Malakai 4
4
Yâwɛɛ ŋɔɣelei a pâi
1Ŋ̀wála-wâla kélee Yâwɛɛ a môi ǹyɛɛi, “Ŋ̀ele kûui káa pâi tãi ǹyoŋka-ƃelai da zɔnyɔ̂ŋ-ƃelai da pâi kérenîi la yɛ̂ɛ kala kpâlai. Maa ɣêlei tí da pâi kérenîi, dí kpua tɔ̂nɔ kpîŋ fé pâi lɛɛ̂i. 2Kɛ́lɛ káai ka yâo ḿâi ŋátɔ̃yâ-laai a pâi ƃêlai kâa yɛ̂ɛ fólo, gɛ́ pà a ƃálo-laa kápɔ yɛ̂ɛ fólo-kpã̂le. Ka pâi kɛ̂i a ká ŋuŋ-maa-ƃóɔɔ kálii kɛ́ nɛ̃ɛ yɛ̂ɛ da niŋa-lônii kula kóraŋ su díkɛ pìli-pili. 3Ŋ̀ele-kûui ŋa pâi m̀ɛnii ŋí kɛ̂i lai, káyee a pâi tɛɛ̂i ŋ̀wana-lɔ̂ɔ-ƃelai dîa, ǹyaŋ da pâi kɛ̂i a muluŋ kákɔɔ mu.
4“Ńyee mu-nuui Mose ŋɔsɛŋ-lɛ́ɛ-ŋai maa mɛ̂ni é lɛ́ɛ kákili ŋá, dɔ̂ŋ-ŋai é pɛ́lɛ ŋ̀óo-ŋai dîa ŋá dɛ̀ɛ bɔ́ Sana Yeei ma Eezuɛ-ŋai kélee mɛni ma a gɛɛ dí láa lai.
5“Kɛ́lɛ Yâwɛɛ ŋɔmɛni-kpɔ̂lu-kula ɣêle-kuu kɛ́tɛi é lɛ́ɛ pâi pâi, ŋa pâi Ɣâla ŋɔlóno kɛ́-nuui Ilaiza tɛɛ̂i. 6A pâi pâi a ǹóŋ-kaa-sinaai da dílônii gîe ma ŋɔ́nɔ. À wàla kɛ́ tí fɛ̂ɛ ŋa pá ŋá kálɔii su kara.”
Actualmente seleccionado:
Malakai 4: KWB
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
