Nikamowina 23
23
kā‑tipēyihcikēt okanawēyimāyatihkwēw
onikamon David
1kā‑tipēyihcikēt ēwako nikanawēyimāyatihkwēm;
kahkiyaw kīkway nika-tēpipayin.
2nipakitinik kita-āstēsiniyān ita ē‑timaskāk
mīna nipimohtahik ita ē‑kāmwātahk nipiy.
3kāwi nimiyik nisōhkātisiwin.
nikiskinohtahik tānihi kwayask mēskanawa,
owīhowinihk ohci.
4kiyām āta pimohtēyāni pasahcāhk ita ē‑kaski-tipiskāk
namōya nika-kostācin,
ayisk kiwīcēwin;
okanawēyimāyatihkwēwāhtik
kitohci-kanawēyimin.
5kikwayātastamawin wīhkohkēwin
ita ē‑kitāpamicik aniki kā‑pakwāsicik;
kitōministikwānēnin ē‑kihci-pamihiyan
mīna kitōsām-sākaskinātān niminihkwākan.
6kikisēwātisiwin mīna kisākihiwēwin ēkāya wīhkāc kā‑kīsipipayik
nika-pimitisahokon isko kā‑pimātisiyān.
ēkosi kākikē nika-wīkin owāskāhikanihk kā‑tipēyihcikēt.
Actualmente seleccionado:
Nikamowina 23: PCSBR
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
