Эвел 7

Шту дюнья ккапӀуб

1РАББИЙИ Нюгьдиз кӀуру:

– Уву ва яв вари хизан гимийиъ учӀвай. Му дюньяйиъ гьамусяаьтна яшамиш шулайидаригъ дугърир сар увутӀан гъяркъюндарзуз. 2Увухъди гьарсаб гьялал гьяйванатарикан хпибна жилиб ургуб жут гъадагъ, хъа гьярам гьяйванатарикан хпибна жилиб – саб жут. 3Гьацира заварин ничхрарин вари жюрйирикан хпибна жилиб ургуб жут гъадагъ. Гъит дурарин тум жилиин гъубзри. 4Узу ургуд йигълан ягъчӀвур йигъазна ягъчӀвур йишваз жилиинна мархь гьапӀдиза. Узу халкь гъапӀуб вари жилилан терг апӀидиза.

5Нюгьди вари чаз РАББИЙИ амур гъапӀси апӀуру.

6Жилиин шид улубчӀвруган, Нюгьдин йирхьудварж йис вуйи. 7Дюнʼя ккаъру штарихьан чиб уьрхюз Нюгь, чан баяр, хпир ва баярин хпар хъади, гимийизди учӀвру. 8Хъа вари жюрейин гьялал ва гьярам гьяйванатарикан, ничхрарикан ва гьарсаб гьяшаратнакан 9хпибна жилиб – саб жут, Заанури Нюгьдиз амур гъапӀганси, гимийиз Нюгьдихьна гъюру. 10Ургуд йигълан дюнʼя ккапӀру штар жилиина ургъуз хъюгъю.

11Нюгьдин уьмрин йирхьудваржпи йисан, кьюбпи вазлиъ, вазлин йицӀиургудпи йигъан, жилин бушлугъарин вари булагъар гьутӀурччвнийи, заварин улдар арццнийи. 12ЯгъчӀвур йигъанна ягъчӀвур йишван жилиина мархь убгъуру. 13Гьадму йигъан Нюгь, Нюгьдин баяр – Сим, Хам, Яфет, Нюгьдин хпир ва баярин шубур хпир дугъахъди гимийиъ учӀвру. 14Дурарихъди гимийиъ жилин вари чӀивишнарра учӀвнийи: гьар жюрейин гьяйванатар, мал-къара, жилиин али вари гьяшаратар, хлинццар кайи вари ничхрар. 15Уьмрин ил али гьарсаб гьяйванат Нюгьдихьна гъафнийи, 16ва хпибна жилиб жут-жутди, Заанури Нюгьдиз амур гъапӀси, гимийиъ учӀвнийи. Хъа гьадмуган РАББИЙИ Нюгьдин кьяляхъди гимийиъ учӀврушв хъябкьнийи.

17Шту жил ягъчӀвур йигъан ккапӀри гъабхьи. Шид артухъ-артухъ шулайи. Гими уьлюбхюру. 18Хъа шид жилиин гужал шулайи, гими дерин штариин гъубзу. 19Заварин кӀанакк ккайи вари ягъли дагълар ккеркруси, шид дюнʼяйиин кьадарсуз за гъабши. 20Дагълар ккеркну, шид йицӀихьуб хъуршилсан#7:20 Ургуб метрна гьацӀкьан ягъалди. за гъабхьи. 21Жилилан гъябгъру вари чӀивиб: ничхрар, мал-къара, вягьши гьяйванатар, битӀар-чурчлар ва вари инсанар, 22чипʼин уьмрин ил алидар вари гъийихнийи. 23Жилин зиин али гьарсаб чӀивиб тӀанкь гъабхьнийи. Инсаниятдилан ккебгъну мал-къарайиинакьан, нахшрарна, завун ничхрар – вари дюнʼяйилан марцц гъахьнийи. Нюгь ва дугъахъди гимийиъ айидартӀан гъузундайи. 24Шид дюнʼяйиин варжна хьцӀур йигъан улубчӀвну гъубзнийи.

Actualmente seleccionado:

Эвел 7: ТабГК

Destacar

Copiar