ÏOANNIS 2
2
Ka jingkyntiew kurim ha Kana
1Ar sngi hadien, la don ka jingkyntiew kurim ha ka shnong Kana kaba ha Galilaïa. 2Ka kmie U Jisu ka la don hangta bad ïa U Jisu bad ki synran ruh la khot sngewbha sha ka jingkyntiew kurim. 3Haba ka waiñ ka la lut noh, ka kmie U Jisu ka la ong ïa u, “Kim don waiñ shuh.”
4“Phim dei ban ong ïa nga ïa kaei ba ngan leh,” U Jisu u la jubab. “Ka por jong nga kam pat poi.”
5Ka kmie jong U Jisu te ka la ong ïa ki shakri, “To leh kat kaba u ong ïa phi.”
6Ki Jiw ki don ki aiñ shaphang ka jinglehniam haba sait pynkhuid, bad na ka bynta kane ka jingthmu la don hynriew tylli ki khra-maw buh um, uwei uwei u ngiam kumba shispah litar ka um. 7U Jisu u la ong ha ki shakri, “Pyndap ïa kine ki khra da ka um.” 8Ki la pyndap shoiñ ïa ki, bad nangta u la ong ha ki, “Mynta to tong khyndiat ka um bad leit rah ïa ka sha u nongpynïaid jong ka jingkhawai.” 9Ki la leit rah ïa ka um, kaba mynta ka la kylla waiñ, bad u la mad ïa ka. Um shym tip nangno la wanrah ïa kane ka waiñ (hynrei, da shisha, ki shakri kiba la tong ïa ka um ki la tip ïa kata); 10kumta u la phah khot ïa u nongleitkurim, bad u la ong ha u, “U briew baroh u ai shuwa ïa ka waiñ kaba bha tam, bad hadien ba kiba la shah khot sngewbha ki la dih pahuh, u pynbud sa da ka waiñ kaba kham duna ka jingmad. Hynrei ma me, me tyngkai ïa ka waiñ kaba bha tam haduh mynta!”
11U Jisu u la leh ïa kane ka kambah kaba nyngkong ha Kana ha Galilaïa; hangta, u la pynpaw ïa ka burom jong u, bad ki synran jong u ki la ngeit ha u.
12 #
Mat. 4:13
Hadien kane, U Jisu bad ka kmie jong u, ki para shynrang jong u, bad ki synran ki la leit sha Kapernam bad ki la sah hangta katto katne sngi.
U Jisu u leit sha ka Templ
(Mat. 21:12-13; Mrk. 11:15-17; Luk. 19:45-46)
13 #
Eks. 12:1-27
Ka la jan dei artat ka por na ka bynta ka Jingkhawai Niam Ka Jinglait, kumta U Jisu u la leit sha Jerusalem. 14Hangta ha ka Templ u la lap ïa ki briew kiba ïadie ïa ki masi, ki langbrot bad ki paro, bad ki nongïapeiñ pisa ruh ki ïashong ha ki miej jong ki. 15Te u la thaw ïa u jingsympat da ki tyllai jingteh bad u la beh noh shabar ka Templ ïa ki mrad baroh, ki langbrot bad ki masi ruh; u la pynkylla khongpong ïa ki miej jong ki nongïapeiñ pisa bad u la pynsaphred ïa ki pisa sbai; 16bad u la hukum ïa kito kiba ïadie paro, “Rah noh ïa ki nangne! Wat pynlong jaka ïew ïa ka ïing U Kpa jong nga!” 17#Salm. 69:9Ki synran jong u ki la kynmaw ba ka Jingthoh Bakhuid ka ong, “Ka jingsngew shitrhem jong nga ïa ka ïing jong me, a Blei, ka ing hapoh jong nga kum ka ding.”
18Ki nongsynshar jong ki Jiw ki la jubab da ka jingkylli, “Ka kambah aïu ba me lah ban leh ban pyn-i ha ngi ba me don hok ban leh ïa kane?”
19 #
Mat. 26:61; 27:40; Mrk. 14:58; 15:29 U Jisu u la jubab, “Pynpra ïa kane ka Templ, bad ha ki lai sngi ngan tei pat ïa ka.”
20“Hato men tei pat ïa ka ha ki lai sngi?” ki la kylli ïa u, “Ka la shim por sawphew hynriew snem ban tei ïa kane ka Templ!”
21Hynrei ka Templ kaba U Jisu u kren ka long shaphang ka met jong u. 22Kumta haba la pynmihpat ïa u na ka jingïap, ki synran jong u ki la kynmaw ba u la lah ong ïa kane, bad ki la ngeit ïa ka Jingthoh Bakhuid bad ïa kaei kaba U Jisu u la ong.
Ka jingtip U Jisu ïa ka jinglongbriew
23Katba U Jisu u dang don ha Jerusalem ha ka por ka Jingkhawai Niam Ka Jinglait, shibun ki la ngeit ha u haba ki la ïohi ïa ki kambah kiba u la leh. 24Hynrei U Jisu um shym la shaniah ïa lade ha ki, namar ba u la tip ïa ki baroh. 25Ym da donkam mano mano ban ïathuh ha u shaphang jong ki, namar u hi u la tip kaei kaba don ha ka dohnud jong ki.
Actualmente seleccionado:
ÏOANNIS 2: KHACLBSI
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Khasi CL Bible
Copyright © Bible Society of India, 2016.
Used by permission. All rights reserved worldwide.
