓯᓴᐠ ᑳ ᐸᐹᒥᔮᒋᐠ ᑖᑌᐸᑯᑊ, ᓈᐯᔦᐤ ᒥᓇ ᓄᓭᔦᐤ; ᑭᑕ ᑲᓇᐁᐧᔨᑕᒥᕽ ᓂᐦᑕᐃᐧᑭᐦᐃᑐᐃᐧᐣ ᐊᐧᐢᑭᑕᐢᑲᒥᐠ ᒥᓯᐁᐧᐢᑲᒥᐠ. 4ᒋᑫᒫ ᑫᔮᐱᐨ ᑌᐸᑯᑊ ᑭᓯᑳᐊᐧ, ᐁᑯᐢᐱ ᑫ ᑭᒥᐊᐧᓂᐦᑖᔮᐣ ᐊᐢᑭᕽ ᓀᒥᑕᓇᐤ ᑭᓯᑳᐤ ᒥᓇ ᓀᒥᑕᓇᐤ ᑕᐦᑐ ᑎᐱᐢᑳᐤ; ᑲᐦᑭᔭᐤ ᒫᑲ ᑫᑲᐧᐩ ᑳ ᑭ ᐅᓯᐦᑖᔮᐣ ᑳ ᐱᒫᑎᓯᒪᑲᕽ ᐊᐧᐢᑭᑕᐢᑲᒥᐠ ᐅᐦᒋ ᓂ ᑲ ᓂᓯᐊᐧᓈᒋᐦᑕᐣ. 5ᐁᑯᓯ ᓄᐊ ᑭ ᐊᔨᑐᑕᒼ ᑲᐦᑭᔭᐤ ᑳ ᑭ ᐃᑎᑯᐟ ᑳ ᑎᐯᔨᐦᒋᑫᔨᐟ. 6ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᑭ ᑕᐦᑐ ᐱᐳᓀᐧᐤ ᓄᐊ, ᐃᐢᐱ ᑳ ᐃᐢᑭᐯᐠ ᐊᐢᑭ.
7 #
ᒫᐟᔪ 24:38,39; ᓬᐅᐠ 17:27 ᓄᐊ ᒫᑲ ᑭ ᐳᓯᐤ, ᒥᓇ ᐅᑯᓯᓴ, ᒥᓇ ᐃᐧᐊᐧ, ᒥᓇ ᐅᑯᓯᓴ ᐃᐧᐃᐧᔨᐊᐧ ᐊᓯᒋ, ᐊᓂᑕ ᑭᐦᒋ ᓈᐱᐦᑳᐧᓂᕽ, ᒋᑫᒫ ᐊᓂᒪ ᐃᐢᑭᐯᐤ ᐅᐦᒋ. 8ᑳ ᐯᐦᑭᓯᒋᐠ ᐱᓯᐢᑭᐊᐧᐠ, ᒥᓇ ᐊᓂᑭ ᐱᓯᐢᑭᐊᐧᐠ ᐁᑳ ᑳ ᐯᐦᑭᓯᒋᐠ, ᒥᓇ ᐱᔦᓯᓴᐠ, ᒥᓇ ᑲᐦᑭᔭᐤ ᑫᑲᐧᐩ ᑳ ᐸᐹᒥᑖᒋᒧᒪᑲᐠ ᐊᐢᑭᕽ, 9ᑭ ᐯ ᓈᑎᐠ ᓄᐊ ᓈᓂᓱ ᑭᐦᒋ ᓈᐱᐦᑳᐧᓂᕽ, ᓈᐯᐊᔭ ᒥᓇ ᓄᓭᐊᔭ, ᑳ ᑭ ᐃᑎᑯᐟ ᓄᐊ ᑭᓭᒪᓂᑐᐊᐧ. 10ᐁᑯᓯ ᑭ ᐃᐦᑭᐣ ᑌᐸᑯᑊ ᑳ ᐃᑕᐦᑐ ᑭᓯᑳᐠ, ᐊᓂᒪ ᐁ ᐃᐢᑭᐯᐠ ᑭ ᐊᔮᐤ ᐅᑕ ᐊᐢᑭᕽ.
11 #
2 ᐱᑕᕒ 3:6
ᐁ ᐊᑎ ᓂᑯᑖᐧᓯᐠ ᑕᐦᐋᐧᐤ ᒥᑖᐦᑐᒥᑕᓇᐤ ᑕᐦᑐ ᐱᐳᓀᐧᐟ ᓄᐊ, ᐁᑎ ᓂᓱ ᐱᓯᒧᐊᐧᕽ, ᒥᑖᑕᐦᐟ ᑌᐸᑯᐳᓵᑊ ᐁ ᐃᑕᑭᒥᐦᐟ ᐱᓯᒼ, ᐁᑲᐧᓂᒪ ᐁ ᑭᓯᑳᐠ ᑲᐦᑭᔭᐤ ᐊᓂᐦᐃ ᒧᐦᑭᒋᐊᐧᓂᐯᑲᐧ ᑎᒥᕽ ᑭ ᐱᑯᓂᑳᑌᐊᐧ, ᑭᓯᐠ ᑭ ᔮᔪᑌᓂᑳᑌᐤ ᑭᑕ ᓯᑭᒋᐊᐧᕽ ᓂᐱ. 12ᑭ ᑭᒥᐊᐧᐣ ᒫᑲ ᐊᐢᑭᕽ ᓀᒥᑕᓇᐤ ᑕᐦᑐ ᑭᓯᑳᐤ ᒥᓇ ᓀᒥᑕᓇᐤ ᑕᐦᑐ ᑎᐱᐢᑳᐤ.
13ᐁᐊᐧᑯ ᒫᑲ ᐁ ᑭᓯᑳᐠ ᑭ ᐳᓯᐤ ᓄᐊ, ᒥᓇ ᓭᒼ, ᒥᓇ ᐦᐋᒼ, ᒥᓇ ᒉᐱᐟ, ᐅᑯᓯᓴ ᓄᐊ ᒥᓇ ᓄᐊ ᐃᐧᐊᐧ, ᒥᓇ ᐊᓂᐦᐃ ᐁ ᓂᐢᑎᔨᐟ ᐃᐧᐃᐧᔨᐊᐧ ᐅᑯᓯᓴ ᐊᓯᒋ ᐃᐧᔭᐋᐧᐤ, ᑭᐦᒋ ᓈᐱᑳᐧᓂᕽ. 14ᐃᐧᔭᐋᐧᐤ ᒥᓇ ᑳ ᐃᑕᓯᐟ ᐱᓯᐢᑭᐤ ᐁ ᑐᐃᐧᑳᓂᐃᐧᐟ, ᒥᓇ ᑲᐦᑭᔭᐤ ᐊᐊᐧᑳᓇᐠ ᐁ ᑐᐃᐧᑳᓂᐃᐧᒋᐠ, ᑳ ᑕᐦᑐ ᐸᐹᒥᑖᒋᒧᒋᐠ ᐊᐢᑭᕽ ᐁ ᑐᐃᐧᑳᓂᐃᐧᒋᐠ, ᒥᓇ ᑳ ᐃᑕᓯᐟ ᑳ ᐸᐸᒥᔮᐟ ᐁ ᑐᐃᐧᑳᓂᐃᐧᐟ, ᐁᐦᑕᓯᒋᐠ ᐱᔦᓯᓴᐠ ᑳ ᑕᑕᐧᔭᑭᓯᒋᐠ. 15ᑭ ᐳᓯᑐᑕᐁᐧᐊᐧᐠ ᓄᐊᐊᐧ ᓈᐱᑳᐧᓂᕽ, ᓈᐦᓂᓱ ᑲᐦᑭᔭᐤ ᑳ ᐅ ᐃᐧᔮᓯᐟ ᑳ ᑭᑭᐢᑳᑯᐟ ᐱᒫᑎᓯᐃᐧ ᔦᐦᔦᐃᐧᐣ. 16ᐊᓂᑭ ᒫᑲ ᑳ ᐳᓯᒋᐠ ᑭ ᐳᓯᐊᐧᐠ ᓈᐯᐊᔭ ᒥᓇ ᓄᓭᐊᔭ ᑲᐦᑭᔭᐤ ᑳ ᐅ ᐃᐧᔮᓯᐟ ᒣᐧᐦᒋ ᑭᓭᒪᓂᑐᐊᐧ ᑳ ᑭ ᐃᑕᓱᐋᐧᑎᑯᐟ; ᐁᑯᓯ ᑳ ᑎᐯᔨᐦᒋᑫᔨᐟ ᑭ ᑭᐸᐦᐅᐠ. 17ᓀᒥᑕᓇᐤ ᑕᐦᑐ ᑭᓯᑳᐤ ᑭ ᔨᐢᑭᐯᐤ ᐊᐢᑭᕽ; ᐁ ᑭ ᐊᑎ ᒥᐦᒑᑲᒥᐠ, ᐁᑯᓯ ᑭ ᐊᑯᑎᐣ ᑭᐦᒋ ᓈᐱᑳᐧᐣ, ᐁ ᑭ ᐅᐦᐸᐦᐃᐯᐠ ᐊᐧᐢᑭᐨ ᐊᐢᑭᕽ. 18ᐁᑯᓯ ᐊᓂᐦᐃ ᓂᐱᔭ ᑭ ᓵᑯᑖᐧᒪᑲᓇᐧ, ᒥᓇ ᓈᐢᐱᐨ ᑭ ᒥᐦᒑᑲᒥᐣ ᐊᐢᑭᕽ, ᐁᑯᓯ ᐊᐧᐢᑭᑎᐯᐠ ᑭ ᐊᔮᐤ ᐊᓂᒪ ᑭᐦᒋ ᓈᐱᑳᐧᐣ. 19ᐁᑯᓯ ᓂᐱᔭ ᑭ ᐊᔨᐋᐧᑭ ᓵᑯᒋ ᒥᐦᒑᑲᒥᓇᐧ ᐊᐢᑭᕽ; ᑲᐦᑭᔭᐤ ᒫᑲ ᐊᓂᐦᐃ ᐃᐢᐸᑎᓈᐊᐧ ᓯᐹ ᑭᓯᑯᕽ ᑳ ᐊᔮᑭ ᑭ ᐊᑲᐧᓂᐯᐊᐧ. 20ᒥᑖᐦᑕᐦᐟ ᓂᔭᓇᓄᓵᑊ ᑕᐦᑐ ᓂᐢᐠ ᐊᔨᐋᐧᐠ ᑭ ᐃᐢᐱᑖᑎᒥᐤ; ᐁᑯᓯ ᐊᐧᒋᔭ ᑭ ᐊᑲᐧᓂᐯᐊᐧ. 21ᐁᑯᓯ ᑲᐦᑭᔭᐤ ᑳ ᐃᐧᔮᓯᐊᐧᕽ ᑭ ᓂᐳᒪᑲᐣ ᑳ ᑭ ᐊᐧᐢᑲᐃᐧᒪᑲᕽ ᐊᐢᑭᕽ, ᒫᒪᐤ ᐱᔦᓯᐢ, ᒥᓇ ᐊᐊᐧᑳᐣ, ᒥᓇ ᐱᓯᐢᑭᐤ, ᒥᓇ ᐁ ᐱᒥᑖᒋᒧᒪᑲᕽ ᑳ ᐸᐹᒥᑖᒋᒧᒪᑲᕽ ᐊᐢᑭᕽ, ᒥᓇ ᐁᑕᓯᐟ ᐊᔨᓯᔨᓂᐤ. 22ᑲᐦᑭᔭᐤ ᐅᑌᔨᑯᒥᕽ ᑳ ᑭ ᐊᔮᔨᐠ ᐱᒫᑎᓯᐃᐧ ᔦᐦᔦᐃᐧᐣ ᑲᐦᑭᔭᐤ ᐊᓂᑭ ᐹᑲᐧᐢᑲᒥᑳᕽ ᑳ ᑭ ᐊᔮᒋᐠ, ᑭ ᓂᐱᐊᐧᐠ. 23ᐁᑯᓯ ᑲᐦᑭᔭᐤ ᑫᑲᐧᐩ ᑳ ᐱᒫᑕᕽ ᑭ ᓂᓯᐊᐧᓈᑕᐣ ᑳ ᑭ ᐊᔮᐠ ᐊᐢᑭᕽ, ᒫᒪᐤ ᐊᔨᓯᔨᓂᐤ ᒥᓇ ᐊᐊᐧᑳᐣ, ᒥᓇ ᑳ ᐸᐸᒥᑖᒋᒧᒪᑲᕽ, ᒥᓇ ᐱᔦᓯᐢ ᑭᓯᑯᕽ ᑳ ᐸᐹᒥᔮᐟ, ᑭ ᓂᓯᐊᐧᓈᑎᓯᐊᐧᐠ ᐅᑕ ᐊᐢᑭᕽ ᐅᐦᒋ; ᓄᐊ ᐱᑯ ᑭ ᐊᔮᐤ ᐁ ᐱᒫᑎᓯᐟ, ᒥᓇ ᐊᓂᐦᐃ ᑳ ᐃᐧᒋᐊᔮᒥᑯᐟ ᑭᐦᒋ ᓈᐱᑳᐧᓂᕽ. 24ᐯᔭᑳᐧᐤ ᒥᑖᐦᑐᒥᑕᓇᐤ ᒥᓇ ᓂᔮᓇᓄᒥᑕᓇᐤ ᑖᐦᑐ ᑭᓯᑳᐤ ᑭ ᐊᑲᐧᓂᐯᐤ ᐊᐢᑭ.
Actualmente seleccionado:
ᒉᓂᓯᐢ 7: KKMs
Destacar
Compartir
Copiar
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fes.png&w=128&q=75)
¿Quieres guardar tus resaltados en todos tus dispositivos? Regístrate o Inicia sesión
This Bible text is a corrected edition of the 1908 Western Cree Bible; it is in the public domain.